وُڪلُِمآ حٍدِثتهـآ آزْدِآت جٍمآلُِآ ....آلُِى آن نطُقٌ آلُِجٍمآلُِ تفُننآ ....محٍتآلُِت آنتي لُِآ آمآن لُِڪي.....من قٌآلُِ آنڪي من جٍنسنآ
نكمل...
حور:ردت ارد عليه ومااشوف الا عمامي وراه هو انتبه دار وشافاهم نصدم نفس صدمتي وزينب ماخذه اخوها وداخلين لان جان خشمه ينزف دم رحتلهم وكلت
حور:ها خير
العم قاسم:احجي عدل احنه عمامج مو غربه علمود هجي تحجين
حور:تفضلو رايدين شي
ها والعفو توه دريت عندي عمام
العم مصطفى:تعتي للبيت ونكلج شنريد
حور:انا كبل باوعت لعلي لان عرفتهم ع الورث ونسيت ماضميت الاوراق خرب فجاوبتهم
حور:ماعندي بيت ذاك بعته واني عايشه وي صديقتي زينب هذا بيتها
العم قاسم:هههه باستهزاء وشنو بعتي البيت هو وغراضه
حور:لا واصلا ماجان بي بس ملابسي وملابس جده وصور وشكم غرض
العم رياض:واوراق؟
حور:اوراق شنو
العم مصطفى:يعني مالكيتي اوراق منا منا
حور:لا بس البومات وصور
ضل يبسبسون ابيناتهم وسمعتهم يكولون
العم مصطفى:خاف ضامهن بالمزرعه
العم قاسم:يي يمكن
العم رياض:يعني نروح ندور المزرعه يلا
راحو وقبل لا يرحون عمي قاسم باوعلي من فوك لجوة وكال تربيت شوارع وراحو
علي:ليش مارديتي عليه
حور:عقل جاهل اخلي عقلي بعقله ليش
علي:واذا درو بالاوراق
حور:والله مدري وخاصه قاسم مايطمن ابد
علي:شرايج تضمينهن عندي واني اكفل بكلشي ومن اخلص اجيج واطيجياهن
حور:وهم راح يجولي ويسالوني منين جبتي الفلوس
علي:خليها عليه ومعليج
حور:تمام بس مو هسه من يرجعون لبغداد
علي:خوش راح اخلي واحد من جماعتي يراقبهم
حور:خوش حجي
علي:يلا رجعي للبيت
حور:رجعنه للسالفه مو بيتنه بعنا وعايشه يم صاحبتي هالحجي الزايد لويش
علي:خوش ضلي عدهم بس اذا سمعت هذا الكلب يباوعلج او مقتربلج بالقرآن موته ع ايدي
حور:تقربت منه وانت ليش مضوجك لهلدرجه
علي:والله انتي خط احمر عاجبج عاجبج مو عاجبج مو بكيفج
حور:تغار؟
علي:يي اغار ياحور عيني عندج اعتراض
حور:ها
علي:دخلي بدون فهاوة زايده ومو تنسين دواج
...راح وكف بالركن من شافاني دخلت يلا راح بس مدري شصار بيه من كال حور عيني اول مرة واحد هيج يدلعني من نهد ابوي وجدي لحد الان ضليت بالباب واكفه وافكر
زينب:هيوووووو👋
حور:وجع شبيج
زينب:شبي الحلو صافن شصار😉
حور:شصار يعني
زينب:مدري هو اني جاي اسالج شصار وخلاج هيج تصفنين
ماكو شي
هممم ماكو شي
...عفتها ورحت للغرفه وتمددت ع الجربايه واجت زينب لحت تريد اكللها شصار سولفتلها شصار
حور:اكلج
زينب:كولي
حور:تدرين شصاحلي
زينب:شصاحلج
حور:ياحور عيني
مااحس الا الكاع نهزت من كد الضحك
ومرض شبيج
زينب:مبين مامتعوده ع التغزل والمدح
حور:يي تدرين بيه مو من هالسوالف
زينب:يي وليش تقبلتيها منه مبيننننننن
حور:لا مبين ولا شي بس هو مو صوجج صوج اليسولفلج طايحه الحظ
زينب:شبيج والله اشاقه
حور:يلا شنو عدنه علمود ادرس وراي دراسه هواي
زينب:يي بالعباس شكككككد
ضلينه نندرس هم نسولف وشقه وضحك خلصنه المغرب صلينه وصاحتنه ام زينب رحنه نساعدها بالعشه كتلهم اني مااريد وحق ربكم اني بس كلت واجتلي رساله من علي
اتعشي زين علمود تاخذين دواج💬
حور:دخيلك ربي هذا جني وراي وضليت اتلفت
زينب:ها شبيج منو
اجت شافته وضلت تباوعلي بنضرة صفح وابتسامه وكالت
هلا هلا
وجع
صبينه العشه وكعدنه جاي ناكل وجان يسال ابو زينب ام زينب وين مهند واني وزينب جان الاكل بحلكنه مانحسه غير كله طلع من خشومتنه من الضحك😂😂
لهنا يخخلص البارت وانشالله اكتبلكم الباقي وادري قليل بس صبرولي باجر وانشالله اكمله احبكم💋❤
