الثَأر يَتقدمُ

بارت 9

{بِسَم اللّٰه الرحَمن الرحَيمُ}.

أبدأ قُصتي بعَنوان: الثَأر يَتقدمُ. .

بقَلم الكاتِبة: نَرجِس.

مُشاهدة مُمتعة.
____

-فتحت عيوني كوه واحس راسي حينفجر عيوني احس عليهن غطه كلشي ماشوف حسيت نفسي انعميت لهنا رفعت ايدي وكوه الحجايه تطلع مني وشفايفي ترجف :- ع عي عيو ني م ما شو ف ش ش شي
كلت هيج واسمع صوت بجي مو غريب عليه وصوت شخص هم اعرفه لحد ما كال واحد:- هدى عمو خوما بيج شي
هدى:- جمدت بمكاني وعرفته من صوته هذا ابو تقى كتله:- ع عيو ني ع عمو عي عيوني م ما ماكدر ا شو اشوف ش شي الجحايه كوه تطلع من حلكي
كال:- هسه هسه يحجي الدكتور حسن راح يجيبه واسمعه ضل يسب ويغلط بهمس
اجتي بنيه تبجي وتشهك وحضنتيني:- هدى حبيبتي سوده عليه يروحي الله لايوفقهم ان شاءلله الله يطلع حوبتج بيهم وضلت تبجي
كتلها:- م منو ا انتِ؟
كالت:- اني تقى يروحي اني تقى
هدى:- ضليت ساكته وابجي كوه مو على وجعي لو على عيوني الي مجاي اشوف بيهن شي ابجي على جنات معقوله هيه هيج تصدك اني هيج اسوي بيها بنص. افكاري وبجي مالتي الي عله كلش من وره وجع راسي الي كام يضرب وجعه على عيوني اجه الدكتور ويه ممرضه ولزموني وضربوني ابره شويه هدء الوجع واسمع الدكتور يحجي:- اي عيني البنيه متعرضه لضرب كلش قوي وحاليا هيه مجاي تشوف بعيونها مأقت لان الضرب الي صاير على راسها ماثر على عيونها فه هاي غواشه وشويه وتروح مطول وللعلامه ترا هيه عدها قلب وانتو لو متاخرين شويه جان دخلناها بلعمليات وصارت عمليه قلب كبره لان حاليا قلبها وصل مرحله كلش خطره وحياتها هم فه لذالك يمكن مراح تعبر السن القانوني ونسويلها العمليه.....
هدى:- واسمعه وكوه مركزه بكلامه واشوف حياتي شلون جاي تدمر شويه وغفيت لحد ماكعد على صوت طكطكه يمي فتحت عيوني وشويه وركزت وشفت هذا حسن اخو تقى جان كاعد وممراتاح بكعدته وبصفه تقى شافني كعدت كبل طفر واجاني
حسن:- ها هداوي شلون صرتي يبعد اخوج
هدى:- من كال يبعد اخوج كلش انقهرت كتله ودمعه بعيني وكوه احرك بيهن واباوع بلغرفه ادور على واحد من اهلي:- ح حس حسن وي وين اه اهلي؟
حسن:- اهلجج الكوا*** بلا** خوات*** سم وزهر ان شاء لله بطنهم خوات** عافوج وراحو منا وانتِ صالج يومين فاقده ولد الكح*** وضل يفشر واني راسي يوجعني منا وهذا يفشر وماخله حجايه ماكالها لحد ما دخل ابو تقى وحسن مجان منتبه ابو تقى صاح بي بهمس:- ولك احسيينن هتلي شجاي تحجي يم البنيه ادبسزز مسربت امشييي اطلعع برهه حسن طلع وابو تقى اجه يمي يطمائن عليه ويسأل بيه خاف يوجعني شي واني عيوني مغرغره من الدمع كتله بترجي:- عمو فدوه الكلبك بداعت تقى وحسن كلي وين اهلي ليش ماكو زين وين جنات والله ماخنتها ويه زوجها هيه روحي من الدنيا شلون اخونها عموو واااللهه ماخنتهاا لزمت ايده واحجي وابجي عمووو فدووه كوول انتَ مصدكنيي عمو فدوه كول بداعت تقى مصدكني
ابو تقى:- اي عمو والله مصدكج واهلج اهلج كوه يحجي والدمعه بعينه ويحجي بخنكه اخذ نفس ومسح وجه ولاحضت تقى كعدت وهم تبجي ومغطيه وجها وحسن رجع هم طب ويا امه وعيونه دمم ام تقى طبت تبجي وتكلي:- اويليي عليج يمهه الله لا يوفقهم ويكسر اديهم
كمت ابجي واكلهم:- عليكم الله كلولييي وينهمم لييشش ماكووو والله ماخنتها واااااالله والله ماخنتها هاي هاي ل ليلى هيج سوت بيه والله ماخنتها اني احبها بس هاي ليلى تكرهني واااللللههه جنااتتت واااللله ماخنتججج والله وابجي متت من البجي اجت تقى ركض حضنتني وتبجي وياي وعمو داير وجه وكتافه يهتز وام تقى كاعده بثفي هيه وتقى ويبجن وياي واني احس وجهي كام يطلع منه ناار متت كمت اتوسل بيهم يحجون لحد ما كال عمو اجه كعد على الجربايه وكال بخنكه:- شوفي عمو احنه كلنه مصدكينج بس بسس اهلج الله لايوفقهم ماصدكوج ولا اختج واجو شمروج بلمستشفى وابوج اتصل بيه وكال انتِ ابو تقى صديقتها تعالو يمها يعني عمو اهلج ميردوج ادري والله ادري مراح تتحملين هل حجي بس شتسوين لازم تتقوين حتى تسندين نفسج اني كتلج هسه كلهن دفعه وحده حتى لا تنصدمين بعدين فه بابا ياهدى من اليوم ورايح انتِ صرتي بنتي الثانيه والي راح تصيرين اخت تقى وتعيشين وياها بنفس البيت مثل مجنتن تتمن وانتن صغار وهسه راح تعيشن سوه وباس راسي وكام وهو وحسن بره تقى بعدها حاضنتني واني ميته من البجيي شلون ميصدكوني متت من البجي كمت اشهك بصوت عالي ام تقى حضنتني وحسيت بحضنها امان الام الي من مانولد ماجرب هلشعور جلبت بصدرها مثل الطفل واشهك وابجي وهيه تمسح على ضهري وتبجي وياي ومابيدها تسوي شي لهنا واجت الدكتوره ضربتني ابره حتى اهدء لان اعصابي راحت نمت واني اشهك....
________
سيف:- كاعدين من بعد التدرين تعبانين اجتني رساله من هدى باوعت للساعه وستغربت هيه بهذا الوكت بلمدرسه جاوبتها وضلت تتغزل ودز قلوب وتكلي تره والله احبك انسطرت سطر كمت ماعرف شسوي كتلها:- هدى شبيج تحجين صدك لو شنو تره دخت شهل حجي هدى شبيج خاف مصخنه
ردت:-لا حبيبي مامصخنه بس اني صدك احبك وارد نتزوج لان بعد ماتحملل ههه
سيف:- هاي شبيج هدى اصحي على نفسج عيب هل سوالف هاي منو معلمج
رجعت كالت:- حبيبي والله مابيه شي مجرد دا اعترفلك انو احبك انتَ‌‌ هم تحبني؟
سيف:-مادري شكلت بس متاكده انتِ؟
كالت:- اي اصلاا كولش متاكده
سيف:- اني هم احبج
كالت:-اويي حبيبي فديتكك هههههه
سيف:- بعدني لحد هسه منصدم بيها صح كتلها واعترفتلها بس كلبي لاعب وهيه ضلت دز فيديوهات وصور الها صوره نص وجها والثانيه لابسه فستان كاشف وفيديو مصوره وتغني ولابسه كيمونه عركتت وهيه مستمره دز وتتغول كبل سديت التلفون وضليت امسح لجبيني انتبه عليه عباس كال
عباس:- شبيك
كتله:-كلشي ماكو لينشغل بالك
عباس:-دنجب انجب هو منو شاغل باله عليك جيره فركك اروح اصلي احسلي بمكان ماكابل عركجي ابو العرك ابو النسوان ضل يسفك جنى عجوز و غمني وراح
اني بعدني مصدوم معقوله هدى هيج يطلع منها خربب ضليت صافن وصورتها متطلع من راسي استغفرت وكمت نمت...
.
.
.
وره يومين بضبط جنت نايم كعدت بليل جسمي متكسر فتحت التلفون واشوف رقم غريب داز رساله قبل دقايل مكتوب
"مرحبا اني صديقة. هدى بس احب اكلك شي هدى هسه بلمستشفى كله من وراك وره اختها لو مامجاوب على الرساله بهذاك اليوم ماجان صار الي صار بيها باي"
شنو اختها شنو مستشفى كتبت:- لحظه لحظه شبيها هدى وليش بلمستشفى شبيهااا انت منو
ماجاوب دكيت من اول دكه فصل الخط ودز رساله:- اني تقى صديقتها
اي تقى شبيهااا هدى
تقى:- سولفتله كلشي رجعت كالت ياريت لو مامجاوب بهذاك اليوم ياررين جان ماصار الي صار بيها بس بعد شيفيد الندم ميفيد شي
سيف:- عيوني نفتحت على وسعهن:- والله مادري بيها حتى استغربت هاي مو هدى الي تحجي هيج ماجنت اقصد هسه كله من وراي صار بيها هيج
تقى:- لا انتَ مالك شغل بس هاي مرت ابوها وبتها هيج سون
سيف:- سهله اني اعلمهم وهسه هدى شلونها كاعده اطيني ياها خل احاجيها
تقى:- لا والله نايمه اجت الممرضه ضربتها ابره مهدء لان اعصابها تلفت
سيف:- استغفر لله تمام من تكعد راسليني
تقى:- تمام عيني اخذ راحتك
سيف:- ديري بالج عليها هدى بامانتكم لحد ما اجي واشوفها
تقى:- لتخاف هيه بطن عيني...
.
.
.
___________________
"ليله من الليالي"

- برتباك وهيه تحجي:- انتِ هسه شتردين مني مو البنيه ودخلت مستشفى واهلها تبرو منها

- هههههه اريد امم اريد تسحبيلي الشخص الي تحبه ماريد هاي البنبه تفرح بحياتها ممنوع عليها الفرحه

- بس بس حرام والله حرام عليج حتى لو تكرهيها بس مو هيج دمرتي حياتها ولتنسين انتِ باجر وراج يوم القيامة والله راح يحاسبج على كلشي سويتي

- شووفيي لججج لا عبالجج خايفه اني لا ماخايفه وبعدين تقربت عليه وجرتني من ملابسي بعدين مو بس اني الي مشتركه بهل شي ترا انتِ وياي والله راح يحاسبنه ثنينه ونترتني ملابسي

- كمت ابجي واكلها والله كله من وراج كله. من وراج فريتي عقلي بفلوسج الله لايوفقج هسه اني من اريد ارجع اعتذر منها مراح تسامحني كل عمرها وانا صديقه طفولتهاا كله منج ومنن امججج

- انتِ هيييي امي معليهااا بكلشييي

- لا امجج هيهه السببب هيههه لتنسين هيه الي جانت تعذبيها بطفولتها ولتنسين من دزت ابن خالج حتى يغت*صبها تذكررريننن لووو لااااا

-لزمت سجينه وكامت اليه وكالت:- اذا مسكتين راح اذبحجج

-لااا بللهه اني اررريدججج تذبحينييي ارريددد اموووت واخلص اريدد الله يعاقبني على الشييي السويتها

- اي صار تدللين يا كح***

-ماغيرج انتِ وامج الكح**

-انعل ابوج لابو عرضج كم مره كتلج لجيبين طاري امي على لسانج

- الله ياخذج وياخذ امج الحقيره يا كح***اب ماحسيت اله وشي طب بطني وشي ينزل منها ومحسيت بشي بعد...
.
.
______________

- ولججح هاي شسوويتيي يمكموعه شلونن تكتليها ولج تدرين راحح نفوت بداهيه من وراجج

- واكفه وصافنه على اديها الي كلهن دم جريمتها البشعه

- كامت تدك على خدها وتلطم ولجج هسه شنسوي ويننن انوديهااا يمههه عزا العزااججج كتلج حاجيها مو تكتليهااا

- و وا والله مادري هيه استفزتني وغلطت عليج والله ماتحملت وكامت تبجيي

- كومي غسلي اديج قبل ليشوفنه احد وتعاي بسرعه جيبي وياج جيس زبالهه وصله علىىى السررييععع ولجج

- راحت تركض غسلت اديها وجابت الجيس والوصله وترجع ه هاجج

- اخذتهن. ودخلت الجثه داخل الجيس رجعت كالت:- جيبي واحد لخ هذا ميكفي جابت واحد وحطت الجثه زين وسدت الجيس زين واخذت الوصله ومسحت الكاع مثل المخبله خلصت وكامت

- زين هسه شلون وين نودي هااي

- امشي وياي امشي خلي نروح ونشوف وين نوديها روحي شوفي خاف احد بشارع راحت ورجعت كالت:- لا ماكو احد

- يلاا على السريعع شالن الجثه
.
.
.
"الى مكان اخر"

مكان فارغ واضلم بضلام الليل مانسمع اله صوت الجلاب بهذا اليوم نحفرت حفره كـ قبر لشخص يدفنو بعد مراسيم العزاء اله لكن؟ لكن؟
هذا الشخص لم يدفن بعد عزاء الفاتحه اندفن بعد جريمه بشعه من ام وبنتها الحقد والغيره عاميه عيونهن نهو حياه بنت توها باديه عمرها بسبب حقدهم الي عاميهن بس مراح يعرفن شنو راح يصير بيهن وره هل ليله الضلمه..
.
.
.
__________

للحكايه بقايه.

تابعو الاحداث الجايه..