وهم الوجوه

الحلقة الخامسة عشر

#وهم_الوجوه

الحلقة الخامسة عشر ..

للكاتبة .. زينب الشمري zan_eb15

°°°°°°°°°°°°°°°°°°°°°°°°°°°°°°°°

_ سيادة الرائد ممكن أعرف وضع حبوبتك شلون صار ؟!

_ اي هيج صاار.. الحمدللة زينة صاعد سكر عدها ومتدري بروحهه ضربوهه انسولين وعلاجات وكاترة رجعت زينه

_ الحمدلله والشكر الله ينطيهه العافية

_ الله يسلمج .. ليش رجعتي مانتظرتيني

_ لا ماريد ازحمك واضايقك اكثر

_ انتي ضايقيني ؟؟

_ يعني ماسببلك احراج كدام اهلك جيبتي يمهم ونوب ترجعهم زحمه ماريد تسمع كلام بسببي

_ ههههههه تخافين على سمعتي

_ طبعاً اهم شي سمعتك سيدي

_ بت اصول والله شوكت جيبين اهلج وتجين الخميس ماعدنة شي

_ نعم؟

_ ها صدك سوري نسيت يلا غلسي

اتنهدت _ من رخصتك عندي شغل

_ يحفظج الله

سديته وكمت نحلانه اشوف هدى قتيلة عبالك جاية من جبهه نايمه كمت نظفت الشقة وغسلت ملابس لبست جاكيت على ملابسي ونزلت اشتري صمون واذب زبل (تكرمون)

انتبهت فاتحين قاعة حديد جديدة قريبة كللش على عمارة دخلت عدهم طلعت قاعة نسائية من 8 _ 12 بليل سجلت اسمي اني وهدى نتمرن احسن من كعدة من 8 _ 10 ساعتين كافيات

خذت صمون واشتريت نمنميات من الاسواق رجعت والطريق كلة ماعرف شسوي تفكير عشوائي ماعرف بشنو افكر بس هيج دايخة طلعت كسر بلكوزمتك قبل فترة لان دوام وماكدر اوكف بي وهدى كذالك عدها دوام ماضليت بي هوواي بعت الغراض كلهه وسلمتة للمستأجر وحايرة بلمصاريف صحيت على صووت هوورن قووي وراي طلعت نازلة ع تبليط ومادري بروحي

صفكت روحي راجدي ورجعت بسرعة لكيت مسعدة ستوهي كاعدة من نوم

_ صح نوم حبيبي بعد وكت

_ اووو ولج ولا ادرري نمت مثل قتيلة سمعتج سولفين بس مابية حيل اركز هاي شمشترية

_ اچل بوية اچل .. ويا قيصر احجي سئلتة ع حبوبتة

وهيا تنبش بلعلاليك _ امممم ويا استاذ قاااصر شحجيتوو بعد

_ اححح قاصر هاي منيلج نوووب

_ بكيفي هيج اجة بالي

_ ام كييف وخرري خلحط العشى واكلي لضلين جنج فارة + عندي خبر الج

طلعت تفاحة تعلس بيهه _ اي بلة شنو هذا الخبرر

_ سجلت بقاعة رياضة ثنينن من 8_10 بليل