الثَأر يَتقدمُ

بارت 5

{بِسَم اللّٰه الرحَمن الرحَيمُ}.

أبدأ قُصتي بعَنوان: الثَأر يَتقدمُ.

بقَلم الكاتِبة: نَرجِس.

هَلا شلونكم حبايب قلبي طبعاً ادري اني طولت ومجاي انزل بَسہ وداعتكم ماعدي وقت و مراح احط وقت محدد حتى انزل اني شوكت ما اكمل البارت انزله لان اذا احط وقت جاي اتقيد وما اكدر اكمل البارت فه لتنسون تصويت وتعلقاتكم الحلوه على الفقرات🤍

                   مُشاهدة مُمتعة.
______________

هدى:- خلصت الاربعين ورحنه لكربلاء زرنه ودعيت الي وللبنات لان وصني ومشت الايام وموقف سيف بعده بالي مجنت متوقعته هيج راح يسوي شكد ميستحي هذا وضليت افكر واكول ليش سوه هيج نفضت الافكال من راسي وكملت شغلي اندك الباب رحت ركض فتحته شفت ابويه كتله بابتسامه: هلاو بابا الله يساعدك كل ضني انو راح يرد عليه لو يحضني واني اعرف هو مراح يسوي هيج بس كلت بلكت يسوي ويحسسني انو اني عندي من صدك اب بس هضمني من صاح ليلى وهيه اجتي تركض حضنها وباسها وضل يشاقي بيها واني واكفه ودمعه بطرف. عيني واشوفه شلون مهتم بيها وشلون حاضنها ويشاقيها جنت اتمنه لو اني بمكانها واتمنه اضوك طعم حنان الاب بس مضكته واتمنه لو عندي ام هيج تحبني مثل ما ليلى امها شلون تحبها وابويه هم يحبها اني ليش لا امي تحبني ولا ابويه ولا اخواني بس عماد وجنات وحتى من جنت بلبتدائيه من جانو يسوون مجلس اجتماع اولياء الامور اني مجان احد يجي ولمن المديره تسئلني ليش اهلج ميجون جنت اصفن بوجها ومجان يطلع مني اي جواب اضل ساكته والهضمه الجبيره من اجت امي وسعاد سلمن عليه وهمه يضحكون ولا كانو اني موجوده ولا كانو اني بشر وعندي احساس ومشاعر عفتهم وصعدت للغرفه ركض وسديت الباب وضليت ابجيي واعاتب اهلي الي ميحسون بيه وتلفوني طفيته صاله يومين ماريد احجي ويه احد بقيت ابجي لحد ما عيوني خدرن وبعد مكدرت واستسلمت للنوم....

كعدت على صوت البقره الضاحكه بس تعيط وتصيح عليه كمت واني اتافاف شفت الساعه ب9 كلت: هسه هاي شبيها كبر حتى كبر نزلت
سعاد:- نزلت العروس ها عيني نايمه لضهاري تردين احنه نخدمج
هدى:- اهوو بدت رحمه الله عفتها ورحت للمطبخ شفت ورده ونجاء جاي يريكن الجهال كتلهن: صباح الخير
نجاء+ورده:- صباح النور
هدى:- اكلجن جوعانه ونبي
نجاء:- اي عمري تعاي اكلي هذا الريوك
هدى:- كعدت اكل واحجي وياهن كتلهن: اكلجن هاي البقره الضاحكه شبيها اجوعر من الصبح
ورده:- والله داده مدري شبيها حاطه كورها وكورج
هدى:- لان دوده بط** وضل تلاكش بيه
ورده:- عزاا بعينجج هههههههه
نجاء:- ولجج هديوه سكتي لا تسمعجج
هدى:- دخل تاكل خرا لا اشك حلكها  المهم عوفج منها ورده انت يا شهر هسه طبعا ورده حامل
ورده:- والله هسه اني بشهر5
هدى:- عيع شوكت جيبين ولج
ورده:- باقي 4 اشهر
هدى:- حيييل باقي هوايي
ورده:- ههههه لعد شسويي
هدى:- ولج شو متشوقه اشوفه هذا ابنج
ورده:- ان شاء الله مباقي هواي
هدى:- اي اكلج نجاء
نجاء:- ها عيني كولي
هدى:- شسمه بابا وين شو مشفته واليوم جمعه اكيد معنده شغل
نجاء:- اي ولج مو طلع هو والولد للسوك
هدى:- اهاا خوش
سكتت ورجعت كتلها:- احم هم سئل عليه او يعني قصدي هم ذكر اسمي هيج قصدي
نجاء:- هو لا ماسؤل عليج
هدى:- كلش انقهرت وانهضمت جنت اتمنه شي يوم ابويه يسئل عليه لو يذكرني بشغله كله ليلى وهو كلمره من يجي يحضنها ويبوسها ويكلها: بنيتي الغاليه محد يجي بمكانج جان يهضمني ويقهرني بهذا حجيه جنت اموت من القهر ليش هيج يفرق بينه وحتى كرار ميحجي وياي وكله ويه ليلى يموتون عليها واني محد معبرني يكتلوني بحسرتي من يتجاهلوني ومن اطلب شي يضلون يطلعون حجج وليلى لو طلبت شغله يكلولها صار وتدللين وهيه كلساع شامرتلي حجايه تقهرني بيها واني ماكو مني اي ردت فعل كمت من الطاوله نفسي نسدت
ورده:- ها هدى وين شو ماكلتي مو كلتي جوعانه
هدى:- لا شبعت ماريد عفتها ومشيت ضليت اعزل بلبيت وهاي سعاد بس نتناكر وياي لحد ما كتلها:- شتردينن منييي عوفينيي حتى نوم متخليني انام
سعاد:- لا والله شوفي ولج بعد من اليوم ورايح تكعدين من الصبح تنضفين وطبخين احنه مو خدم عندك
هدى طكت مرارتي منها كتلها:- موو هااييي بنتججج شكوو جايه عليهه يكوولل كاتتلهه ابووججج
سعاد:- لا وترفع صوتها الصلفه شوفي ولج بنتي هنا كاعده بيت ابوها ومتشتغل انت شنو حجتج حتى متشغلين
هدى:- واني هذا هم بيت ابويه
سعاد:- ههههاااااييي كلتي بيت ابوج منين اجه ابوج هو انت كلج على بعضج بنت شوارع وامج مدري ويه يا كوا** مكو** وجايبتج
هدى:- احترمي نفسسسجججج
ليلى:- انجبي ولجج ادبسزز شلون ترفعين صوتج على امي ساق** كح**
هدى:- اليوممم اشوفججج الكح** شتسويي ردت اروح بس نجاء لزمتني وضلت تهدي بيه وهذيج بس تغلط هيه وامها والقهرني امي وياهن عفتهن ورحت اكمل الشغل واني ادردم عليهن لحد مصار الضهر رحت سبحت وتوضيت وصليت على السريع لان بس اتاخر راح تخبصني سعاد ضفرت شعري وجنت بوكتها لابسه اتراك نص ردن اسود لان حالياً محرم ومباقي شي ويخلص نزلت ومثل العاده شفت ليلى كاعده بصف ابويه وهو يضحك وياها شافني ورجع يسولف ويه ليلى ويضحك فززني صوت سعاد
سعاد:- ولجج هاايي شلابسهه روحييي لبسيي حجابب وغيري لبسج لو جايهه تغرين الوولدد بنت الشوارع
هدى:- شنو اغري تره هذوله اخواني واني لبسي مابي شي
سعاد:- ولجج استحيي على نفسجج شكدج شكبرج لابسه هيج روحي لبسي لبس مستور ومن اليوم ورايح تلبسين كله حجاب كدام الولد
هدى:- هايي شبيجج وياايي ترهه هذولهه اخوانييي والللههه ميصيررر هييجججج حراامممم عليكمممم خافووو ربكم شمسويتلكم انييي حتى هيج تعاملونيييي شسووييتتت
ام هدى:- بسسسسججج ولجج امشييي صعدي لغرفتج وسترييي نفسججج
ابو هدى:- امشييي صعدي وبعد ما اريد اشوفج من دون حجابب كدام اخوانجج
هدى:- وهاي انت كلتها بلسانك اخواني فـه يعني ليش البس كدامهم حجابب
ام هدى:- هيج والله بكيفنه روحييي صعديي
هدى:- صعدت للغرفه طبيت وسديت الباب حيل وضليت امشي ورجع وتاكدت انو اني مو بنتهم وضليت اردد واكول: انيي منوو اهلليي منوو كعدت على الجربايه واهز بروحي لحد ما راسي كام يفتر بيه وكلبي كام يوجعني بحيث احس صارت غواشه بعيوني وكلبي صار بي نغزات وجع مو طبيعي بحيث كمت اجر النفس كوه كمت فتحت الباب اريد احد يساعدني ردت اصيح بس مكدرت الصوت ميطلع مني وصلت للدرج حطيت رجلي حتى انزل بس مادري شصار بيه وكعت وسمعت صوت عياط وبعد محسيت بشي....
____________