بلاي ي جابر بعناد روس الرجال

بارت 22

وصلو البيت وتغدو
البنات كانو يتقهون بالغرفه والشياب حريم ورجال يشربون شاي بالمقلط اما العيال جالسين بشبة النار بالحوش
عند البنات
جود : يعني شهد تقرب لكن
نوف ابتسمت : بنت عمي دايم اسولف لكم عنها ؟
روابي : بس ماتوقعنا نفسها صديقتنا تصير بنت عمكن بس وناسه والله لو عزمنها ممكن تقدر تجي دام بنات عمها من الديره
ترف : لما كنا عندهم قلت لها تجي وقالت بتشوف عبدالله ولا سلطان اذا جو تجي معهم وترجع معهم
روايي : دقيقه انا اتصل عليها
روابي اخذت جوالها واتصلت على شهد وحطت سبيكر
شهد بضحك : مسرع اشتقتي لي ؟
روابي : عمى يعني انا مشتاق لتس يالكلبه
شهد ضحكت : امزح معتس وش اخبارتس خلصتي مذاكره لختبار
روابي كشرت : تمام اما المذاكره لتذكريني الناس بعد اسبوع تختبر وحنا الحين المهم يحيوانه ليه ماقلتي لي انك بنت عن تروف ونوف ؟
شهد : توني ادري انتس تعرفينهم اصلاً
روابي : دام طلع اهلنا يعرفون بعض ليه ماتجين الديره تسيرين علينا ؟
شهد : ماتوقع ابوي يرضى
نوف : اقوله انا !
شهد : اي نونا قولي له
نوف : ابشري بتصل عليه اقول له
شهد : كفو بنت عمي
نوف : كفوك حبيبتي
سُلاف : شهد اذا جيتي بيشهد التاريخ اني ماناحي ( تحارش ) احد لين تروحين
ساره : تعااااللليي خليها تريحنا شوي
شهد : ههههههههههههههه بحاول والله ونوف بتقول لبوي بعد هو مايرفض لها طلب
سُلاف : ان شاءالله يوافق احس ودي اقعد معتس بدون وجيه الاستاذات
شهد : يعع لتجيبين الطاري يلا عاد انا بقفل مع السلامه
البنات : مع السلامه
وعد قامت : انا بروح اسوي لي عصير مو مشتهيه قهوه بس العيال كلهم برا صح ؟
المها : اي بالحوش ماتوقع يجون داخل البيت بس البسي عباتك ونقابك احتياط
وعد : طيب . وراحت .
جود وصلتها رساله ( خلف جاب لها جوال ) : الحين اجي
راحت وشافت خلف واقف
جود : هلا
خلف بضحك : وين اختفيتي من نجي عند اهلتس ماشوفتس شكلي بزعل واخذك نهاجر وماتختفين
جود ضحكت : رح سافر انت لحالك خروج بلا عوده
خلف عقد حواجبه بضحك : اهون ؟
جود ابتسمت : اا تأخرت على البنات
خلف : انحاشي انحاشي اوريتس طلع اهون عليك اسافر خروج بلا عوده
جود من بعيد : يعني معترف انك بنقالي  هههههههه . وانحاشت .
خلف راح وهو يضحك على خبالها
عند وعد
دخلت المطبخ وهي تطلع اغراض العصير
خالد دخل المطبخ وهو عباله البنات كلهم فوق وكان يبي امه : يمهه
وقف متصنم لما شاف وعد وعرفها من عيونها وزولها بالعبايه
خالد بهدوء عكس الاعصار الي داخله : وعد ؟ صادفتتس مع انتس تتصددين وماتجلسين بالمكان الي انا به
وعد جت بتطلع وقفها صوت خالد : ليه كل الصد فهميني ؟؟ للحين مصدقه اني قتلت ابوتس ! ولا وش ؟
وعد بغصه : مافي شي خلاص الله يوفقك بحياتك انساني
خالد بصدمه : شقدتس ؟!
وعد : بتعرف بعد فتره الشي الي سويته وانا بلحضة ضعف وتعرف ليه قلت الكلام ذا قبل لطلع . نزلت دموعها غصب . سامحني على كل شي بذر مني واني كذبتك اسفه الله يوفقك بحياتك . بشهقه . انساني يخالد
وطلعت ركض قبل تسمع اي شي وخالد ضل واقف يحاول يسترعب الي صار والي قالته وعد بس مو قادر يفهم ايش تقصد
عند العيال
خالد كان جالس بهدوء وخوف وتوتر من الي تقصده وعد
جابر : يازين شبة النار زينااااه
خلف قعد يدق بالعود ووقف : مين يغني لنا ؟
العيال كلهم اشرو على خالد
خالد : خير وانتم ؟
صقر مشتاقين لصوتك بعدين غاده ماسمعته سمعه بنتي يلا
خالد اخذ غاده من حضن صقر وقال : عشان غاده بس انا بختار ومو من بداية الاغنيه لقطه محدده ؟
العيال : تم
خالد تنحنح :
صدمتي مابيني وبيني كيف لي بالوقت انساها ..
لو اكفنه وسط كفيني فقدته وشلون بقواها ..
اتذكر يومه يجيني وضحكته ولا محياهاا ..
واتذكر كيف يغليني ودمعتي بالضيق مقسااها ..
خلص الاغنيه وترددت كلام وعد الاخير ( انساني خالد ) قام عنهم مسرع وهو مو قادر يمسك نفسه اكثر كان عباله لما صارت سالفة ابو صقر انها صدمه او فتره وبتعدي ويرجع كل شي مثل اول واحسن لاكن الحين حس ان كل شي انتهى خلاص كل شي وقف بوجهه ركب سيارته وحط راسه على الدركسون وسمح لدموعه تنزل بصمت
عند العيال قام جابر وهو الوحيد الي كان يعرف ان وعد مصدقه بخالد من اليعال ( سياف - خلف - سالم ) حس بشي غريب لما سمع كلمات الاغنيه من خالد ولما عطا صقر غاده وطلع بسرعه لحقه وهو يتلفت
جابر : ذي سيارته وين اختفى ؟
راح قريب السياره وشاف خالد حاط راسه على الدركسون خاف عليه وفك الباب وقال بخوف : خااادد
خالد : هم
جابر : شفيك تعبان متضايق بك شي ؟؟؟؟
خالد رجع على كرسي السياره : مابي شي بجلس لحالي
جابر مانت بجالس لحالك ويلا انزل اجلس بالجهه الثانيه بوديك المستشفى
خالد مكان له خلق يناقش نزل وجلس بالجهه الثانيه بهودء
وجابر اخذه المستشفى نزل خالد ودخلو على الدكتور
الدكتور : مافي شي بس ارتفعت حرارته شوي وبيكون احسن وهاذي علاجات اصرفوها من الصيدليه متشوف شر
خالد قام وهو ساكت
جابر : مشكور يدكتور الشر مايجيك. اخذ الورقه وراح ياخذ العلاجات
بسياره
جابر : مانت قايل وش بك
خالد : بي من الهموم تكفي قبيله وبي من ضيق مايعلم به الا الله
جابر بقلق : تكلم فضفض ليه توك مابك شي ليه قمت ورجعت متغير ؟
خالد بغصه : قالت لي انساني يخالد قالت لي سامحني على كل شي والله مابي منها تعتذر بس ليه تقتل حبي لها ليه تقطع قلبي ليييههه
جابر انصدم معقوله وعد تسوي كذا بخالد وليه وش سوا هو كان عارف الشعور ذا زين عارف الخذلان من اقرب الناس ماكانت في كلمه يقدر يواسي بها خالد غير انه حضنه وسكت
خالد : ابي اروح للمستشفى
جابر : ليه في شي يوجعك مرا ثاينه ؟
خالد : بروح لعمي تركي
جابر : الحين اوديك
خالد : مايحتاج بروح لحالي
جابر : الي يريحك
نزل البيت وخالد راح المستشفى
دخل وكانو كلهم مجتمعين بالمقلط ماعدا سياف وخلف واهلهم الي رجعو بيتهم
جابر بهدوء : السلام عليكم
الكل رد السلام
ام خالد : خالد وين يولدي ماكان معك ؟
جابر : تعب شوي ووديته المستشفى دخل الدونيه ينام ( قال لهم انه تعبان عشان محد يشك بشي لو خالد كان ماضايق سرحان ماله خلق عصب او اي شي من ذا وقال انه نايم عشان مايخافون عليه )
وعد حست بخوف وندم وانها هي السبب اذا كان تعبان
ام خالد : بروح اشوفه
جابر لف لسالم يبيه يتكلم عشان امه متروح
سالم فهم ان خالد به شي من وجه جابر : انا بروح له يمه انتي ارتاحي بكرا يقعد وتطمني عليه
ام خالد : طمني عليه واذا قاعد قلي اجي له او حرارته منرتفعه اخوك ماعنده مناعه يتعب بسرعه
سالم : ابشري
وراح ولحقه جابر
جابر : مو موجود لتعب حالك
سالم لف عليه : وينننه
جابر : ماعلينا وينه لترح لانك مابتلقاه . ولف بيروح بس سحبه سالم بقوه .
سالم : لتجنننيي وينهه اخوي اخلص جابررر
جابر بضيق : ماراح اقول لك انتضر واذا بتعرف بتعرف منه
سالم : منت قايل انا رايح اقول لبوي والعيال ( يكذب ) وندوره
جابر مسكه : لحضههه طيب بقول لك
قال له جابر كل شي
وسالم حس بضيق على حال اخوه تنهد وقال : خله عند عمي بالمستشفى احسن يمكن وده يفضفض له حتى لو مايسمعه
جابر : هاذا الي بيصير وين سياف وخلف ؟
سالم : راحو لبيوتهم
جابر بستغراب : ليه تو الناس كنا نبي نسهر معهم ؟
سالم : سُلاف عندها اختبار ومايقدر يخليها سياف لحالها بالبيت وخلف عنده شغل لطلابه
جابر : اها يلا انا بضل بدوانيه عشان ماحد يجي قل لهم حرارته خفت وبيطيب
راح سالم يقول لهم
بالمستشفى
خالد: قلت لك اني بخطبها وانت وافقت ليه الحين هي ماتبيني ؟ ليه انا وش سويت لها ؟ والله يعمي احبها مابيها تروح مني ( بغصه ) متى تقوم لنا واقول لهم اني خطبتها منك وانها لي وانت تأكد لهم متى تعبت وانا انتضرك تقوم من 6 شهور مي بشوي يعمي مي بشووويي والله بس بنتك انهت كل شي بكلمتين ( انساني خالد ) ليه وش السبب اذا حتى موضوع الي سوا بك كذا انكشفت الحقيقه وطلعت بريئ ( تنهد بقوه )  اههخخ بس
لف خالد على حركة بيد عمه وصوت الاجهزه طلع بسرعه ينادي الدكاتره والممرضين دخلو عند ابو صقر وخالد برا مصدوم خايف صار بعمه شي او بالأصح مـات بعد دقايق طلع له الدكتور مبتسم
خالد بخوف : صار به شيي
الدكتور: لا الحمدالله هاذي بشارة خير ان حالته بدت تتحسن وفي احتمال كبير يقوم بسلامه وبنسوي كل الي علينا علشان الدكتور تركي يقوم بسلامه
خالد ابتسم بفرحه من الفرحه ماعرف شيسوي غير انه حضن الدكتور بدون شعور وهو فرحان يعني في احتمال يقوم بسلامه
اخذ جواله واتصل على جابر
جابر : هلا
خالد كان ناضح من صوته انه يضحك : ابشررركك
جابر حس بفرحه من فرحة خالد حتى لو فرحته غريبه بالوقت ذا وقال : بشر ؟
خالد قال لجابر من لما تحرك تركي لين بشره الدكتور ان حالة تركي تحسنة وفي احتال يقعد من الغيبوبه
جابر فز : احلللففف
خالد : والله لتقول لحد ببشرهم انا
جابر : طيب . اجيك ؟ مامعك سياره
خالد : لا ركبت مع سواق
جابر : يلا ننتضرك
السواق : بابا هاذا ديره بعيد انا مافي يقدر هنا في شُغل كثير
خالد : وصلني وبعطيك حق اربع مشاوير ؟
السواق : بس مافي يكذب ؟
خالد : مافي يكذب بس وصلني اخلص
عند وعد كانت بحزن وهي خايفه على خالد بس ماتبيه ينصدم لما يعرف وقبلها بيومين صقر قال لها ان حمد ( الي تقدم لها ) حدد الملكه بعد شهر والعرس شهرين وقتها انربط لسان وعد ماعرفت وش تقول تقول غيرت رايي او ايش سكتت
دخل خالد
الجد : قعدت ؟
خالد فهم ان جابر قال لهم انه نايم وقال اي . قرر يسكت شوي وبعدين يقول لهم
ابو خالد : وش بك يبه في شي بتقوله صح ؟
خالد : ماكنت نايم رحت لعمي بالمستشفى
الكل عدل جلسته بخوف
خالد : حرك يده ويقول الدكتور حالته قاعده تتحسن وإن شالله في احتمال كبير يقوم بالسلامة
فجأه امتلا المكان بصرخه بنفس الوقت من البنات وعد حضنت صقر من الفرحه ورغد حضنت نايف والجد الي نزلت دموعه ان في امل يرجع ولده وكان كلهم فرحانين لمجرد انه في امل ان ابو صقر يقعد نسو همومهم نسو كل شي وركزو على ابو صقر وبعد الخبر ذا الخبر بنص ساعه اعلن الجد موعد النوم وقامو كلهم ينامون
عند غرفة صقر والمها
صقر وبحضنه بنته يناضر فيها بطيف ابتسامه
المها : عطني غدو انومها
صقر : ياربي احس رجع لي الامل ان ابوي بيقوم من الغيبوبه ويرجع لنا بصحته وبيشوف بنتي وبيقعد بينا مثل اول
المها ابتسمت وهي ماتدري وش تقول : الله يقومه بالسلامة يارب
صقر : يارب
غاده بدت تبكي واخذتها المها تنومها
وبكذا انتهى يومهم بتعب وفرح وحزن باشياء كثير تجمعت عليهم ونام الكل الا خالد الي ماذاق النوم وهو خايف ان وعد صدق خلاص ماتبيه خايف من الشي الي تقول سوته بلحضة ضعف
صباح ثاني يوم الساعه 6:00
بعد مارجع الكل من الصلاه وقعدو يتقهوون على ما يخلص الفطور
البنات كانو يسون الفطور
العيال والشياب الكبار قاعدين يتقهوون
وعد دخلت عندهم : صقر نايف تعالو
صقر ونايف قامو معها : هلا
وعد : بروح للمستشفى
صقر بخوف: تعبانه ؟
نايف حط يده على جبهتها : عليتس حراره ؟
وعد : لا لا مافي شي بس بشوف ابوي
صقر : على الخشم بعد الفطور دام اليوم السبت ولا عندتس دراسه اخذتس له
نايف : خوفتني عليتس عبالي تعبانه
وعد ابتسمت : ماعرفت نفسي والله تخافون علي
نايف : لا من انتي ؟
وعد دفته : حيوان
صقر : وين المها ؟
وعد : تشتغل مع البنات
صقر : اجل اسمعي وعد ترا اليوم بقول لعمامي ان حمد حدد موعد الملكه قلت لهم انه خطبتس بس امس اتصل وحدد الموعد بعد شهر بضبط
وعد تغير لون وجهها وحست بخنقه كانت تبي تقول مابي ارفضوه اي شي بس ماقدرت لان لو رفضت ببسألونها ليه وهي ماعندها سبب غير خالد ومستحيل تقول لهم اكيد
وعد : بروح اشوف البنات
راحت
نايف : احسها ماتبي ؟
صقر : قلنا لها وخليناها تاخذ وقتها بتفكير ولو ماتبي جت قالت لنا بس مدري يمكن استحت ؟
نايف : يمكن المهم امش يلا ليسحبون علينا
وبعد الفطور راحو صقر ونايف ورغد ووعد لبوهم
اول مادخلو المستشفى شافو الممرضه تبي تدخل عند ابو صقر
وقفها صقر : صاير شي
الممرضه باستعجال: الحين يطلع الدكتور ويقول لكم يايرت ماتدخلون
وعد بخوف : صقر ابوي شفيهه ؟؟؟
صقر كان بحكم وضيفته يدري انهم مايسوون كذا الا بحالتين تحسن او تدهور : مدري خلينا ننتضر
رغد حضنت نايف وهي خايفه
بعد دقايق طلع الدكتور وهو مبتسم
صقر : وش صار يدكتور ؟؟؟
الدكتور : ابشركم الدكتور تركي قعد ويحتاج الحين 24 ساعه تحت الملاحضه الحين
صقرصار يضحك من الفرحه : مشكوررر. يدكتورر الله يوفقك كثر مافرحتنا بالخبر
الدكتور : امين يارب وهاذا شغلي مايحتاج تشكرني يدكتوتر صقر
نايف اتكى على الجدار وحط يده على راسه بفرحه وكذالك وعد ورغد الي جلسن وهن يستوعبن الخبر ولجأه صرخت وعد بخفه لما استوعبت
صقر : امشو امشو خلونا نبشرهم

تابع البارت الجاي ...