الثَأر يَتقدمُ

بارت 26.

{بسمَ اللّٰه الرحَمن الرحَيمُ}.

أبدأ قُصتي بعَنوان: الثَأر يَتقدمُ.

بارت 26

بقَلم الكاتِبة: نَرجِس.

انه الچَان يدري عيُونچ تضَيعه وعشَگها .

_________

- شكووو شبيهاا تقىى 

كلهم طفرو جر السويج حسن وطلع يركض كلهم طلعو ورا بقينه بس احنه بالبيت امها ضلت تبجي عليها الي فهمته منهم وهيه بالدوام جايتها ذبحة صدرية واكعه

كعدت حاطة ايدي على خدي اريد خبر منهم نخابرهم ميردون شوية وندكت الباب حيل كمت فتحته طبت هدى بلابكوت المُحاماة  تركض شافتني وعاطت

- شبيهااااا وينهااا؟ مجاوبتها رجعت زمخت بيه كتلها

-بالمستشفى هيه هناك هناك واشر على البيت بدون لا انتبهه باوعت لاصبعي وخزرتني كالت

- انتِ هم طافية من الرئيسي... امشييي جيبيلي مي كلبي ديتكطع

اباوعلها لازمه كلبها جبتها گلاص مي شربت ونطتني الگلاص رفعت تلفونها دكت ضلت دقايق تتصل وما رد كتلها

- حتى احنه هواي اتصلنه بيهم ميجاوبون واللّٰه 

- لعد اروح اني

لزمت ايدها وكتلها:- لالتروحين ضلي هنا حبابة اكيد هسه عمو علي يعصب عليج لا رحتي

نترت ايدها مني وباوعت للفراغ هزت راسها وطبت جوه طبيت وراها كعدت بصف ام تقى تهدي بيها شوية خففت عنها مادري شنو همست باذنها وسكتت كامت هدى للمطبخ  نزعت الابكوت مالتها صفطته وحطته بصفها وترست كلاص مي

كعدت وايدها على خدها دك تلفونها باوعتله ضل يتصل دقايق قبل لاينسد الاتصال جرته وجاوبت ببرود سكتت تستمع للطرف الثاني

ضحكت وكالت:- مو اذا اجيك اشوفك بنت الشوارع  شتسوي بيك وخاف متدري شكدر اسوي اسئل ربعك وكلان خَـرة لاتاكِل  سكتت شوية تسمع للطرف الثاني وجهه صار احمر قبضت ايدها ورجعت كالت..  بـــــامـگ  احسن  شوف لك انتَ وسلاحك ورتبتك اسحكها برجلي ودنعل ابوك لابو النواقيص اليطلعون وراك عود شنو شايف روحك مقدم تجي تتهادد عليه؟ خاب طُز بيك لك عار خنيث غثيث بستين نعال اركعك... ديلا يلا شتكدر تسوي؟ مو لشوفني لحد هسه ساكتتلك تَـرة اهينك... تدلل تدلل بعيوني حضرة جنابك  اذا ماشگيتك فلا اطلع هُـدى