وهم الوجوه

الحلقة العشرون

#وهم_الوجوه

الحلقة العشرون..

للكاتبة .. زينب الشمري zan_eb15

°°°°°°°°°°°°°°°°°°°°°°°°°°°°

جمعة مباركة
احلا بارت لعيونكم الحلوة 🪽💖

قيصر ..

اول لقاء الي جان بأصيل بعرس هيثم جنت بعدني طالب بلكلية العسكرية جانت طفللة كللش صغيرة بريئة بس واضح عليهه شكد مهمومه مو حالهه حال بقية البنات بيها تصرفات غريبة خشنة متحسسك انثى استغربت من شفتهه تشتغل بمطعم استفسرت عنها من هيثم وسولفلي عن اهلة توفو وعند حجي صالح عايشة ومتكفل بيهه بوقتهه ماهتميت الهه كلت طفلة
ومتعرف تتصرف حتى من اتجاوزت وقللت تربية ..

بعد سنين طويلة تفاجأت بيهه من جانت رتبتي ملازم اول وادرس بكلية القانون حتى ارفع شهادتي جانت مرحلة اولى شكلهه متغير حليانة اكثر نكدر نكول انعجبت بيهه صدها الي وغروها خلاني اتقرب الها اكثر بس كلعادة تصدني حاولت اتقرب من خلال صديقتهه هدى بس طلعت مثلهه سنة كاملة مانطتني ذرة امل حد اخر يوم من استلمت النتيجة دكتور آرغد جان صديق كللش مقرب الي قبل لا ادخل الكلية جنة سوة بلاعدادية من دخلت القانون رجعت علاقتنا ونسولف بيوم سولفلي عن اعجابة باصيل بوقتها ضجت كللش من كلي راح افاتحهه بلموضوع حاولت ابعدة عنهه بس ماقتنع لحد مافاتحهه ورفضته بعدها گلي رفضته واني طرت من الفرح

صدها ما چان بس الي صدها جان لكل الرجال متحب تتقرب من اي ولد .. الي مثلهه وعايشة حياتها من بنات جانت عدها حرية ويومية يم ولد بس هيا كللش متحفظة ..

بعدها تخرجت والتهيت بنفسي وراحت عن بالي جان مجرد اعجاب وانتهى ..

من بعد ٣ سنين اخرى رجعت كبالي وهيا بزي العسكري انصدمت اخر شي ممكن اتوقعة ارجع اشوفها والكاها ضابط ملامحهه ذبلانة ومتغيرة كللش طبعها مو مثل قبل بيها فكة تسوللف بس متنطي مجال ..

مشاعري تجاهه بلبداية غريبة ماكدر اكول معجب بيها واحبها ولا كلبي بارد تجاهه بين اي ولا ..

صارت عندي معاملة على كم مرة وصرت امرلها للدائرة بهلوقت تعرفت على ملازم دعاء اول ماشافتني ضللت تكمززز كللش خفيفة وملطلطة مامخلية رجال بنفسها صارت دك علية وتتصل تالي ليل واني اخذ بلكلام وانطي وياها الي غاية بلي دااسوي ولازم اسايسهه حتى اخذ منهه دليل قوووي

من بعد فترة ويا الاحداث الاخيرة انتبهت لهدى ناشرة ستوري على الانستكرام بوقتهه جانت اصيل زعلانة مني ورايحة للسماوة يم حجي صالح

جانت اصيل نايمة على القبر والغريب اسم المرحومه ( ريم لواء ) بقية القبور حسام وعلي وعمر وبلاخير اصيل صاار عندي شكك كللش قووي بنفس الوقت مدا اكدر اصدك الي داافكر بي دماغي افتر ..