ننام ليلا ونحن نتألم من الفراق ، ونستيقظ صباحا على الحان الحنين و الاشتياق.
........
حور:رجعت للبيت لوحدي مامريت بزينب وطلعت اول وحده ردت بس اضل لوحدي
افكر وافكر وافكر
وصلت يم بيت واني مامنتبها شفت بيت قديمممم
واني احب هيج مناظر فحبيت ادخل بي وكطع تفكيري صوت يصيحلي......
زينب:شفت حور شلون عزلت روحها فدريت بيها معصبه فما اقتربت منها خليتها ع راحتها
فشفتها وهي رايحه للبيت وماصاحتلي فرحت وراها واستغربت راحت لغير طريق وشفتها رادت تدخل بيت كلش يخوف يشبه المسكون فصحتلها بعالي صوتي
حور:شكو شتردين شعندج لاحكتني
زينب بخوف :شعندج هنا🥺
حور:تذكرت البيت ورجعتلها وكلتلها امشي ورحت للبيت وهي طول الطريق تكلي شنو قصت هذا البيت واني اصلا ماادري شنوه
وصلت للبيت كالعاده رحت لجده وبستها براسها وشفت متغيرة ملابسها عرفت بيت جيرانه ام حسين اجتلها وخليت ورحت لغرفتي بدلت وغسلت ورحت تمددت ع فراشي وافكر ......
ليش وصلت لذاك البيت وليش ماشايقته قبل ووليش الله خله دربي اله سؤال ورة سؤال وقاطع تفكيري صوت الاذان صار المغرب استغربت كلت كل هذا تفكير طول لهلدرجه
رحت توضيت صليت وحظرت عشه خفيف مجرد احمي الاكل الي تجيبه ام حسين وكليت جده
وتعشيت ورحت غسلتلها ونومتها واني كملت المطبخ ورتبت البيت ترتيب خفيف ورحت لغرفتي ادرس جانت الساعه8:7 وخلصت ب12احس عيوني ورمن وراسي راح ينفجر رحت للمطبخ شربت ماي ورجعت وقتت جهازي ل٥ الصبح ونمت
.......في غير مكان........
علي:طول اليوم تفكيري ماتغير بس افكر بالطويلة حور
حتى بالديوان اخواني انتبهولي كلولي شبيك كتلهم لا افكر بالدوام هناك عندي مشكله
كالولي انشالله تنحل
..انشالله
كمت منهم ورحت بسيارتي ورحت ع مكان كلشي احبه لان هادئ ومابي احد بحيث اضل لوحدي وافكر براحتي مكان يصير ع بنايه مهجورة فوك كلش بحيث اشوف الاضوية للبيوت واشوف السمه جنت كلما اضوج اجي هنا
وضليت كاعد وبس افكر بحور وشلون اطيرها من بالي ماادري
صارت الساعه ب11بليل ورجعت للبيت سلمت ع امي بعدها متانيتني ورجت نمت وهم بس افكر بيها شلون من تعصب وبعيونها وبجسمها وبطولها وبقوتها
الا ان اشوف الساعه ب5الفجر
اوووووف شنو هاي الله يطيح حظ اليوم الشفتج بي
واذكرت وراي روحه احل مشكله بين عشيرتين
خرررررب
كمت صليت وتعوذت من الشيطان ورحت نمت ووقته لساعه ٧ الصبح
وفكرت وكلت اني اوصل خواتي علمود اشوف حور
وبعدين كلت لا شبيك شيخ علي انت تركض وره وحده مامتربايه
ونمت ......
حور:كعدت ع صوت المنبه طفرت غسلت وجهي ورحت العب رياضه خفيفه لان نعسانه بعدني وبعدها رحت سبحت وسويت جاي وشربتلي جده بعدها ماكاعده لان الساعه ب6ونص بعد وكت كعدت اراجع دروسي عندي امتحان كيمياء وشلون احبه🧢
صارت الساعه ب7 وربع كمت سويت بيض وريكت جده
وكليتلي لكمتين ورحت بدلت ملابس المدرسه وطلعت
وجنت امشي ع كيف لان هاليوم ماادري طاقتي مو وياي مااعرف ليش .
شفت وماشفت زينب لان رحت لغير طريق ع طريق البيت المهجور ضليت صافنه بي وحسيت نفسي اتاخرت ع المدرسه
وركضت وشفت هذا نفسيته الي امس
جان بالادارة
مااهتميت لان طاقتي نافذه دخلت للمدرسه بكسل سلمت ع الحارس وهذا منتبهتله بس يباوع
ودخلت رحت للصف لكيت زينب وهم كالتلي وينج وليش وليش و......
اني كاعده بالرحله ومااحجي وامتحنت والحمدلله جاوبت
واخر درسين مادخلت للصف بقيت وره المدرسه
افكر بالبيت اريد اشوفه تحمست كلش اله
وصارت الحله
واني ركضت اول مافتح الباب الحارس ركضت
احس احد وراي ضليت امشي ع كيف علمود اعرف منو
سويت نفسي دخلت بدربونه واول مامر
ومااشوف الا......
ولهنا ينتهي البارت الثاني انشالله يعجبكم ولا تنسون تطوني رايكم
