𝑴𝒚 𝑬𝑵𝑬𝑴𝒀 [𝑱𝒊𝒌𝒐𝒐𝒌] ✔

1.

"ඔප්පා!!!"

එයාපෝට් එකෙන් එළියට ආව තරුණියක් කෑ ගැහුවේ දොරටුව අසළම හිටගෙන සිටි තරුණයෙක් වැළඳගනිමින්.

ඇයගේ තද දුඹුරු පැහැ කොණ්ඩය අල්ලාගෙන තිබුණ වූල් බෑන්ඩ් එක හෙමින් ගලවපු තරුණයා ,

"මේක මෙච්චර දික් වුනේ කොහොමද?"

කියා තාමත් ඔහුව වැළඳගෙන සිටිනා තරුණියව තමාගෙන් මදක් ඈත් කරමින් ඇසුවා.

"අයියෝ ඔයාට කීසැරයක් කිව්ව ද අනේ මගේ කොණ්ඩේ දැන් ගොඩාක් දිගයි කියලා."

තරුණයා අතින් වූල් බෑන්ඩ් එක උදුරලා අරගත් තරුණිය කලබලයෙන් කොණ්ඩය බැඳගත්තේ තරුණයාට කෑ ගැස්සෙද්දි.

"ඒයි! කොණ්ඩේ ගැළවිලා අතට එයි මෝඩියේ. කොණ්ඩෙට ආදරෙන් සලකනවා."

"හරි හරි කොණ්ඩේට සලකන්න පුළුවන් ඔයා මට හරියට සලකන්න ගත්තට පස්සේ."

තරුණිය පිටුපස තිබූ විශාල ලගේජ් ඇස්වලින් පෙන්වමින් කිව්වේ අත් දෙකත් බැඳගන්න ගමන්.

"ඕකේ ප්‍රින්සස්. රථයට නගින්න. ඔබේ සුවච කීකරු සේවකයා මේ ටික ඔක්කොම අරන් එනවා."

ඔහු පාරේ එහා පැත්තේ නවතා තිබූ කළු පැහැති කාරයක් පෙන්නවනවත් සමඟම තරුණිය ඒ දෙසට ඇවිදගෙන ගියා.

"ලියා! පාර බලලා පනිනවා!"

ලගේජ් සේරම කලබලයෙන් එකතු කරගත් තරුණයා තරුණිය දෙසට කලබලයෙන් දුවමින් කිව්වා. ඒ වෙනකොටත් තරුණිය වාහනය අසළට ගොස් අවසන්.

වාහනයේ අගුළු දමා නොතිබුණු නිසා ඇය ඉදිරිපස ආසනයේ හිඳගෙන ආසන පටි තද කරගෙන බලා සිටියේ තනිවම බර බෑග් අතේ කරේ එල්ලාගෙන එන තම සහෝදරයා දිහා.

ඔහු ඔවුන්ගේ ඕස්ට්‍රේලියාවේ ගෙදරින් පිටවෙද්දි විසිඑක් හැවිරිදි තරුණයෙක්. ඉන්පසු ඔහු විටින් විට පවුලේ අය බැලීමට ආවත් ඒ ආව පරක්කුවට නැවතත් පිටත් වීම නිසා ලියා හෙවත් ලියානාට තම සොහොයුරා හා වැඩි කාලයක් එකට ගත කිරීමට අවස්ථාවක් ලැබුණේ නෑ.

ඇයට කොලේජ් යන්නට පෙර ලැබුණු සමර් හොලිඩේස්වලින් මුල් භාගය සහෝදරයා එක්ක ගත කරන්න ඇය බලාපොරොත්තු වුනා.