انا عيوني تسولف عالغرام ويــاك
ومن عيوني اعرفك تفتهم قصدي
مااحب الوكت لو خلص بلـــــــياك
بالقرأن محد حبك بكـــــــــــــدي
واذا تنساني صدك اني ماانساك
لان غيرك محب بالدنيا ماعندي.
نكمل.....
اطيته الاوراق وضل صافن بيهن ومرة يعكد بحواجبه ومرة يباوعلي ومرة يفتح عيونه كل حيله ومرة يبتسم
اني كوة كاضه نفسي اريده يحجي ماكو اخر شي
علي:احم
حور:شكو
علي:ها
حور:شنو ها احجي من مساع صابرة عليك خلصني واحجي شكو
علي:ها يي هسه
ورجع ضل يباوع بيهن
حور:اكوووول ترى ماضل صبر عندي احجي شنو سالفتهن لا والله اخذهن وارجع
علي:اني كوة حاصر الضحكه شلون تعصب/اعصابك عيني لا يرتفع الضغط مو زين العصبيه الاستعجال المن خل افهم السالفه كلها واكلج
حور:نصبر ونشوف.......
مر يمكن عشر دقايق وهو بس يكلب بالاوراق ورقه ورى ورقه بحيث دخت من كد مايكلب بيهن
حور:هففففففففففف
علي:سلامات
حور:لا اسم الله عليك راسي شوي يوجعني(باستهزاء)
علي:تردين اجيبلج حبايه راس
حور:مشور بدال ماتخلص الوكت بالطريق خلصه ع الاوراق ترى راح يصير المغرب
علي:تمام .....اسمعي عرفت كل هالاوراق
حور:يي
علي:عرفت صدك انو جدج عنده ورث
حور:وهو
علي:عنده اربع مزارع وعنده فلوس ضامهن بوحده من ذنه المزارع وجان راد يكتبهن باسم ابوج وابوج جان يريد يكتبهن باسمج
حور:باسمي؟وليش مو باسم اخوي الجبير
علي:لان انتي البنيه الوحيده العنده
حور:زين وموقع المزارع وين
علي:مكتوب مواقعهن واذا تردين اوديج الهن
حور:والفلوس؟
علي:بالمزرعه الثالثه بس بعيده شوي
حور:يعني؟!
علي:يعني بالحله
حور:همممم
المهم مايوصلن لعمامي
علي:شرايج تاخذينهن وتامنينهن بالبنك
حور:المشكله مااحب سالفه الفلوس وكذا
علي:والحل
حور:راح ابيع ثلاث مزارع ومنهن الي بالحله واخلي القريبه الي واشتري بيت ع كدي واسوي مشروع خاص الي يعني رسم او ماشابه واصرف ع نفسي واعتمد ع نفسي وماالي شغل باي احد واهتم بدراستي والله كريم لباقي الايام ويمكن اسوي ثواب لاهلي او اي شي لروحهم مدري هذا الصار ابالي
