وهم الوجوه

الحلقة الثالثة والعشرون

#وهم_الوجوه

الحلقة الثالثة و العشرون..

للكاتبة .. زينب الشمري zan_eb15

°°°°°°°°°°°°°°°°°°°°°°°°°°°°°°°°

فتحت عيوني على وسعهن واني اسمع دعاء وهيا تعوج بحلكهه وتحجي حاولت ماابين ردة فعلي بسرعة تحمحمت _ شنو نووع العلاقة يعني ؟!

_ اوووي شبيج علاقة يعني علاقة يريد بالي بالج

هزيت براسي واني معصبة _ وانتي قبلتي ؟

_ طبعاً لااااا هوو ديتوسل بية يومية يجي للدائرة علمودددي يريدني انطي مجااال بس اني لابستة

_ امممم واضح

_ شقصدج

_ لا هيج

_ اي خية ديري بالج منه خاف هذا يريد يلعب بينه ع صووبين

_ لا حياتي اني ماخلي احد يلعب بية لان من الاساس مااننطي مجال لأي احد

_ اي احسلج

اختنكت كلللش من سززز قيصر شديلعب هذا جاب دعاء بنص من كثر ماانغثيت شلت الاوراق وطلعت ويحتاجن ختم من نعلان طلال دكيت الباب بسرعة انطيته تحية بدون ماباوع بوجهه خليت الاوراق على ميز _ سيدي يحتاج ختم وتوقيعك

_ هسه اني مشغول اخذيهن وبليل تعاي لبيتي وجيبيهن وياج نكملهن سوة

رفعت حاجبي صفح _ نعم ؟! ليش اجي لبيتك سيدي

_ احسن حتى نكملهن سووة وهم اريد انطيج مهمه جديدة حتى اعلمج عليهه بليل

اتنهدت واني بودي اركعه بوكس افلش عيونه ابو وصخ _ اعتذر سيدي مااكدر اجي لان بليل عندي غير شغل

_ شنو نووع شغل الي عندج

_ اااا والدي مريض وبلسماوة اليوم خميس اروحلة حتى باجر عطلة

_ اهاااا والدج مريض كتيلي

_ اي نعم

_ يلا عيني ننتظرج شنسووي بس شوووية مو ضعفاانة احسج جنتي مربربة شحلاتج

شددت قبضة ايدي وياي اخر قطرة من صبر _ سيدي اني اترخص عندي شغل من رخصتك

_ تمام طلعي

طلعت واني من النرفزة الي بية ودي ادخل واكسر المكتب على راسة ماتحمل احد يحجي وياي بهيج صيغة رذيلة بدون اي اخلاق ضربت الحايط بقووة أريد افرغ العصبية الي بداخلي واني صاكة سنوني
طلعت الموبايل من جيبي وغلقت التسجيل ..

بسيطة اني الك يصهيب بس احتاج دليل اقوى من هيج حتى اشتكي علي

رجعت للغرفة ودعاء تخابر اول ماشافتني غلقت موبايل شمرت الاوراق على ميز اخذت سويج وطلعت واني ادردم خرا بهيج عيشة كل مكان الك** بي اريد واحد شررريف ماكووو شكوو واحد زايعته الكاع صاير كبالي طلعت من دائرة ودي اصيح واعيط اطلع الحركة البداخلي ركبت السيارة وضربت الستيرن بكل قووتي