عسليةُ العينينِ نوركِ منقذي
مِن دون نوركِ لا طريق ولا هدى
شدي وثاقي في سجونكِ إنني ..
طوعًا رضيتُ الحكمَ فيكِ مؤبدا
نكمل وانشالله يعجبركم البارت
علي:اجه الدكتور وكال مامتاكدين بيها مرض قلب اولا اني هنا نصدمت شلون يجيها مرض قلب بعدها زغيرة وكال بس تكعد نتاكد منها ومن التحاليل
ضليت متانيهه يمته تكعد بس ماكو اتصلت عليه والدتي كتلها صديقي بالمستشفى راح ابات يمه اشوضلت تبجي
....ها يمه شخيرج
ام فاضل:يمه بيت جوارينه ابو سلمان ابنه مصطفى مصورك من انت شايل بنيه وركضت بيها
علي:شنووووو
ام فاضل:والله وضل يعير باخوك يكله اخوك ابو النسوان ومن ذاك الحجي
علي:تمام يمه انتي لا يضل بالج يمي ويصير خير انشالله
ام فاضل:يمه دير بالك ع نفسك مااوصيك
خلصت المخابرة وياها ورحت طرت بسيارتي الهم فلشت الباب عليهم جانت الساعه ب٩ونص طلع ابو سلمان وكال ها خيرك شيخ وسالته ع ابنه كال تعال تفضل دخلت وعرفت ابنه بعده ماجاي تانيت ونتظرته علما اجه ب١٢ونص بس فتح الباب طفرت وركضتله اجه ابو سلمان وسلمان واكو نسوان يبجن عالخافت انتبهتلهن من الباب مال صاله وكضيته جان كصير يمي لان اني طويل شلته من زنوده وكتله ع الصار ونكر وخذت جهازه وفتحته ولكيت الفيديو ودازه لاصدقائه وقريت الحجي والمسبه عليه والضحك غير ماخليت بيه روح رادو يوكفوني ماكو دممته وطلعت لاكيت اخوي بالباب وامي من الباب تباوع هي وخواتي اشرتلهن يدخلن واخوي كتله راح ابات الليله بالمستشفى والصبح انشالله اجي
رجعت للمستشفى سألت عليها كالو بعدها ماكاعده كلش خفت عليها واحس ضغطي كلش صعد رحت اشتريت حبايه راس وقبلو ادخل للغرفه بس مااطلع صوت كعدت ع الكرسي واباوعلها نايمه غير كمر بس وجهه تعبان اذكرت من تقربت منها وجهه ماجان بي شي شلون صارت هالسالفه بهالسرعه ضليت كاعد ع الكرسي ونمت واني ماادري كعدت الساعه ب٧ وبعدها ع نومتها خابرت واحد يشتغل عندي يجيب ريوك واني طلعت اشرب جكاير رجعتلها ماكو صارت ب٨ الا ربع ومااسمع الا اسمي ينكال بصوت ناصي ماصدكت بس الخوف بعده بكلبي بس لا صدك يطلع بيها مرض بالقلب
حور:ضليت ارتل بالقرآن ماادري احس احد ويجيبلي ذكرة من اهلي براسي ويريدني كوة افكر اني مااريد هالشي لان ياذي راسي بس ماجاي اسيطر وفجاة اذكرت من امي جانت اتعلمني شلون اجود غمضت عيون كل حيلي وخليت تركيزي وي القرآن مااريد افكر تعبت والله
علي:بيج شي يوجعج
حور:لا
علي:اكلي ترى ماماكله شي
حور:مااشتهي
علي:بلا عناد بالله
حور:والله مااشتهي اذا اريد اكلك
