الثَأر يَتقدمُ

بارت 8

{بِسَم اللّٰه الرحَمن الرحَيمُ}.

أبدأ قُصتي بعَنوان: الثَأر يَتقدمُ. .

بقَلم الكاتِبة: نَرجِس.

"أتذكر العهد الّذي لي قُلتَهُ:
الغدر بين قلوبنا لا يقبل؟
ها أنت اهملت الفؤاد وخنته
للّٰه ذنبُك! أمثل قلبي يُهمل!"
____

مُشاهدة مُمتعة.
___

اعتذر اذا اكو اغلاط املائيه.
___________

هدى:- كعدت الصبح كلي نشاط غير عن باقي الايام جانت الساعه ب8 مدري شعجب كعدت هيج وقت كمت سبحت وبدلت جروحي شويه خافه وشلت الشاش لان صارن زينات نزلت جوه شفت البنات وامي كاعدات صبحت عليهن وشربت مي سويت لفه جبن وستكان جاي اكلت وشربت الدوه وخلصت كلت للبنات راح اصعد اعزل الغرفه وصعدت للغرفه طبيت قفلت الباب ولميت شعري كبايه وتخصرت وكفت يم الباب وضليت اباوع على الغرفه شلون هوسه ومنين ابدي رحت فتحت الشباك ورجعت للجربابه شلت الغطه ونكته وطلعت سله وحطيت بي الملابس الي اريد اغسلهن والقمصان مالتي الي اريد اكويهن حطيتهن على صفحه لميت الملابس مال غسل طلعت ورحت غسلتهن وشريتهن ورجعت للقمصان كويتهه وعلكتهن ورتبت الكنتور والميز ومسحته وعدلت الجربابه وحطيت فراش جديد ومسحت الكاع واخير شي خليت بخاخ ريحته حلوه سديت الشباك وطلعت ملابس ورحت سبحت وحطيت ماسكات وخلصت جنت محتاجه شغلات مال مدرسه قرطاسيه وهذني الشغلان كلت خلي اروح اني هم بدلت ملابسي ونزلت كلتلهن ورحت طلعت اتمشى للسوك وصلت يم المحل الي اريد اشتري منه اشتريت قرطاسيه وطلعت وشفت محل مال تراكسودات اشتريت واحد يصير اسود وبي دب جوزي كلش عجبني ب5 الاف رحت لابو القمصان مال مدرسه وكلهن اسعار نارر ماكو رخيص واصلا فلوسي متكفي لان ماخذه بس 25 نصهن راحت على القرطاسيه خلصن ماضل بس الفين وحتى ميكفن اشتري بيهن ملابس مدرسه كله من وره سعاد حتى قاصتي اخذتها مني واشترت ليلى من فلوسي وماكدر احجي شي وهاي السنه الثالثه بنفس الملابس لان كلما اجمع اجي اريد اطلعهن حتى اشتري ملابس مدرسه تجي هيه من بيتهم قبل لا يجون يمنه بحجت زياره وياخذن فلوسي واني صااي سنه وسنتين اجمع بيهن وهنه ياخذنهن حسبي الله ونعم الوكيل وذا كلت لابويه كال ماعندي فلوس وروح لامي تكلي ماعندي بعد منين اجيب الفلوس وجنات ماكدر اطلب قابل هيه تضل طول العمر تصرف عليه المهم ردت اطلع من السوك شفت محل يبيع سجاجين صغاار وناعمات كلش حلوات طبيت للمحل شفت سجينه كللش حلوه بس صغيره عجبتني كتله بيش كال بلفين يعني كد فلوسي اخذتها و خلصت كلشي ورجعت للبيت تعبت باوعت لساعتي شفتها ب11 واني طلعت ب10وثلث وصلت شويه قريبه على البيت يعني بعد كم شارع تعبت العلاليك هواي وكلهن سجلات ثكيله تعبت نزلتهم شويه وكمت افرك بيدي والشمس منا تسمط تموت حر جاي افرك بيدي سمعت صوت واحد كال
- ها يحلو شهل جمال ممكن الرقم ويغز
هدى:- رفت راسي واشوف واحد هتلي ملطلط كتله: امشي ولي منا لا اموتك
-اوي عيني شكنالج تره نريد رقمج
هدى بصوت:-امشيي واييي منا لا اركعك بتفله اوديك يم الحمزهه
- هسه شكتلج اني
هدى:- امشيييي وليييي مناااا هو اخترع وراح كبر حتى كبر شلون ملطلطين رجعت للبيت طبيت وجانت سعاد كاعده هيه وبتها تتريك من طبيت كلت: سلام عليكم
الكل:- وعليكم السلام
سعاد:- ها ولج جنتي بسواكه دايحه من الصباحيات
هدى:-اني منا روحي طلعه وتعبانه ودين ماكو براسي اتخصرت وكتلها: ليش يمه لازم من اطلع اخذ إذن من حضرت جنابج
سعاد:- لسانج شطوله خاتون عود مستخطيتج لان عدج فتحه بلقلب لو ماعدج جان كمت وكطعتج ادبسزز
ليلى:- عوفيها مامي عوفيها هاي مستهتره ممتربايه ختولي
هدى:- شو هاي تغلط بعد ماتحملتها كتلها: والله ماكو غيرج المستهتره والممتربايه لو امج بيها خير جان ربتج صح مو لاهيه بسحوره ومشاكل وطلايب
سعاد:- انعل ابوج لابو الجابج بت الحرام ساق** كح** دخل يجي ابوج اله اكله
ام هدى:- بسيطه هدى اني اعلمج شلون تجاوزين على الأكبر منج
هدى:-اوووه انتِ ماحايره بس بهاي مال ماتحترمين وكذا والله يالله
ليلى:- عوفيها خاله هاي كح** وبت شوارع ممعروف أصلها من فصلها ليش احنه بنات العز وعدنا اصل وفصل منزل نفسنه لهل شكول
سعاد:- اي اني اله اربيها بت الشوارع دخل يجي حازم(ابو هدى) اذا ما اخلي يشمرج بشوارع مو زين ملفينج بت الحرام شوفي انتِ امج منو ويامن مسويتها وجايبتك من يا كوا** وجابوج ويوم الاسود الجابج بي حازم مو اني كتله مانريده تجيبلنه وجع راس هو ماقتنع بس والله اله اخلي يشمرج بشارع
هدى:- مانكر انو حجيها اذاني كلش يعني هل مره اتاكدت انو اني مو بتهم من اجت سعاد كامت كل ساعه وكالت نفس الحجي تعبتي فوك القهر انو محد حجه وكفت كبالها وحطيت عيني بعينها وكلت : وذا بت شوارع بس على الاقل عندي عزت نفس ومحترمه نفسي وهاي اخير مره اكلج ياها تحترمين احترمج ماتحترمين ماحترمج واجاوز عليج خوووش
سعاد:-كح** ساق** ادبسزز كلبه
هدى:- والله اﻧـتِ ادبسزز وكلبه ماكو غيرج طبعاا
ليلى:- ولجج شنووو تغلطيينن على امييي
سعاد:- اليوم اله اربيج ولزمتني من حجابي وجرتني اني دفعت أيدها وكتلها
هدى:- ايدج اكسرها لو مديتيها عليه
سعاد:- ماشي يبت الحرام إذا ما كلت لحازم فلا اطلع سعاد وطردج بشوارع العاه**
هدى:- جريتها بزيج وكتلها واني اعصابي طافره:- انعل عشيرتج شخبصتيني بحازم وحازم؟ خاب ماتنجبين؟ متخوفون جلبي واخذت الاغراض وصعدت للغرفه طبيت وسديت الباب ذبيت الشال واني اسمعهم يلعلعن ويهددن واقلد على سعاد كبر بس والله حل بيها هل بربوك شكد تتبريك هيه وبتها يستاهلن الزيج وأكثر طبيت سبحت وبدلت ومددت على الجربايه صح الي سويته غلط انو اجرها بزيج واني هاي اول مره حياتي هيج اسوي ولا مره سويتها بس ونبي نرفزتني استغفرالله يربي سامحني شيسامحني اذا على الزيج وضجت على فشايري ليش ماصوج شهل تناقض خرب حظي وكبل نمت ماكعدت اله العصر كمت جسمي متكسرر شفت جهال نايمين بغرفتي وبنيه تقربت عليهم واشوفها جنات بستها وبست جهالها وغطيتهم و شفتها الساعه ب3 يوو شكد نمت فاتتني الصلاة كمت توضيت وصليت وخلصت نزلت ماشفت ولا طير كلها بغرفها مسوين غدا حميته وصبيتلي وكعدت اكل خلصت وغسلت مواعيني وكعدت وحدي مدري شسوي ضليت صافنه وافكر شويه كطعت من الصفنه رجعت ردت اصفن شو هاي ماضبطت الصفنه وحتى نسيت بشنو افكر يالله حتى بهاي كمت ضليت افتر بلبيت شفت الساعه ب4 صارت شو كامو يكعدون ونوب يباوعولي عين صفح وكلهم كعدو وتجمعوا بلستقبال واني كاعده بصاله ويمي نجاء و ورده كاللي يمكن راح يحاسبني ابويه فه هنه يصيرن وياي واني شنو اكول هنه وياي كتلهن : والله زين طلع اكو فد طيرين بهل بيت يحبوني شكد ما اسوي ما اوفيجن كل هاي الوكفه الوكفتنها وياي كالن انجبي وكالت
جنات: اكلج هدى ليش تمسلتين تره هنه خواتج بس من سولفلي شنو سويتي كبرتي بعيني ولج طلعتي نجره مو فاهيه وخوش زيج جارتهن هههه
هدى:-استغفرالله ولج او الله لعبت روحي من نفسي شلون هيج اجر زيج اني ماعرف اسويها بس شلون صارت مادري
جنات:- خيه بوكت العصبيه كلشي يصير
ضلينه نسولف ونصحك وهذولاك كاعدين يبسبسون مالي خلكهم سمعت ابويه صاحني كلت: هذا شيريد حلمان بيه اوو كمت رحت طبيت للستقبال كلت : ها شتردون
ام هدى:- والج عين تحجين خاتون
هدى:- ليـش عيني اني شمسويه
حازم:- شلون متجاوزه على سعاد وممحترمتها
هدى:- سويت نفسي مصدومه وفتحت عيوني على وسعهت وأشارت على نفسي: اني اني متجاوزه على ماااامااا سُعاد اني شوكت متجاوزه عليها؟؟
سعاد:- يل جذابه هسه صرت ماما مو ممرودة عضامتج ادبسزز غلطتي عليه وجريتيني بزيج
هدى:- اسوي نفسي مقهوره وخليت الدمعه كوه بطارف عيني وكلت: ماما اني شوكت غلطت عليج وجريتج زيج اصلا اني ماعرف اسوي وهيج ولا عدي هل سوالف اني ماجاوز على الأكبر مني وهذني البنات سألوهن
هما باوعولهن حازم كال
حازم:- ولجن صدك هل حجي هدى غالطه على سُعاد
نجاء:- لا عمو اصلا هدى كعدت الصبح وراحت للسوك محتاجه كم حاجه جابتهن واجت سلمت وصعدت للغرفه وبعد مانزلت صعدتلها لكيتها نايمه وعفتها
ورده:- اي عمو صدك حجي نجاء
سعاد:- ولجن جذابات مو غلطت عليه وجرتني زيج ولج وريده الجذابه جذبين بكل عين صلفه و أنتِ الخ ليش جذبن احجن الصدك
ورده:- عمه شسالفه مدانجذب عليج احنه دنحجي الصدك لا اكثر ولا اقل
نجاء:- اي حجينه كله صح مدانجذب ليش نجذب
ابو هدى:- عمو متاكدات انتن
جنات:- عيني يأبه شنو مدا صدك بيهن تره اكثر وحده تعرف هدى هيه اني هدى ماعدها هيج سوالف
ليلى:- ليش الجذب هيه غلطت وهسه احلفلكم
هدى:- حلفي بالله مرتين ولج ليش تتبلن عليه شمسويتلجن اني ليش هيج تكرهني هاي لان اني مو بتكم ها كلها تكرهني يعني حتى لو مو بتكم على الاقل شويه حبوني خلوني احس انو عندي أهل يحبوني وذا متردوني كلولي وين اهلي واني اروح المايريدني ماريده انتم متردوني اني ماريدكم
حازم:- كااافيي هدى صعدي لغرفتج
هدى:- وانتَ هم حاسب روحك ابو البيت وكذا ليش تقبل مرتك وبتها ياخذن بفلوسي الي صالي سنه وسنتين اجمع بيهن واشتري ملابس جديده مو حرام عليكم حتى هاي السنه الثالثه واني اداوم بنفس الملابس ماكولكم بس حسبي الله عليكم عفتهم وصعدت فوك ضليت كاعده لليل كمت حضرت الجنطه والملابس والقرطاسيه بجنطه ورحت وقتت المنبه ونمت.. كعدت الصبح على صوت المنبه طفيته كمت سبحت وطلعت من الحمام بدلت وعدلت نفسي وحطيت عطر ومرطب شفه واخذت الجنطه ونزلت ماشتهي اكل لبست الحذاء(تكرمون) وطلعت اتمشه واباوع على الطلاب مال الابتدائيه يخبلون مدنفشين ويمشون نعسانين يخبلون فدوه لله وصلت للمدرسه وصلت للصف شفت البنات سلمت عليهن اني والبنات سلامنه خيط بيط وبس يحضنن بيه ويبوسن اخير شي عطت بيهن وخرتهن مني واني اضحك سلمونه كتب جديده مال خامس ومن اول يوم ماطونه شي بس لعب بلعب طلعنه بساحه كعدنه بمكانه المعتاد ونسولف كالت
ساره:- هدى اهلج مو كانو كلش متناقضين ومتخلفين يعني اسفه خاف تزعلين لان كلت هيج عليهم
هدى:- ههههه لا يمعوده عليش ازعل واصلا همه اكبر ناس عرفتهم بحياتي متناقضين يعني بيوم الي رجعت من المستشفى ميتين عليه وره اسبوع سبوعين ضربوني جلاق وبعدين همه منين اجو اهلي هل ديكولون بلسانهم اني مو بتهم خلص هاهيه هسه اني بس باقيلي السادس وان شاءلله اسوي العمليه واطلع منهم لان كلش نذليت وانهنت وهنه ضلن يصبرن بيه درت وجهي وابتسمت شفت عشق اخت هاجر جايه بتجاهنه السنه هيه رابع درت على البنات وكتلهن: هاا شوفن منو اجه ههه كلهن دارن وعشق وصلت يمنه اجت بوستنه وصلت يمي حضنتني ذيج الحضنه وتبوس بيه لان علاقتي بعشق كلش حلوه وكأنو اختي كعدت تسولف عن المدرسه وتكول
عشق:-عزا بنات المُدرسه الي جانت دسلمنه كتب يمه شكد مغروره ايع هو النبي محمد بعمره ممتكبر مو نوب هاي تتكبر
تقى:-والله خيه حقج الصراحه وباوعت وره عشق وكالت: هايي شعدها جايه؟
هدى:-منو
تقى:-ليلى منو اكو غيرها شعدها جايه هنا بين هل حجي وصلت ليلى طبعا ليلى صف سادس وهيه عايده السادس اربع مرات اجت وكفت كبالي كتلها:شتردين؟
ليلى:-ههههه بنات طبعا هاي هدى الي كتلجن عليها ردت صديقتها
-ياا يعني انتِ هدى وتاشر عليه
هدى:-اي اني هدى شتردين
-مو انتِ ابو ليلى متصدق عليج وحاطج بيتهم وانتِ ناكره الجميل ياعيب عليج والله
هدى:-احس صاعقه وضربتني كمت وكفت كبالها وصرت ارجف و كتلها: شنو متصدق عليه شنو حاطني بيتهم شبيج انتِ شدتحجين
ليلى:- شنو شدتحجي تره هذا الصدك حبي تعاي حبيتي خلي نروح احنه وراحت تباوع عليه وتضحك واني عيوني صارت حمر وغوركن كمت افرك بيهن بس ماكدرت اسيطر عليهم وكعدت وايدي على عيوني وابجي وتقى ضلت تتعارك وتريد تروح بس البنات منعنها واني غسلن وجهي وخلص يومي الكئيب وباقي الايام هم نفس اليوم يوميه ليلى جايبه بنيه وتكلها هاي هدى الي ابويه متصدق عليها بحيث كل المدرسه عرفو ومن امشي كلها اضل تباعلي ويبسبسن بيناتهن شدعي عليج يليلى شدعي بيوم كاعدين احنه البنات مثل العاده ويانه عشق وتسولف ابد متسكت وبيها شبه من سيف مثلا حواجبه ثخان هيه نفسه بس بعد احله كالت عشق:- هجيره بشرفج بس باوعي لهدى مو تشبه عمو فرقد
هاجر:-سحبت وجهي الها وكالت:-اي والله ولج شو هاي طلعت صدك تشبهم واني صار سنين وياها فلا انتبهت وانتي هسه انتبهتي
عشق:- لعد شعبالج اني عشق مو هينه شوفي حواجبها وعيونها نفس عمو فرقد وشفايفها وخشمها والشامات نفس زوجته عمه احلام نسخه منهم تشبيهين تصرفات اصف نفس خباله بس هو اكثر ولج ونضراتج تشبه اخته ايڤار بس لا اطلعين بنت عمي هههه
هدى:-يا عزا العزاج ولج منو فرقد منو احلام منو اصف وايڤار شنو بنت عمي ولجن مدافتهم شي فهمني شي
هاجر:-يا داده نسيت اكلج هذا عمي فرقد الصغير تذكرين من سولفتلج على العائله ماتذكرين من كتلج عمي فرقد وهاي زطجته احلام وعدهم اصف ويوسف وايڤار فه انتي تشبهينهم الصراحه ليكول بنت عمي
هدى:-هههههه صار عندي فضول اشوف عمج فرقد وزوجته
عشق:- وعدهم بعد بنبه اسمها مياده
هدى:- مبينين عائلة كيوت ههههه
هاجر:-اي والله كلش كيوت وحتى سبورتيه هل عائلة واكثر ولد عمي حشاشين ايهم واسر يموتون ضحك
عشق:- خصوصه اسر من هذاك اليوم سولفلنه من طافر على جوارينهم من جان بلبتدائيه ونبي موتنه ضحك
تقى وهيه مندمجه بلحجي:-اي وبعد وهذا اسر حلو لا شنو مواصفاااته
هاجر:-اي كلش حلو اسر شوفي هو مواصفاته عيونه بني فاتح وحنطاوي وعنده لحيه وطويل وحشاش درجه اولى ويدرس مرحله اولى اداره واقتصاد
تقى:- امم كلش حلو بس هم ميعجبي اريد ازوج ابن خالتي عيونه خضر مو صفر هسه ابن خالتي عيونه خضر اني ليش عيوني مو خضر طلعن سود شهل تفرقه فوكاها امي عيونها خضر واني بتها ومطلعن عيوني خضر طلعن سود ابويه عيونه صفر بس اني طلعن عيوني سود وحسن عيونه صفر واني عيوني سود يعني لل..... رادت تكمل واخذتلها صفنه طويله لحد ما ندهناها يله فكت من صفنتها وكالت: معقووله اني مو بتهم
هدى:- ضلينه صافنين عليها وكمنه نضحك وكتله: لا ولج داده مو لهل دره انت بتهم مو هل نسخه من حسن نفس الجهره بس انت مميزه بجمالج
تقى:-اوي فدوه الج
عشق:-يلا بنات باي
هاجر:-تعاي وين رايحه
عشق:-دولن اريد اروح يم صديقاتي
هاجر:-خوش لعد روحي
هدى:- راحت عشق واني ضليت اباوع بساحه وكلت وعيني على بنات واكفات ويضحكن ويباوعلي اباوعلهن وعاكده حاجبي: بنات مو كانو هاي حنين واكفه ويه ليلى لو اني غلطانه؟
البنات دارن وشافن حنين كالت ساره:-اي ونبي هاي حنين شعدها واكفه يم هاي
تقى:-اي ولعباس هاي شبيها اني لعلمج حنينه وكامت راحت لحنين. واحنه لحكناها وصلت يمهن وهنه شافني باوعلي من فوك ليجوه وخصوصه حنين تباوعلي باشمئزاز خلتني صافنه عليها
تقى:-ها ست حنين شعدج هنا وكافه وفوكاخا تتمضحين
حنين:-والله اني جنت كلش غلطانه من مصادقه هيج وحده وتأشر عليه جذابه وتكول اهلي واهلي وليلى تكؤهني اصلا ماكو احسن منهم وبعد من اليوم ورايح مايشرفني امشي ويه هيج شله تصدك هل جذابه
هاجر:-خلص عااد اني لهنا وبعد ما اتحملج تره دستي بطن هدى كلش هواي وسكتنالج بس مال هيج تحجين تره والله اطيح حضج سمعتييي
حنين:-لا والله عيني مو بكيفج تره وبعدين اني شفت وحكمت وعرفت منو الصح وليلى واهلها الصح وهاي جذابه ماعرف شلون الجن نفس تحاجنها
هدى:- صح كلشي تحملت بحياتي بس مال صديقتي جذبني وتصدك وحده جانت دماري هيه واهلها اخيره نطقت وكتلها: حسبي الله ونعم الوكيل عفتهن ومشيت لصف كعدت وضليت هيج لاخير ابدوار ورجعت للبيت وطبيت للبيت بهدوء وصعدت للغرفه تحت صياح سعاد لان مسلمت طبيت للغرفه او بلاحرى مخزن هم اخذن غرفتي واطني مخزن اتنهدت زبلت ملابسي وكبل طبيت جوه البطانيه وضليت ابجي واطلع الم السنوين الي تحملتهن والم كلبي والم كسرتي وكلشي ضليت ابجي لحد ما اعصابي خدرت ونمت...
________
سيف:-كاعد وصافن وافكر بهدى واكول سنو راح يكون مصيرنا واني معقوله احبها اي اكيد احبها بعد هذا التفكير اكيد احبها ومو بس احبها احيها صارت شي مهم بحياتي بس مادري احس بالي كله يمها وكل ساعه اكول هسه درست شربت علاجها اكلت هم احد ضايقها اوف مليت واني طول الوكت افكر بيها وشايل همها شلون بيه ضليت صافن لحد ما اجه هذا البلوه الي الله ذبه على راسي ويغني
عباس:- لتسولف علينه من يسؤلون عيون الناس تحسد عشكنا ويدندن ويه الاغنيه..
ها سيفو شلونك
سيف:-لا هله ولا مرحبا شتريد
عباس:-ها حبيبي اريدك غير انت رجلي تعالةخلي انام بحضنك واجه لزك نفسه بيه
سيف:- دفعته وكتله وخر لا هسه يجي واحد من الضباط عباله ن**
عباس:-هههههههههه ولك عوفني خلي انام بشرفك
سيف:-ولك وخر ادبسزز وضليت ادفع بي وهو يرجع لحد ما عفته وصدك بسرعه نام واني صليت افكر بهاي الغضب لحد ما نمت.. كعدت الفجر على صوت طلق مو جديده هاي الطلق مال التدرين كمنه على السريع دربي ماشفته ويا دوب لبست وطلعنه وضلينه ندرب ساعااات وتعب مع التفكير الموتني من وراها مجاي تطلع من راسي ضلينه ندرب خلصنه رحت سبحت وبدلت كعدنه ناكل خلصت وكعدت كبل لزمت تلفوني حتى اراسلها فجاءه شفتها متصله كلت شعجبت راسلتها كتلها(هلا كبد شلونج شلون صحتج اكلتي شربتي علاججي خوما احد مضايقج؟)
دقاقيق وردت
هدى:-(هلو بخير الحمدلله وانتَ شلون)
سيف:-(اني الحمدلله تمام انتِ شلونج جاي شربين علاجج)
هدى:-(اي جاي اشربه)
سيف:-(تمام اي بعد شلونج)
هدى:- استغربت شدعوه هلكد يسئل كتله(سيف هاي شبيك تره كتلج الحمدلله)
سيف:-(ها لا ماكو شي بس اريد اطمئن عليج حبيبتي)
هدى:-(اهاا زين وب لتكلي حبيبتي)
سيف:-(صار تدللين بعد اكو شي)
هدى:-لاول مره اتجرء وادزله صوتيه كتله(ها سيف افندي خوما بيك شي شبيك ولك لازم مأثره عليك الكليه ههه)
سيف:-مو دزتلي صوتيه احس كلبي صار طير مو بس سمعت صوتها طرت بلهوى بحيث كبل كتبتلها بدون مانتبه:-(ولج شسويتي بيه دوهنتيني لعبتي بيه طوبه هلكدوتج ولعبتي باحوالي لو من تكبرين شتسوين)
هدى:-صدمني كلامه كتله (شنو سيف شسالفه كلت شي مو حلو)
سيف:-(لا بويه ماكو شي بس هيج لان تعبان)
هدى:-(يا لعد روح ارتاح)
سيف:-(ليش تردين اروح تخلصين مني)
هدى:-(لا والله مو هيج قصدي بس غير انتِ تعبان ولازم ترتاح)
سيف:-(يهمج)
هدى:-(اي ليش مايهمني)
سيف:-(صدك)
هدى:-(يعني اقصد غير انتَ صديقي وتهمني)
سيف:-(اها زين هدى سؤال)
هدى:-(جواب)
سيف:-(انتِ هم معجبه بشخص)
هدى:-(لا ماعندي بس ليش تسئل هيج)
سيف:-(لا هيج مجرد سؤال يلا عيني امي اروح انام تعبان)
هدى:-(تمام نوم العوافي)
سيف:-(ديري بالج على نفسج واشربي علاجج)
هدى:-(ان شاءلله باي)
سيف:-(باي) ودزيتلها رابط اغنيه "شمسين" وكتلها تسمعها ماحجت شي راحت هدى واني ضليت اسمع بصوتيتها وصوتها شلون بي بحه حلوه وصوت حلوه وضليت كل ساعه اعيدها لحد ما اجو جماعتي كبل طفيتها وسديت التلفون وضلينه نحجي ونسولف لحد ما كل واحد راح لفراشه واني من كثر التعب كبل نمت..