سلام
اسفه ع التاخير بس والله ظروف وتدرون السادس المهم معلينه راح ادخل بالقصه...
حور:جنت نايمه ومااسمع الا اصوات ناس هواي وضحك وسوالف صدك تصطر الراس باوعت للساعه ب١٠ وربع متاخرة كلش بنومتي ردت اعاون روحي ماكدرت ع طيحت البارحه كلش تاذيت ورة ثلث ساعه هيج شي اجت نبعه
نبعه:صباح الخير
حور:صباح النور
ليش ماكعدتوني عيب لحد الان نايمه
نبعه:لا شسالفه لا عيب ولا غيره وها ثاني شي علي ماقبل كال خل ترتاح
حور:عدكم خطار؟
نبعه:يي بيت عمامي اجو اليوم ب٩
حور:عادي تصيحيلي علي تكليله يرجعني للبيت مااريد ازعجكم اكثر
نبعه:لا يعمري اي ازعاج تحجين عنه ويمكن علي مايقبل وها هاج هذه تلفونج كالي اطيجياه
حور:والله تعبتكم وياي
طلعت كضيت الجهاز واتصلت ع زينب
زينب:هلا هلا هلا بهالصوت هلا بالزين كله
حور:بلا مسلته من الصباحيات
زينب:شبيج فوك مااغازلج
حور:عوفي طيحان الحظ اكلج اريدج بسالفه
زينب:كولي يابعد اخيتج
حور:اريدج تكولين لابوج يحاجي علي علمود ارجع لبيتي او اجيكم لان صدكي مامرتاحه هنا ابد وعمامهم اجو صار الازعاج فول
زينب:ها جا ...تمام احاجي
حور:شبيج متردده
زينب:ها لا هيج مابيه
حور:زنيطيح احجي شبيج
زينب:مو كلت بحجت اشوفج واطمن عليج اشوف اخو حبيبج
حور:ومرض يياحبيب لا تخليني بالعباس اكسر راسج
زينب:اسفه اسفه والله اشاقه وهسة راح احاجي ابوي باي
وسدت الخط عفت الجهاز وشلت روحي كوة بس اريد اكعد بالكرسي بمعاناة يلا كمت وكعدت رحت للحمام غسلت وجهي وتوضيت ورجعت خليت مخاد ع الجرباية وحطيت التربه وظليت اصلي بس احس ظهري يتقسم لنصين وانا جاي اصلي دخلو عليه ٣ بنات وصوتهن ماشاء الله حتى الاطرش يسمعه كعدن وظلن يذبن حجي ع البنات المامتربايات وغيرة وانا ولا همني اهم شي اخلص صلاتي وادعي ان شاء الله ارجع للبيت لان مااحب الهوسه المهم خلصت وذنه سكتن وباوعلي انا مااهتميت ردت اطلع ووحده جرت الكرسي احس راسي انصطر دخت كلش كالت وين بيبي خل نتعرف يعني صدك شكلهن مكروه ضليت بس اباوع وكل وحده اذبللهه حجايه اجت ام فاضل وحاجتهن وطلعتهن بس شنو استهتار بمعنى الكلمة تعذرت مني ام فاضل وطلعت كضيت راسي احس راح ينسصطر شوي ودخلت نبعه وشايله صينيه اكل ريوك حطته وشافت خاف مااكدر هي توكلني بس ماقبلت وجابتلي العلاج وكالت علي يكول اخذي وطلعت كليت لكمتين لان مااشتهي وخذيت علاجي مليت من الغرفه اريد اطلع اتصلت ع زينب وكتلهه بشري كالت ابوي راحله ومدري بعد تانيت وتانيت اسمع السوالف والضحك والصياح البرى معقوله مايدوخن من السوالف خرب حظهن صارت الساعه ب١١ ونص مااحس الا الباب اركع
