انا عيوني تسولف عالغرام ويّــاك
ومن عيوني أعرفك تفتهم قصدي
ما أحب الوكت لو خلص بلــيّاك
بالقرأن محد حبك بگـــــدي
وإذا تنساني صدگ آني ما آنساك
لأنْ غيرك محب بالدنيا ماعندي.
نكمل.....
علي:طبيت للبيت واختي ركضت لامي وشفت تمثيلها وسمعت جذبها دارت السالفه عليه
حصه:يمه تقبليها يدافع لوحده بت شوارع ومسترجله ويذب اللوم بيه يمه شوفي شسوت بيه وهو راحلها وسالها خاف بيها شي والجذابه سوت تمثيليه وسوت روحه انغمه عليها وخذاها للمستشفى واني ولا اهمه عود هو اخوي وسند ظهري فشلني جدام بنات المدرسه
وتبجي وتصرخ
اني اسمعها ومصدوم شلتها ركعتها بالكاع مبين الدلال اثر بيها واكيد من البنات التمشي وياهن وذبيتها بالغرفه وقفلت الباب استلمتني امي اهاين وتحقيق وهددتني اذا رجعت لحور لو حاجيتها تتبرة مني حاولت افهمها ماكو اي فايده وضلت تصيح هسه كلشي البينكم تلغي ورقمها تحذفه وياويلي ويلك اذا ماطلعتها من حياتنه فلا لساني يجي عليك
ماعرفت شجاوبها حظرت حور وحذفتها نهائيا جدامها وطلعت وكسرت الباب وراي رحت لمكاني الي ارتاح بي شسوي والله احبها مااكدر اعوفها يعني تحلفت لحصه حلفان والمفتاح عندي فما تكدر تطلع اتصلو عليه اخواني وامي مارديت اتصل عليه صديقي الوصيته ع سالفه حور طلع مكملهن دزيت الاوراق والفلوس بيد واحد يشتغل عندي ورجعت لمكاني وضليت لليل واني صافن وافكر ب١ بليل رجعت للبيت شفت كاسرين باب غرفه اختي مااهتميت رحت لغرفتي قفلت الباب ودخلت للحمام جوة الدوش ساعه كامله ضليت طلعت كبل للفراش لا نشفت روحي ولا بدلت لان احس طاقتي مو وياي نمت ع بطني وكبل غفيت كعدت ع صوت الاذان كمت بدلت وتوضيت وصليت وضليت ادعي كل الخير لحور ماكو عقلي احتوته حور ماتطلع ابد طلعت انتبهت امي جاي تقرة قرآن بستها براسها وطلعت جانت الساعه ب٥ وماماكل من امس رحت لمكاني وفتت ع مراسلاتي انا وحور قبل لا احظرها اباوع وابتسم اشتاقيتلها والله ومااذكر رقمها احتاريت صارت ب٧ رحت تريكت بالمطعم ورحت للديوان اجو اخواني سولفو وياي ارد بس ع كد السؤال مالي خلك اجاوب ضليت بالديوان احل المشاكل واني مشكلتي ماحالها اتصلو عليه اصدقائي علمود نطلع ماقبلت بس اصرو حتى اجو للديوان قبلت طلعنه ب٤ اول شي رحنه للشط وبعدين للمول تعشينه هناك كعدت ضلينه نسولف ويضحكون بيه بس انا مالي خلك احجي وضليت اكل ومن رفعت راسي شفتها والله شفتها ماوخرت عيني لدرجه اصدقائي انتبهولي هي ولا باوعت وانتبهتلها ماتاكل بس تحرك بالاكل صديقتها انتبهتلي تحاجيها ماترد عليها مبينه زعلانه والله حقها حاجيت اصدقائي نكوم ماقبلو انا كمت ورجعت رجعت للمكان اليتقبل الاحجي واطلع كلشي مااريد لا اترك حور ولا اضوج امي رجعت ب٩ مبين عليه التعب وباجر دوامي دخلت امي تلكتني بست راسها وصعدت لغرفتي وهي تصيح بس مارديت شفت حصه كبالي تتبوسم كسرتها تكسر دخلت للغرفه وقفلت الباب وشبعتها كتل فلشو الباب عليه بس مافتحت خليتها بدمها بالكاع طلعت كل تعبي بيها ورحت لغرفتي اول مافتحت الباب امي ضربتني راجدي رحت للحمام سبحت وقتت جهازي ونمت قبل لا انام اتصلت ع احد يشتغل وياي كلتله يراقب حور مااكدر اعوفها مدري سحرتني تسحر لان من باجر يبدي دوامي ونمت وطلعت الفجر واني طالع سمعت امي تدعي الي رحت بست راسها وطلعت تحاجيني ماارد رحت وطول الشهر تجيني اخبار حور ويجي يوم يكلي نخطفت امرته يروح وراهم ومن يندل يدزلي الموقع اني جنت بيها توه نازل من الدوام بعدني ماواصل للبيت تانيته ساعه ساعتين اتصل ماكو اخر شي رد كال مكدرت ارد عليك عفته صامت لان جانو قريبين صورهم بسكته ودز الصور شفت السيارة وعرفتهم عمامها قاسم كاضها والثاني جاي يسوق وهي كاعده ولا همها دزالي الموقع كبل رحتلها حتى مارحت للبيت
