لمتى ستسكنين روحي اتمناك اليوم للغد اتمناك كما لم اتمنى من قبل احد.
حور:رجعت للبيت ولكيت ام حسين عدنه ولكيتها يم جده سلمت عليها ورحت بدلت ونزلت يمها كالت يلا راح اروح وصلتها للباب ولاكينه ابو حسين حسيت بيها خافت منعنده فصاحلي
رحتله بدون رده فعل كتله هلا عمو
ابو حسين:عمو شنو تعرفين الشيخ علي
حور:اني استغربت اول مره هيج يحجي وياي
كتله لا عمو منو هذا وليش تسال
ابو حسين:كال جان يلحكج وسال ع بيتكم كال هذا المن
حور:عرفته اني ذاك لان ماكو غيرة جان يلحكني
كتله عمو والله مدري ودخلت للبيت
واطمنت ع جده ونومتها ورحت ع جربايتي وضليت افكر اسوي حل لهذا الي اسمه شيخ علي
وهم افكر بالبيت
وافكر شلون اعيش نفسي وجده
وافكر باهلي عقلي انترس افكار اريد اوكف عن التفكير ماكو صارت الساعه ب7واذن كمت كعدت جده وشعلت التلفزيون ع قرآن ورحت توضيت وصليت
وكالعاده حميت الاكل جانت جايبتلنه ام حسين دولمه
ووكليت جده
جده:اكول حفيدة
حور:هلا جده
جده:يمه عندي ذهبات ضامتهن بيعيهن واشتريلج ملابس مصيرف الج يابعد جددتج
حور:نزلت راسي كتلها جده اني مدبرة امري لا تفكرين ومصرف عندي لاتخافين
وذنه عوفيهن لليوم الاسود مو للملابس تدرين بيه مااهتم بهيج سوالف
جده:بكيفج التشوفينه والله ذكرتيني بجدج نفس التفكير تفكرينه الله يخليج ويحفظج
حور:اني هي جانت امي وابوي وكل اهلي صدك خلتني ابجي كمتلها بستها براسها وكتلها ويحفظج الي جده
وانشالله الله يشوف حالنه وانصير احسن
جده:انشالله يمه
خلصنه عشه وغسلتلها ورحت غسلت المطبخ والمواعين وبعدها للبيت وغرفه جده بحيث راح نص وكت دراستي وباجر عندي امتحان رياضيات جنت كلش احبها اخذ درجه كامله بيها فلهيك مااخاف منها
صارت الساعه ب9ونص رحت درست وهم ب١٢ خلصت وقتت جهازي ونمت ردت انام بس افكر بهذا الشيخ اكول شيريد مني
من كد التفكير نمت
كعدت ب٥ هم نفس الروتين ولاكيت زينب بالطريق وكالتلي تروح وياي للبيت
علمود نظفه
ورحت للمدرسه من وكت يعني ب٧ ونص ورحت للمديرة بس بعدها ماجايه تانيتها ماكو
دخلنه للصفوف بدينه الظرس الاول والثاني بالفرصه رحتلها ولكيتها
حور:ست اكدر ادخل
ست لمى:تفضلي حور حبيبتي
حور:ست اريد اسألج سؤال واروح
ست لمى:يي كولي
حور:ست تذكرين من ضربت المعاونه وجبتيني هنا
ست لمى:يي اذكر
حور:ست جان هنا واحد كاعد اكدر اعرف اسمه
ست لمى:ليش تسألين؟
