{بسمَ اللّٰه الرحَمن الرحَيمُ}.
أبدأ قُصتي بعَنوان: الثَأر يَتقدمُ.
بارت 20
بقَلم الكاتِبة: نَرجِس.
-ردَت بكُل هَلا أتلگاك ؟
بَس مَا إجّيت ، يَالرد كُل شَي
مِن دوّنك وأنتَ ولا رّدَيت ..
مُشاهدة مُمتعة ✨.
______
هدى//
فاتحه ؏َـيَونيہَ واقره وارجع ليورة غرغرت عيوني حسيت سجاجين ونبتت بضلعي الرسايل جانت
- "نايمه ومرتاحه خطيبج قبل اسبوع اجه يمي للفجر يلا راح هههههه "
"ماكو هيج مداصدكين خطيبج سكيييرر ابو العرگ يشرب وكلشي يسوي"
كتبت وايدي ترجف: أنتِ منو؟
رد بصوتيه تحجي بمياعه وتجر الحجايه جر:- اووه اخيراً رديتي اني عشيقته لخطيبج، وبعدين اكيد يجيني ميتقبل شي من وحده رخيصه بنت زناا وضحكت ضحكه رنانه وضلت تحجي كلام موحلو وتطلع اصوات انقرفت خليت وحضرتها حولت الصوتيه لمحادثه فارغه وسكرنت الكلام كله ضليت ابجي ماعرُف شسوي يعني هذا حال اليتيم؟
اللّٰه لايوفقج يلي جبتيني للدنية وخليتيني احتار اللّٰه ياخذج أنتِ وابوي مدري اطلع بنت زنا اللّٰه لايوفقكم ضليت ادعي بحركه گلب اول مره بحياتي اسويها وادعي هيج دعاوي ولامرة دعيت على احد هيج بس من حركه كلبي كرهتهم كره موطبيعي صار الفجر كمت توضيت وكفت اصلي خلصت وكعدت اقره بعض الادعيه واشهك مو كادرة اوكفها للشهكه
رفعت ايدي واحجي بقههرر موطبيعي
- ياربي انت اعلم بكلشي ياربي اريدك تعاقبهم بحياتهم ربي لاتسامحهم على كُل دمعه نزلت من عيني سكتت حاطه ايدي على وجهي ابجي، رجعت ادعي، اللهي اذا سيف خير الي قربه واذا شر شهكت وحجيت ابعده عني كمت بسرعه اتقيء طلعت روحي سمعت ركضه
طبت تقى عيونها مفتوحه على كبرهن وبيهن خيط احمر لزمتني ادفعها ماريدها تشوف ادري بيها تلعب نفسها بس ضلت صامده ومعانده ماتطلع خلصت غسلت وجهي واني كوه واكفه حضنتني ومشتني للفراش نزعتني چادر الصلاة جان متوسخ لفته وذبته بلحمام راحت للثلاجه طلعت بطل مي وشربتني دردم خلصت وخرته وكفت كبالي تحجي
- شنوو السبب؟ ليش ليش تدعين على امج؟ وابوج؟بله طلعوا ميتينن؟
حجيت مايعه روحي:- كون اللّٰه لايرحمهم ويزيد عليهم عذاب القبر
فتحت عيونها بصدمه:- اكيدد موو أنتِ شبيجج مو طبيعتج تدعين على ميت هيجج؟؟
رفعت راسي للسمه وكلت:- رببيي لاتسامحهم اذا عايشين اصيبهم بمرض لا اله علاج ولا دوه واذا ميتين لاترحمهم يارب ماخلتني اكمل ضربتني راشدي وكامت تنتر بيه بعصبيه عيونها نطت
أنت تقرأ
الثَأر يَتقدمُ
Mystery / Thrillerسبات الهروب ، حروب الصراعات صراع القلب ، والعقل ، والروح صيحات الندم ، الذنب المميت ... ___ هي فتاه جميله تتعرض للتحرش في طفولتها وينعاد هذا التحرش في شبابها فماذا سيحصل بّــعد ....
