الثَأر يَتقدمُ

بارت 19

{بسمَ اللّٰه الرحَمن الرحَيمُ}.

أبدأ قُصتي بعَنوان: الثَأر يَتقدمُ.

بقَلم الكاتِبة: نَرجِس.

اسعد اللّٰه اوقَاتكم♥.

-ولقد بنيت لك بين اضلعي منزلا
فعسى المقام بالمقيم يليق
فترد ذكراك بين مقيم اضلعي
فكان الشهيق على الشهيق يضيع.

مُشاهدة مُمتعة ✨.
___________

نَبراس//

لم تكن حكايتهم فقط
بل كانت حكايتي...

تعبت ومليت منهم كاعدة وساكته حتى تلفون اخذه مني خلصت مواعين غسلتهن وكعدت راح اضل دومي معزولة دوم دوم حتى بنات عمي ماكدر احجي وياهن

شهل عيشة ياربي

باوعت لايدي خريطه مسلوخه سلخ من الضرب كُلها مجموعه ازرك واحمر وبنفسجي كمت ابجي بعدها توجعني تعبت رفعت راسي  للسمة وهمست بيني وبين نفسي، باباا تعال شوف شسوو بي تعال اخذني وياك ليش عفتني شهكت ونزلت راسي ابجي

يتيمه وهيجي يسوي بيه واني اخته وياريت امي دافعلي هم ويا

أي أي وسام يعذبني اذا اعاند لعبت نفسي

امي وهوً على كومه شغلات يجبروني واذا اعاند يضربوني وسام يجويني لحد ما اجت جواهر امي حطتني وتحش براسي واني دموعي على خدي وادري كلة غلط كلامها تحجي وتضربني تريدني اصير تس واكرص البنيه خلصت اكل وراحت تغسل دفعتني بأتاجاه المغسله وتكلي روحي كرصيها عاندت وتوسلت بيها واكلها

- لالا فدوه لا ماما واللّٰه احبها حبابة ممسويتلي شي ليش اكرصها تتعور ووتوجع الكرصه

ضربتني على وجهي وزمخت بيه بهمس:- بنت الگلب لو ميته انتِ ولا ابوج امشي كرصيها واللّٰه اباوعلج منا

انجبرت اروح وكرصتها وكامت تبجي وتفرك بعيونها واللّٰه انجبرت وكرصتها لو ماسوي الي طلبته مني تجلدني بحيث ليل مانامه من الالم

وسام اخذ فترة ميحاجيني ارتاحيت بس اجه فد يوم يضحك وفرحان لا اراديً ضحكت على ضحكته اخذ امي وهوً يباوعلي خزرني وكلي، جيبي جاي وراي طبو للغرفه

همست:- اللّٰه يهديك سويت الجاي واخذته وكفت بلباب اسم وشوشه فتت وسكتوا امي باوعتلي فرررحاانةة الدنيا مواسعتها انطيتهم الجاي اخذ الستكان وسام شرب منه رشفه وكالي وهوً يضحك

- حضري نفسج بعد يومين خطوبتج

كالي هيج انعمت عيوني كتله:- ماتزوووجج

عطت هيج جان بيده الستكان شمرة عليه احتركت وكمت اصيح  عاط بيه:- تصيحينن بووجهييي بنت الگلبب تتزوجين وغصبا عليججج