بلاي ي جابر بعناد روس الرجال

البارت الثاني

عند الحريم كانو الامهات موجودات والبنات بالمطبخ يسوون العشاء علشان ضيفهم روابي : يالله والله تعب ليه كلنا ب المطبخ  وحنا كثار
ام خالد : علشان الضيف
وعد : يخاله الضيف واحد بس ليه كلنا ثنيتن يسونه مو كلنا حتى اكسجين مافيه
روابي : اي المفروض الامهات العزيزات يضبطون العشاء وحنا نروح نرتاح تعبنا والله
ام جابر : احلفي مابقى الا حنا نخدمك بعد وبعدين الضيف اخوك وخالد الي عازمينه عندك شي تفاهمي معهم
وعد : وصلنا خير يعني المفروض خواتهم يسون العشاء يعني روابي والمها وسلمى وحلا وجود ولا انا غلطانه
سلمى : احلفي احلفي بس
المها : بعد ترا حتى نايف خويهم ولا نسيتي
روابي : لازم نذكرها كل شوي
وعد جلست على الكرسي وقالت بحزن : تبون الصدق اني فاقدتهم البيت ماله حس امي متوفيه زي متعرفون وأبوي بالمستشفى اغلب الوقت واذا رجع تعبان يبي ينام لما كانو موجودين يملون البيت صوت 
الكل ضاق صدره عليها حيل وهي فعلاً البيت الحين فضى فيها جت ام خالد عندها وهي تضمها وقالت لها تحاول انها تفرحها شوي لان دمعوعها بدت تنزل : وش رايكم ترجعون اليله معنا وتنامون عندي بلبيت منها تغيرون جو ومنها نرجع ذكرا الماضي وانا اخلي خالد ينام برا بالمشب وش قلتو ؟
ام جابر : تم
وعد بصوت حزين : ابوي ماراح يرضى
البنات : حنا نقنعه
وعد : والله مايقتنع اعرف ابوي زين
روابي : ماعليك نحاول
وعد : جربو
ام خالد : روحو اجلسو حنا نكمل
روابي : يلا اجل ي بنات امشو نفرش ب الحوش
البنات : يلا
.....................
عند البنات ب الحوش سلمى والمها وجود وحلا يجيبون حلا وقهوه وفرشه  وبقت روابي ووعد
روابي : ليضيق صدرك ولا شي انشاء الله يقتنع عمي ونتونس ونسهر
وعد : روابي انا ماقدرت اقول شي كثير هناك مابي اضيق خلقهم ابد امي الحين لها 5 سنين متوفيه واخواني لهم ثلاث سنين مسافرين يجون بلعطله شوي ويرجعون ونايف يبقى عندي الحين مافيه احد حتى نايف راح انتي متخيله البيت كان صوت ووناسه وضحك ونسهر وكنا مبسوطين الحين مافيه احد مافي صوت ولا شي انا اغلب الوقت لحالي صرت احاول افضي وقتي بلدروس بس حتى ذا يخلص بسرعه وابوي له ثلاث اسابيع مضغوط من الشغل تعبت من الوحده .......
بدت تبكي وتضم روابي وهي تبكي بعد فتره هدت ومسحت دموعها وفرشو بالحوش وجو البنات وبدت السوالف وكانو مبسوطين بس وعد كانت تمثل انها مبسوطه وعد نادراً ماتبكي وهاذ وحده من المرات الي بكت فيها بحرقه من الوحده الي طفشت منها حيلل
......................
عند الرجال
كانت السوالف والضحك بين الكل وابو صقر  بذات الي له فتره ضايق من الشغل والحوسه وكان مستمتع بسوالف والضحك بين السوالف والضحك قام خالد للحوش يدور ورقه طاحت منه لاكن وهو يمشي يدور الورقه شاف روابي بس كانت معطته ضهرها والي شافها زين وعد وسمع كل شي ب الحرف الواحد وضاق صدره حيل عليها وعلى الي سمعه ورجع للرجال وهو نسى اصلاً سالفت الورقه جلس بهدوء غريب عليه جابر : لقيت الورقه ؟
خالد : اا... لا لا مالقيتها
جابر : وش فيك
خالد  : ولا شي بس صدعت شوي
جابر ماقتنع بس حس انه لازم يقفل الموضوع وقال : طيب الا ماودك تقول لنا شي نسمعه
ابو صقر : اي ي خالد نبي نسمع
فيصل ابو خالد : يلا قل خلنا نشوف انت طالع على ابوي قبل ولا لا
خالد كان ضايق صدره حيل حيل عليها بس مصدوم هو متاكده انها جميله بس متوقع بعد ماكبرت صارت احلا بكثيرر فقال بيتين يحاول يوصف فيهن جمالها
وقال :
مثل القمر وجهكِ مع الليل وضاح
سبحان من صوّر جمالك وتممه.
الكل : الله الله .... صح لسانك .... عاش شاعرنا
جابر : خالد طلبتك شعر ثاني
خالد : ابشر وفكر شوي وبعدين قال
'كفي عن البكاء يا نجمتي عيناك الجميلتين لم تُخلق للبكاء ولحُزن،
افيقي يا ربة الحُسن!
لاحُزناً يليق بكِ'
جابر : عاش عاش الشاعر
جت سعاد : السلام عليكم
الكل : وعليكم السلام
وقامو يسلمون وبعدها دخلن ساره وجواهر وهم متغطيات وسلمو على خوالهم وجدهم وطلعو داخل عند الحريم
وبعد ربع ساعه جاء خلف وابوه عمه  وبدو سوالف وضحك 
....................
اما عند الحريم
كانو بالحوش على بعيد عن قسم الرجال البنات بجيها والحريم الكبار بجيها
عند البنات
جواهر وهي تحاول تغثهم قالت بدلع يغث  : يالله يوم دخلت عند الرجال انحرجت من عيال خوالي احس كلهم يناظروني استحيت حيل
سلمى : والله اخوي مايناظر وحده مي من محارمه ف ماله داعي تسوين حالك مستحيه
روابي : واخوي ابد ميناظرك تطمني هو من قبل لتغطين ميناظر فيك تبين الحين يشوفك
وعد : الحمدالله اخواني مو موجدين علشان ليشوفون منضر يغث العيون ( قصدها ان جواهر تلبس عبايه ملونه حيل او بلاصح مابها اسود وضيقه وقصيره ونقاب واسع ومكياج وحوسه وذا عندهم عيب  ومع ذا كله مو مخلي عيونها وشكلها بالعبايه حلو بلعكس مشينها )
جواهر بدلع : وش فيكم يعني غيرانين مني وبعدين سلمى ترا اخوك هو الي ماشال عينه عني لين طلعت هاذا الي خلاني استحي ولا روابي ووعد اخوانكم يفشلون لو طالعو فيني قلت بسم الله على نفسي ليكون شكلي فيه شي غلط
جود : يعع يعع تكفين مو لايق تسوين حالك كيوت تراك تفشلين وبعدين اخوي لاتفكرين فيه فاهمه حرام شاعر وحلو واخلاق وكل صفه زينه فيه ياخذ وحده زيك وتصيرين حماتي بعد لا يعع بسم الله علينا
وعد بغيره على خالد: وبعدين انتي شايف شكلك سوال تخيل تخيل بس تتزوجين خالد او اخوي او جابر عايلتنا زينه مانبي احد يلوثها مثلك فاهمه
روابي : لو اي وحده عندها كرامه كان قامت من عندنا على التفشيل الي جاها بس انتي الضاهر مافيه كرامه ابد
جواهر : طيب طيب شوفن من يضحك اخر شي وبعدين الشرهه مو عليكم ابد الشرهه على اختي قاعده وساكت بس ابوي بيعرف يتصرف معك بلبيت وتشوفين
المها : لا تهددين احد عندنا عاد من بيسمع لك يع
مشت جواهر وظلو البنات مغتثات منها وساره خايفه من ابوها حيل
سلمى : معليكم منها عبالها قهرتنا
روابي : هي تبي تغث نجد بس وربي انك كفو ماسكتي لها
وعد بتردد : صدق خالد شاعر !
سلمى : اي وشعره كله عن الحب بعد
روابي : انتي حافضه شي من الشعر حقه قوليه لنا
سلمى : حافضه بس وحده الباقي ماحفظتهن
وعد : قولي
سلمى : طيب .... يقول خالد
" ما جيت احبك حب مثل المحبين
جيتك غلاا باحساس قلبي يوده
اهديك روحي بلغلا محجر العين
ابني غلاگ قصر محدن يهده "
خالد ماقال اسم وعد عند خواته علشان لايشكون اما وعد قلبها بدا يدق بسرعه بسرعه خوف وحب خايفه انه يحب غيرها وبنفس الوقت حست ان في شي لامس قلبها ناضرت روابي الي فهمت وعد وش تبيها تقول وقالت لسلمى
روابي بشك : يصير اسألك سوال
سلمى : اسألي
روابي بتردد : خالد يحب
سلمى : لما يقول الشعر يقوله باحساس يعني تقولين انه يحب ومرات يسرح لاكن انه قال شي لا
بعد الكلام ذا وعد توترت وخافت انه يحب غيرها وزاد توترها وخوفها كثيرر وجت المها وقالت : بنات تعالو تعشن خلصوا الرجال
وقامو كلهم يتعشون بس وعد الي طلعت برا للحوش تفكر بخالد وقالت بصوت شوي عالي معقوله ي خالد تحب جواهر مستحيل طيب معقوله يحب غيرها اظاهر ي وعد بعد الشطور الي اليوم طلع الي تحبينه من ونتي صغيره  يحب غيرك
خالد كان يمشي بالحوش ولما شاف وعد اندس ( تخبأ )
وسمع كل شي  وقال بصوت تسمعه من ورا الشجره : لا وانتي الصادقه طلع غرقان بحبك انتي وكل قصايده ماكتبها الا لك
وعد خافت وجت بتدخل قبل يجي احد بس وقفها لما قال سمعتك اليوم بلغط لما كنتي تبكين عند روابي واسمعي الي الشطر زين تراه لك :                                      " وزعي عمري لك اخوان وقرايب ، بس لاتشكين من كلمت وحيده "
وعد الي لا شعورياً بكت فرح وقالت بصوت شبه يرجف وهاذي اول مره تصير معها انها الخوف والفرح والحزن كله بوقت واحد وهي ماتدري كيف جابت الجرأه وقالت : يعني انت ماتحب ؟
خالد ببتسامه : لا احب حب من الطفوله بعد حب لوعد عمري وبس و مستحييلل احب غيرها دخلت وعد بسرعه وهي فرحانه وتبكي
اسرعت لحمام تغسل وجها بمي بارد علشان تستوعب
طلعت مسرعه لروابي وقالت لها كل شي بفرح وروابي مصدومه وفرحانه وخالد نفس الشي قال لجابر الي فرح له حيللل انه قدر يعرف اذا وعد تحبه او لا
وانتهى اطول يوم مر عليهم وطبعاً ابو صقر رفض ووعد ماصرت لانها تحس اليوم بذات ودها تقعد لحالها وتفكر  زين بلكلام الي صار بينها وبين خالد
......................................
وثاني يوم كان يوم الخميس الكل مجتمع عند الجد
عند الحريم
كانو نفس اي جلسه عاديه حش ووناسه بسس كانت الهوشه دايمه بينهم وبين جواهر الي انقهرت منهم
......................................