ما لي وما لكَ يا فراقُ ،
أبداً رَحيلٌ، وانطلاقُ
يا نَفسِ مُوتي بَعدَهم،
فكذا يكونُ الاشتِيَاقُ
كَذِبُ الهوَى متَصنَّعٌ،
الحبُّ شيى ٌ لا يُطاقُ
نكمل ..
حور:كعدت ثاني يوم نفس روتيني كل يوم مريت ع زينب بس احس احد يمشي وراي شفت السيارة مو نفس سيارة الراد يكتلني غلست عن الموضوع ورحت داومت عادي واحنه كاعدين بالكافتريا انا وزينب وانا جنت اقرة رواية مائة عام من العزلة حاجتني زينب اول مارفعت راسي راحت عيني لشخص الوراهه الي جان يباوعلي ماعرفته بالبدايه مألوف عليه هالشكل زينب انتبهتلي ودارت وجهه وكالت شبيج منو هذه كتلهه مدري وين شايفته
زينب:حتى اني شكله مو غريب
حور:جان يباوعلي يعني يعرفني
زينب:بس انا ماشايفته هنا من قبل يمكن مايداوم هنا
حور:يي انتي ماشاء الله عليج ماخليتي بشر ماصادقتي هنا
زينب:يي غير ندور مستقبلنه😉
حور:وثول يلا امشي خل نروح للمحاظرة
زينب:بعد ربع ساعه وتبدي بعد وكت
حور:جا خوش ضلي انا راح اروح قبلج
زينب:تمام
رحت للقاعه ماجانو الطلاب موجودين بس شكم واحد كعدت ومااشوف اله هذه نفسيته اجه وكعد يمي بس جانت حالته تعبانه مبين مريض ماادري كتله تفضل خوية
اافا صرنه خوية(بصوت تعبان)
حور:اول ماحجه عرفت صوته كأنما شريط حياتي رجع اذكرته كلش زين بس المشكله الف سؤال ابالي معقولة هذه علي لا لا
حور:علي؟؟؟؟؟
علي:ها يبعد روح علي
بسرعه دمعت عيني بس اداركت الوضع وكانما مامصدومه
حور:تفضل محتاج شي
علي:اي والله محتاج منج شي
حور:وهو
علي:محتاجج انتي ولج والعباس مشتاقلج
حور:مااجذب عليكم ماتاثرت بس المشكلة الكبرياء البداخلي مايقبل ينهزم
..اشتتاقتلك العافية
علي:بس؟
حور:شنو
علي:بس هالكلمتين كولي سألي وين جنت شبيك وشسوت بيك الدنيا شلونهه الاوضاع عندك لو انتي دايما هيج بلا احساس وضمير وناكرة معروف بس شسوي لكلبي الرجيج هذه طيحت كرامتي علمودة وانتي بكل برود ولا كانما تعرفيني اصلا المهم اسف خاف ازعجتج واطلع صدك مو رجال اذا رجعت وحاجيتج يلا مع السلامة
كالهن وراح حتى الطلاب ظلو يباوعون وانا مدري شصار بية التفكير ماوكف ابد وكلت صح كلامه يامه سوة وياي اشياء واخر شي هيج اعامله بس والله ماادري انا كل ظني ازوج وعاش حياته ماعبالي هيج شكله يصير او حياته بيهه شي احتاريت شسوي اروح وراه لولا ردت اكوم واجه الدكتور فما كدرت اطلع
اجت زينب والدكتور يشرح وانا ولا يم هالناس كلهه افكر بكلمات علي اريد اعرف شصاير بيه اول ماخلصت المحاظرة طلعت ركض ولزمتني زينب
