الثَأر يَتقدمُ

بارت 6

{بِسَم اللّٰه الرحَمن الرحَيمُ}.

أبدأ قُصتي بعَنوان: الثَأر يَتقدمُ.

بقَلم الكاتِبة: نَرجِس.

مــن شفـتـک وحكک تيـه‍ـت دربــي ما كلـك مــتت بَسہ نـخمـش ڪـلبـيہ 😩🤍.

مُشاهدة مُمتعة.
_________

سيف:- اليوم جمعه وكل جمعه احنه مجموعين يم الحجيه وكل عمامي وعمتي كاعدين احنه الشباب نسولف حجت الحجيه:- ها ولك سويف شوكت تتخرج من الجامعه
سيف:- حجيه ان شاء الله ما باقي بس سنه وحده
الحجيه:- ان شاء الله يمه
سيف:-ضلت تحجي وياي وتسئلني صار الليل ورجعنه للبيت اني رحت للملهى مثل كل يوم وجانت الساعه ب10 ولكيت الشباب مو جودين سلمت وكعدت ضلينه هناك وعباس الكوا** خبصني باتصالات اخير شي عفته صامت خلصت السهره وطلعت صعدت بسياره ورجعت للبيت شفت امي منتضرتني اول ماشافتني كالت:- سييفف وينك ادك عليك ماكو
سيف:- ها عيني جنت يم اصدقائي والتليفون خليته صامت
ام سيف تباوع بشك:- متاكد جنت يم اصدقائك
سيف:- يمه شقصدج وين جنت
ام سيف:- لا يمه روح نام تصبح على خير وراحت لغرفتها
سيف:- تنهدت وصعدت لغرفتي طبيت سبحت وبدلت ومددت على الجربايه وسحبت التلفون ضليت اكلب بي وجانت الساعه ب2 اجتني رساله شفتها جانت من هدى استغربت شعدها مراسلتني هل وكت
..........

هدى:-مثل كل يوم اكعد الصبح وحتى ما اشتغل لان مريضه وهذا الشي مضوج ليلى وسعاد وابويه صايرر كلش زين وياي وكرار هم زين وياي وجنات ابد ما كطعت بيه وكلما تجي اضل كاعده يمي وهيج خلصت الايام واليوم راح اشيل حزام الرقبه صاله هواي بس راح يضل الضماد الي حاطينه لراسي ولافين ايدي هذني مراح اشيلهن بس بدلوهن وهاهيه لان الجروح بعدها خلصت ورجعنه للبيت صار الليل تعشيت وشربت الدوه واني اذا كعدت ومن اكوم تلزمني دوخه كلش قويه والدكتور كال لان واكعه على راسي صعدت الغرفته بلكوه ارفع جسمي واصعد طبيت للغرفه وضليت صافنه على زاويه الغرفه وشريط حياتي كله مره كبالي ودمعتي نزلت واني اشوف شلون جانو يكتلوني كانو اني حيوان وهيج يكتلوني بوحشيه مجانت عندهم اي رحمه جانو يصيحولي بنت الحرام من وعيت على الدنيه وهمه هيج يكلولي بنت الحرام تعبت من كلشي تعبت من حياتي اكثر من مره اجيت انتحر بس اول مره ماكدرت والثانيه بحيث ايست من حياتي وبس اريد الموت وحتى لو رحت لجهنم اهم شي انو اموت لزمت الموس واني بلحمام حطيت الموس على شرياني واني عيوني على الشريان وعلى الموس ردت اجر الموس على الشريان بس ما حسيت اله بدفره الباب جان بوكتها يمنه سعاد ومن اندفر الباب هذا جان حسن اخذ الموس وضربني راشدي وكعت بلكاع وضليت اعيط وابجي وكلبي كام يوجعني لحد ما انغمى عليه ومن كعدت شفت نفسي بغرفتي وحتى محد كلف نفسه واخذني للدكتور وبعد هواي شغلات تعبت كلبي اخذتني النومه نمت وفزيت بليل يمكن الساعه ب2 كمت ضليت كاعده مدري شسوي وضليت اكلب بتلفون وصدفه شفت حساب سيف مدري احس فراشات صارت بكلبي واني جنت ناسيه السالفه وكلت خلي اراسله شفته متصل كتبتله:-(هلاو شلونك عيني) وره دقائق شاف الرساله يمكن شويه وكلبي يطلع من مكانه
رد كال:-(هلا هدى بخير)
كتله:-(دومك)
سيف:-(اكو شي مراسلتني هسه؟)
هدى:-غميت نفسي احس تفشلت كتله(لا ماكو شي بس حبيت اعتذر منك على هذاك اليوم من حجيت وياك بأسلوب محلوة بس والله جنت تعبانه)
سيف:-(حقج عيني وحمد الله على السلامه )
هدى:-(الله يسلمك)
سيف:- ضليت ساكت وهيه هم رجعت كتبتلها(احجي ليش ساكته)
هدى:-(شحجي)
سيف:-(كلشي احجي لضلين ساكته)
هدى:- اتذكرت من سئلتي هذيج المره رجعت كتبتله( اتعاركت ويه اهلي لان يكلولي لبسي حجاب كدام اخوانج وضليت اصيح وصعدت للغرفه وضليت افتر رايحه راجعه وراها كعدت على الجربايه وضليت اهذ بروحي ومن كمت لزمتني دوخه وغواشه بعيوني وكلبي احس شي وديتكطع بي ردت اصيح بس صوتي ميطلع وصلت يم الدرج ردت انزل وكعت وماكعدت اله بلمستشفى وعدي فتحه بلقلب ومن يصير عمري 18 اسوي العمليه)
سيف:- دزتلي الرساله قريتها وانقهرت بيها عمري ما شفت بنيه مثلها هيج كل الي بعمرها متونسات ويه اهلهن كتبتلها ( ان شاء الله ماعدج غير العافيه وتصيرين احسن من قبل)
هدى:-( كول ان شاء الله اموت واخلص من هل دنيا ماريدها ولا اريد البيها)
سيف:- صدمتني بجوابها(هدى ميصير هل حجي تره بعدج انت صغيره وتوج باديه عمرج)
هدى:-( ها كتلي صغيره حتى لو صغيره بس هم كلبي متعوب من الحياه هاي ماريدها ولا اريد عمري تعبت من حياتي تعبت من نفسي من كلشي تعبت بعد ماعندي طاقه لكلشي)
سيف:- تنهدت بضيق كتلها (يا عيني والله ميصير هل حجي ابد انت تره تكدرين تغرين من حياتج وتتخطين كلشي جاي يصير وياج)
هدى:-(شلون اتخطه كلي)
سيف:-( خلصي دراستج وكملي وصيري الحلم الي تردي وتكسرين عيون الناس الي تشمت بيج)
هدى:-(الله كريم)
سيف:-(شلون صرتي)
هدى:-(يعني زينه بس الدوخه كلش وجع راس هم)
سيف:-(زين ما كلكم الدكتور شنو سبب هل دوخه والوجع)
هدى:-(بلي كال من وره الوكعه لان صارت على راسي)
سيف:-ضلينه اسئلها على نفسها والدكتور شنو كال ونسيت الوعد الوعدته انو بعد ما احجي وياها بس مادري اجه بالي سؤال كتلها:(هدى سؤال)
هدى:-(جواب)
سيف:-(اتذكر من لزمتج وطببتج للبيت الهيكل ليش كمتي تبجين هيج وتكولين عمو وهسه تكليلي سيف؟)
هدى:-(والله اني بنفسي مادري الصراحه بس انت من دخلتني للهيكل اجه كلبي يوكف من الخوف فه كتلك عمو)
سيف:- سكتت ورجعت كالت:-(يلا عيني تصبح على خير)
سيف:-(بعد وكت ضلي)
هدى:-(لا والله ماكدر لان عندي دوه)
سيف:-(اها تمام بس اريد اكلج شغله )
هدى:-(اي تفضل كول)
سيف:-(خلي نصير اصدقاء)
هدى:-استغربت ورجعت كتله (اني وانت نصير اصدقاء بس اني ولا صار عندي صديق ولد او حاجيه ويه ولد غريب وهاي اول مره واتجراء وراسل ولد بس انت اني اجيت اعتذر منك)
سيف:-(ههه اعرف بس هسه نصير اصدقاء عادي لو لا)
هدى:- الصراحه كلش انصدمت انو اني راح يصير عندي صديق ولد ومو اي ولد لا نوب سيف عزاا من الصدمه كتبتله (اطيني شهر افكر)
سيف:-اخذتلها شويه ورجعت كتبت هيه دزت هيج لو اني متت من الضحك غصيت كتلها(ولج شنو هاي شهر هيه راح نصير اصدقاء فكري بسرعه)
هدى:-اخذتلي صفنه ورجعت كتبتله (تمام موافقه هههه)
سيف:-(تمام صديقتي تصبحين على خير)
هدى:-(وانت بخير) سديت التلفون واني مدري شبيه فرحانه وضليت افكر بصديقي سيف اخير شي غميت نفسي ورجعت نمت وما كعدت اله على ايد واحد ينده بيه طلع ابويه كلي كومي صار وكت الدوه كمت غسلت وجهي وتغديت شويه نفسي مزدوده خلصت اكلي ودكت تقى كالت اليوم راح تجي يمي بليل كمت بدلت ملابسي وكعدت على الجربايه هل فتره صايره كله بغرفتي ما انزل يمهم لان مالي خلك صح ابويه وكرار صارو زينين وياي بس اني كمت اشك انو اني مو بنتهم وضليت كله البس حجاب كدام اخواني وابويه لان مادري احس كلامهم صحيح اني مو بنتهم وكلما ابويه يجي يكعد يمي اني افتح السالفه ويا واكله اني بنتكم لو لا وهو يسد السالفه واني بعدني مستمره بلحاحي واسؤلتي نزلت شويه يمهم كلت خلي اشوف الجهال مشتاقتلهم وضليت العب وياهم ويعاد اذبلي بسامير هيه وليلى ويقهرني كبر صار الليل اجت تقى وجنات هم جانت موجوده كعدنه بديوانيه وتكابلن تقى وجنات وجنات كالت التقى شنو تسوي سعاد وبتها وهاي انفتكت اريدها تسكت وما تسكت ومنا جنات تكلي عوفيها معليج بيها وخلصنه سوالف واجه اخو تقى وتقى كامت كالت:- اليوم حالفه اقهر سعاد جوزه
جنات:- الله ويدج داده لتقصرين بيها
تقى:-صار من عيوني
هدى:-عزا هاي شبيجن ولجن كافي
تقى:-ليش تخليني احجي حجايه انجبي ولج المعوقه خاف الطج على بوزج وتموتين
هدى:-اسم الله بيش طالبتني
تقى:-عرج ميطكج
جنات:-كافي انجب ولجن وانت يلا تقى شوفينه مراجلج
تقى:-دفعتهن وطلعت من الديوانية وشفت سعادو واكفه يم الباب درت على البنات وكانو مشايفتها كلت:بنات كانو شفت حيه هنا
ردت جنات:-لا خيه منين حيه ماكو بيتنه حيه
تقى:-لا شنو ماكو اكو بيتكم ثنين حيايه اكتلوهن
جنات:شنكتلهن هو غير ابويه محافض عليهن
هدى:-من صدك ضحكني وضلن يبسمر وسعاد رادت تموت من القهر لا تكدر تحجي حتى يكولن عليها ماخذه على نفسها ولا تكدر تسكت هههه راحت تقى واني صعدت لزمت التلفون ضليت اكلب بي اجتني رساله من سيف كاتب:-(ها ضلعي شلونك)
هدى:-ضحكت وكتبت:-(هلا ضلع بخير وانت)
سيف:-(حبيبي ضلعي شو متصل ومتراسلني)
هدى:-(والله مادري الصراحه نسيت لان ممتعوده )
سيف:-(يلا أن شاء الله تتعود )
هدى:-(لي دا تحسسني انو دتحجي ويه ولد تره اني بنيه)
سيف:-(هههههههه ضلعي الماينشلع هو غير بين الضلوع كلشي ينحجي بصيغه ولد بنيه )
هدى:-(هههههه اي والله صح)
سيف:- ضلت ساكت ورجعت كتبت(شجاي تسوين)
هدى:-(كاعده) سكتت ورجعت كتبت(ما دام ضوجه خلي اكلك نكته)
سيف:-(ماشي كولي بس نكته بيها خير )
هدى:-(اي طبعا استاذي شوف هذا اكو واحد اصلع حس اكو شي على راسه حط ايده طلعت نمله كالتله عمو عليك الله بس هاي الزحليكه هههههههه) كوه دزيتها اله واني ميته ضحك اريد اتنفس ما اكدر
سيف:-دزتلي نكته سخيفه كتلها (شنو هاي النكته السخيفه )
هدى:-(لعد خلي اكلك نكته ثانيه شوف هذا واحد اصلع اجته فكره وزحلكت ههههههههه) هههههههههههههههههههههههههه بويهههه متتتت اريد اسكت ما اسكت اختنكتت بعد مكدرت اتنفس كوه سكتت ورجعت شفته كاتب
سيف:- ادزلي نكت بايخه ومضحك كتلها (طاحضج اي والله شهل نكت السخيفه)
هدى:-(احترم نفسك تره ونبي اجيت اموت من وره الضحك شبيك عقده على الاقل اضحك)
سيف:-(اني عقده؟)
هدى:-(اي عقده كتلك نكات ومضحكت لعد بعد شكلك)
سيف:-(لتكولين شي القزمه هل طولج)
هدى:-(شعليه اني اذا هاي خلقه الله)
سيف:-(اهلج مابيهم خير يضربوج ابر طول حتى طولين)
هدى:-(لا عيني ما احتاج الابر خليهن الك)
سيف:-(اني طويل من الله)
هدى:-(عادي وذا طويل)
سيف:-(شنو طويل؟)
هدى:- صفنت شنو يقصد هذا بعدين عرفت عزا العزا كتبتله (ادبسزز بعد لتحاجيني باي)
سيف:-(هههه تعاي تعاي ولج )
هدى:- عفته شكد ادبسزز هاي عود مصالنه اصدقاء بس يومين ضل يدز رسايل ودك رفضته وضل يدك اخير شي شفته دز رساله(ولج القزمه تعاي اشاقه وياج) شفتها وكتبتله (عيب تحجي وياي هيج تره بعد ما حاجيك )
سيف:-(يابه صار بعد ما احجي هيج وياج)
هدى:-(اكلك مادام احنه كاعدين خلي نتعرف على بعض)
سيف:-(شبيج بعد روحي الدوه اثر بيج لازم شنو نتعرف على بعض هو غير احنه اصدقاء)
هدى:-(لا مو اني ماعرف عنك شي يعني بس اسمك وهاهيه)
سيف:(اها فهمت تمام لعد خلي اعرفج على نفسي اسمي تعرفي عمري 21 ثالث سنه اليه بلكليه العسكريه وبعد سنه واتخرج)
هدى:-(عزا يعني انتَ ضابط)
سيف:-(اي اني ضابط وطلعت صديقتي تحب الضباط هههه)
هدى:-(صديقتك منو؟)
سيف:-(يا عوبه اقصد انتِ تحبين الضباط هاجر كالت والله طلع بيج البله هم قزمه وتحب الضباط)
هدى:- فدد استحيت ونوب هاي الادبسزز هاجر كايلتله احب الضباط هاي شوكت كالتله اخير شي هو دز رساله(ها ولك صاير تستحي وين السانك المتر ونص هههههههه)
كتبتله:- (باي)
سيف:-(وين رايحه ولج بس لا زعلتي)
هدى:-(تره إذن الصبح اريد اصلي وانتَ هم كوم صلي يلا)
سيف:-(ها خوش لعد يلا تصبحين على خير قزوم ولتنسين تاخذين دواج)
هدى:-(تمام باي) عفت التلفون ورحت توضيت وصليت خلصت صلى ورحت كبل نمت... ما كعدت اله العصر جانت جنات يمنه كمت دايخه من راسي غسلت وتوضليت وصليت على السريع ونزلت شفتهم كاعدين سلمت على جنات وجانت سعاد كاعده وكالبه وجها تغديت وشربت الدوه حطيت راسي على رجل جنات وكتبها تمرخليا لان يوجعني وهيه مرختلي ونعست كمت لغرفتي ذبيت روحي على الجربايه فتحت عيوني راحت النعسه كلت:-لا يالله اريد انام وراحت النعسه شلون فگر ضليت اتكلب لحد ما لزمت التلفون وشفت سيد سيف مراسلني كاتب سيف:-(ها القزمه نايمه كاعده) كتبتله:-(احترم نفسك شرشبيل اي كاعده شتبي؟)
وعفت التلفون وره شويه سمعت صوت التلفون فتحته شفته داز
سيف:-(ها عيني صارت بيها شربيل اني شرشبيل؟)
هدى:-(اي شرشبيل وكذا تدري ليش لان انت تشبه شرشبيل نسخه منه لو هذيج المره من غلطت عليك ردت تضربني حسيتك شرشبيل من صدك)
سيف:-(بعد روحي هو غير انتِ لسانج مال دلاله )
هدى:-(فديت لساني سر سعادتي هو لو ما غير لساني محد يدافعلي)
سيف:-(عمت عيني ههههههههه)
هدى:-(ديلا عيني اشطح منا اجتني النعسه اريد انام)
سيف:-(ماشي راح اشطح ههههه باي)
هدى:-ضحكت وسديت التلفون ونمت
____
سيف:- سديت التلفون واني اضحك عليها كلت خلي اروح لعباس لبست ونزلت رحت صعدت بسياره وصلت لبيته نزلت دكيت الجرس هواي يلا صمعته صاح :-جاك جاك فتح الباب شافني وكال من وره خشمه :-خير شرايد السكير ابو الملاهي ابو النسوان شتريد اني مافوت لبيتي كوا**ويد يسكرون بنص الليل وبلمهلاهي
سيف:-اكل خر* وانجب حيوان
عباس:-ماكو غيرك ياكل خر* وانتَ حيوان وفوته البيتي مطب وسد الباب
سيف:-خوش لعد بعد لتخابرني وتكلي تعال واني عود اجيت اكلك على كم شغله صارت وياي بس متستاهل واروح ادورلي على صديق غيرك كلت هيج لو هو فتح الباب وعيونه بكصته لزمني من ياختي وطببني للبيت وصاح
عباس:- اشك حلكك لو دورت غيري اكعد اكعد حبيبي ضلعي المبعو** اااا اقصد الماينشلع اي ولك ضلوعي يلا احجي شصار وياك
سيف:-ها مو على اساس انتَ متفوت كوا**يد لبيتك؟
عباس:- هههههه ولك شبيك اشاقه وياك ماتتحمل شقه

سيف:-اي خوش لعد
عباس:-كافي انجب ويلا احجي شصار وياك
سيف:-باوعته صفح وبديت احجيله وهو صافن من خلصت عاط
عباس:-فلك الفلكك انتَ وهذيج الفاهيه شلون تقبل بسرعه وتصير صقيتك خرب بلحض اخ يعباس سيد شرشبيل يصير عندن صقيده واني لا معلاسف اي والله
سيف:-كمت ضربته وكعدنه نتمالخ لحد ما عفته وكمنه نشرب نركيله ونسولف وهو يدوس بطني واني اضربه لحد ما صار الليل سلمت على امه ورجعت للبيت طبيت سلمت على امي وصعدت كبل نمت لان تعبان.....
__________
الحكايه بقايه.