بلاي ي جابر بعناد روس الرجال

بارت 23

رجعو البيت وبشرو الكل وغمرت الفرحه الكل والدموع الي تحولت من حزن لفرح
روابي حضنت وعد : قلت لك خلي املتس بالله قوي شوفي هاذا ابوك قام بسلامه
وعد ابتسمت من بين دموعها : ونعم بالله .. مو مصدقه للحين اني بشوف ابوي مرا ثانيه بينا اذا زعلت يراضيني واذا خفت احتمي به
روابي : يلا بكرا نشوفه ان شاءالله
الجد بفرحه : صقر الحين هو صحى صحى ؟ يعني بيشوفنا ويتكلم معنا ونقدر نروح له الحين ونشوفه
صقر : اي جدي صحى وعلى كلام الدكتور مافي تأثير سلبي يعني مايتكلم او يشوف او يتحرك لسمح الله بيرجع مثل قبل لاكن 24 ساعه يضل تحت الملاحضه مانقدر نشوفه لبكرا
الجد : على الخبر الحلو ذا اليوم ماباخذكم معاي للمحلات بترتاحون لا دوام ولا محلات
العيال صفقو وهم يضحكون
وامتلا البيت اصوات الضحكات من كل قلبهم ضحكاتهم الي صارت نادره من الاحداث الاخيره رجعت
ابو جابر قام : يلا يبه يلا فيصل الشغل ينادي
وقامو الجد وابو جابر وابو خالد للمحلات
وام خالد وام ساره وام جابر وام خلف بتقهون وبقو البنات والعيال
نايف : شرايكم على الخبر ذا نطلع ؟
سالم : ذي الاخبار السنعه والله
خلف : وانا عازمكم
جابر : اجل يلا الكل يروح يجهز عشان نروح دام الي عازمنا خلف
روابي : عزالله مايبي يدفع
جابر : روابي انتي ماترتاحين الا لما تناحين ؟
روابي : صح عليك المهممم صح تذكرت امس قعدنا واستشرنا وقررنا كذالك والان سوف نصدر القرار انا والبنات
العيال تكتفو وناضرو البنات
سُلاف : عزمنا شهد وقالت مو اكيد تجي لان ابوها ماراح يرضى
سياف : اي ؟
سُلاف : نوف بتكلم عمها محمد وراح تقول له يجون عندنا
روابي : بس شهد قالت مراح يجي لان عنده شغل
خالد : اخلصو المطلوب ؟
نوف : المطلوب اني بعزمهم هنا ولما يقول انه مايقدر هو يجي بقول له شهد تجي مع واحد من اخوانها يعني بنعزمهم عليكم بعد وانتم اقنعو اخوانها ؟
خالد : مقررين وخالصين بعد
خلف : عمي ماراح يوافق يجي وعبدالله كذالك ماراح يجي مالكن الا سلطان
نوف : بقول لعمي وانت اقنع سلطان تكفى خلف نبي شهود تجي
خلف لف للعيال : تبون سلطان يجي ؟
خالد : اي عادي
العيال : اعزمه
خلف : طيب ومتى تبون اعزمه ؟
روابي : الاسبوع الجاي الاربعاء
الكل : تم
صقر سحب وعد له : اسمعو دام الاخبار الحلوه بدت بكرا بقول لكم خبر حلو عن وعد بعد ماقوله لبوي
خالد انخطف لونه لما تذكر كلام وعد له
سياف : وش قل لنا الحين
صقر : لا بكرا
سالم صفق عشان يناضرون له : اعد الثلاثه القاكم برا الي بيروح بسرررعه
ماخلص كلامه الا الكل اختفى
وعد جت بتركب : ابعدو
سلمى : روحي بسياره الثانيه
وعد : مافي مكان
سلمى : هنا راكبين اربعه وين تجلسين بحضني ؟
وعد : اووه عاد بروح اشوف مع من اركب
سلمى : عشان ماتتأخرين مرا ثانيه اعرفي العقاب
وعد : ي كلبه اوريتس
سالم : وعد لحضه . طوط لخالد .
خالد قرب سيارته من سيارة سالم : ها
سالم : السيارات الباقيه مليانه
خالد : اي ليه ؟
سالم : من بيروح معاك ؟
خالد : لحالي
سالم : وعد مالها مكان بكل السيارات بلشنا
خالد بهدوء : تعالي معاي
وعد بتوتر : ا ا لا خلاص مابي اروح
خالد : قلت تعالي اركبي
وعد : مابي
خالد : وعد اركبي
وعد ركبت السياره
كان الترتيب كتالي
" سيارة سالم سالم يسوق وجنبه ساره ورا سُلاف روابي ترف المها
سيارة خلف خلف يسوق وجنبه جود ورا حلا سلمى نوف رغد
سيارة نايف نايف يسوق وجنبه جابر ورا سياف وصقر
سيارة خالد ومعه وعد "
بسيارة خالد شغل اغنية ( لعبد المجيد )
قل شي لتسكت وانا ساكت معاك
لتنتهي الدنيا وحنا ساكتين
ابختنق لو ماتسولف واسمعك
خالد كان قاصد الاغنيه ويبي وعد تفهم من كلمات الاغنيه كان يبيها تتكلم حتى لو ماتقول له وش الشي الي سوته بس تقول ايشي ترجع مثل وعد الي يعرفها الي تسولف وتضحك وتناحيهم مو الحين الهدوء الي دخلت به من الحادثه الي صارت
وعد فهمت الكلمات لاكن ضلت ساكته ماتبي تتكلم وتتعلق بامال بنتها قبل وانهدمت الحين
سيارة نايف مشغلين محمد عبده
جابر اخذ الجوال وغير وحط لراشد ( تحدوه البشر ) : احلا من اغانيكم والله
صقر : لاا غير
سياف : حطو عبد المجيد
نايف : رجعو محمد
جابر : اسكت انت وياه اقول وخلو الاغنيه بس
سكتوعلى كلمت الاغنيه ( ابيك ومأبيهم ابيك ومأبيهم )
جابر : اي بالله يخالدد ابيك ومأبيهم محد مثل جوي غير خلود
نايف : خلود بعد هين اعلمه
جابر : علمه يدري اني اقول له خلود انـقهر
وبدت محارش بير نايف وجابر وبعدين سكتويسمعون الاغنيه
بسيارة خلف مشغلين لـ سلطان المرشد ( يهب البرد )
سيارة سالم مشغلين لـ سلطان المرشد ( فزت بك )
وبكذا وصلو الحديقه وحطو الفرشه والقهوه والحلا ىجلسو يتقهوون ويسولفون وانضم لهم شهد وسلطان وعبدالله وعلى المغرب رجعو للديوه
وسلطان وعبدالله وشهد لبيتهم
وانتهى يومهم
صباح ثاني يوم الصبح بعد الصلاه
حطو الفطور وافطرو وبعدين توجهو للمستشفى
وعد دخلت عند ابوها اول وحده حضنته وهي تبكي وبين شهقاتها الي قطعت قلب الكل : يبه الحمدالله الحمدالله رجعت لنا
ابو صقر شد عليها : وعد حبيبتي لتبكين خلاص هاذا انا قدامتس
وعد لاتزال منهاره تبكي وابعدت عشان يسلمون الباقي
رغد حضنته بنهيار ودموع وشهقات كذالك وتردد كلمة : الحمدالله يارب
ابو صقر : الحمدالله يبنتي هاذا انا قدامكم
ابعدت رغد وبعدين حضنه نايف ونزلت دموع الفرح وقال بنبرة حزن وفرح : اهه اشتقنا لك يبه
ابو صقر : افا نيوف لتبكي وانا ابوك
نايف ابعد وهو يمسح دموعه بطرف كم ثوبه :  دموع فرح يبه
وبعدين صقر حضنه وبعد صقر الجد
ابو صقر فز يحضن ابوه لكن حس بالم ورجع
الجد بدموع : استرح وانا ابوك خلك مرتاح مابي اخسرك مرا ثانيه
ابو صقر : لتقول كذا يبه هاذا انا قدامك بعافيتي
الجد شد بقوه على ابو صقر : الحمدالله الحمدالله
ابعد الجد وسلم ابوخالد وابو جابر وبعدين العيال وبعدين البنات
ورجعن وعد ورغد يحضنن ابوهن ويبكن
وماهي الا دقايق وجت الممرضه تقول اهم انتهى وقت الزياره ( بحكم ان ابو صقر توه صاحي من غيبوبه فا الزياره عنده ساعه فقط )
وطلعو الكل الا صقر الي كان دكتور اساساً فا ضل عند ابوه
ابو صقر بحنيه : اخباركم يبه طول هالفتره
صقر : الحمدالله
ابو صقر : حاس صايره اشياء كثر صح ؟
صقر قال لبوه كل شي من دخل الغيبوبه لين اليوم
ابو صقر بحده : وليه تتهمون خالد وهو ماله ذنب ؟
صقر : يبه انا والعيال مصدقينه بس كان ابوه مو مصدق وطرده ولما اثبتت برائته صدق ورجع خالد
ابو صقر : اخخ وش صار به وكله مني
صقر : مالك ذنب يبه كله من الزفت زيد
ابو صقر كان وده يرفض الي تقدم لوعد بحكم ان خالد خطبها بس توقع بهد كل ذا خالد غير رايه
ابو صقر : قلت لعمامك صح عن خطبة وعد ؟
صقر : محد يدري غير جدي وانا ونايف وعمي فيصل وعمي خالد
ابو صقر : وعيال عمك ؟
صقر : كلما اجي بفتح الموضوع تصير سالفه ومايدرون لاحين امس قلت اهم اني بقول اهم موضوع اليوم والموضوع خطبة وعد
ابو صقر : قل لهم اليوم
صقر : ابيك موجود لما اقول لهم
ابو صقر : بطلع معك اليوم
صقر : لا يبه مايصير
ابو صقر : انا دكتور واعرف حالتي وسألت الي مشرفين على حالتي قالو مابها شي لو طلعت اليوم بس اجيهم كل يوم يتطمنون
صقر : بس يبه لو تقعد يوم واحد على الاقل احسن
ابو صقر ابتسم : كنت انا الي احاول بك تجلس الله يدنيا ي صقر وبعدين ماتبيني اشوف حفيدتي ؟
صقر : هههههههههههه دام كذا اجل يلا بروح اسوي اوراق خروجك
وراح صقر يسوي اوراق الخروج وضل ابو صقر وهو يفكر بكل الي صار من دخل الغيبوبه ويسأل نفسه معقوله تغيرت اشياء كثير بالمده ذي
وبعدين رجع صقر وساعد ابوه يقوم لين وصله السايره وركب
وتوجهو للبيت
دخلو وفزو الكل بصدمه
الجد : ليه طلعت ؟؟؟
ابو صقر : كتبو لي خروج يبه مابي شي هاذا انا قدامكم ؟
ابو خالد وابو جابر ساعدو ابو صقر يجلس
ابو صقر لف لـ ابو خالد : وين خالد يـ فيصل
ابو خالد : دريت بالي صار ؟
ابو صقر : اي دريت ماتوقعت يـ فيصل ماتصدق ولدك وانت تدري بتربيتك وغير ذا تدري ان خالد اقرب عيال اخواني لي مايسويها ليه هدمت ثقة ولدك بك وانت المفروض الي تاقف معه وقت الي يحتاجك مو الغريب ياقف معه
ابو خالد : صدمني الخبر يـ تركي صدمني كنت نصدوم من الخبر وماطلع الا على خالد قلت الي قلته بوقت غضب و... . سكت .
ابو صقر : وانا اعرفك عزة نفسك ردتك انك ترجع ولدك
ابر خالد : خلاص يـ تركي صار الي صار والله اني نادم وغير ان ولدي من السالفه ماسولف معي
صقر دخل ومعه بنته : هاذي حفيدتك يبه
ابو صقر فز ووقف وهو ياخذها من صقر ويحبها وفرحته ماتوصف : يهلا والله يهلا بغدو يهلا
صقر ابتسم بحب لمنضر ابو صقر وحفيدته طلع جواله وهو يصورهم للذكرى
وبعد نص ساعه
ابو صقر لف لصقر : اتصل على عيال عمك واخوك يجون
قبل يكمل كلامه دخلو العيال
سالم بضحك : جينا قبل تتصلون
سلمو على ابو صقر مرا ثانيه وحبو راس الجد وجلسو
جابر : وش الخبر الي قلت عنه صقر ؟
صقر انتضرو البنات يجن
جابر : يهوه راعي طويله انت قل لنا وبعدين لجو قل لهن
صقر : اهجد الحين يجن بس يلبسن نقاباتهم
دخلو البنات وسلمو على ابو صقر وجلسو
وعد كانت متوتره وايدها ترجف خوف وندم وخايفه انهم يقولون عن الي خطبها وانها وافقت
صقر : دام الكل اجتمع انا قلت الموضوع لـ ابوي وابوي بيقوله لكم وجدي وعمامي يدرون بسالفه الباقي ماصارت الفرصه اقول لكم
ابو صقر : ولد الشيخ الثاني حمد اتوقع تعرفونه خطب وحده من بناتي ووافقت
جابر لف لخالد وخالد كذالك بتوتر انها وعد بس ابعدو الفكره لانها مستحيله بنسبه لهم
سالم بتوتر وخوف على اخوه : رغد ؟
ابو صقر : لا وعد
خالد نزلت الجمله على خالد مثل الاعصار الي صدمه والكلمه تتردد براسه
والعيال ( خلف / سياف / سالم / جابر ) لفو عليه بحزن وصدمه ماتقل عن صدمة خالد
خالد طلع بسرعه من الغرفه كلها وانهار
جابر لف لـ وعد بنضره توضح كلمه وحده وهي ( يخسارة حب خالد يخساره ) : مبروك . وطلع ولحقوه باقي العيال بعد ما باركو لـ وعد
اما وعد تجمعت الدموع بعيونها وطلعت تركض راحت لغرفتها وانهارت تبكي وتلوم نفسها مليون مرا
الجد : يحليها وعود اكيد انحرجت
روابي قامت ولحقت وعد
دخلت عليها وهي مصدومه : وعد صدق الي سمعته ؟؟؟؟؟؟
وعد ماردت وهي تبكي بنهيار
روابي بحزن : ليه وخالد بهدرجه يـ وعد تغيرتي صرتي تفكرين تنتقمين وبس ؟ ماشفتي وجهه شلون تغير من الخبر ماشفتي شلون طلع ليييهه ليه تسوين كذاااا
وعد بشهقات ماتوقف : مدري مدري والله مدري كنت وقتها منهاره وصار الي صار مدري
روابي حضنتها : خلاص حبيبتي اهدي
وعد : مااابييي مابي
روابي : قولي لـ ابوك ؟
وعد : مقدر مقدرر
( وعد شخصيه تضحك وتسولف بس بمواقف الجد تسكت وتخاف تتكلم )
عند خالد
راح للمكان الي يجتمعون به دايم جلس على الارض وحط يده على راسه بصدمه فجأه كل ذكرى بينه وبين وعد صارت تتردد بباله واخر الكلام الي دار بينهم وهي تعتذر منه وصوت شهقاتها وبما قالت له انساني حس بمشاعر متلخبطه وكل وحده امر من الثانيه مشاعر حزن ، خذلان ، انكسار ، صدمه ، خيبه
جا له جابر ووراه باقي العيال وشافوه على الارض ويده على راسه كان شكله يقطع القلب شلون جالس وايده على راسه
جابر حط يده على كتف خالد : كل شي قسمه ونصيب يـ خوي الله يرقك بالي احسن
خالد مارد
سياف : خالد تكفى لتسوي كذا خلك قوي ولا تضعف من موقف خل املك بالله وان شاءالله الله يرزقك بالي احسن
خلف : ترا لضعفت نضعف كلنا معاك يـ خالد تكلم على الاقل عبر
سالم سحب يد خالد وحضنه : خالد ترا قوتنا كلنا منك هي الي باعت بتنساها بيوم من الايام .. عبر يحالد ابك سو ايشي يخالد تكفى لتضل ساكت وتقطع قلوبنا
خالد لف عليهم وعيونه حمر والدموع مو قادره تنزل اصلاً فجأه انهار خالد بشكل كبير محد كان كتخيل شكله والدموع الي كانت متحجره بعيونه كلها نزلت  جابر حضنه ماقدر يتحمل شكله بهالمنضر الي يقطع القلب
خالد قال بصوت مخنوق من بين موعه  :
شلون انسا شلون مستحيل
وانا شلون اواجه ايامي بدونه يـ جابر
وانا يـ جابر كيف بنسى واحدٍ كان خلي
العيال لفو وجيهم بحزن
خالد قام فجأه وقرر يروح لشخص محدد وراح له ركض وهو يمسح دموعه بكم ثوبه
سياف لحقه ووقفه : وين بتروح وانت بهالحاله ؟
خالد : ماراح تروح مني والله لو واحت يا اذبح الي بياخذها يا اذبح نفسي وماهمني شي وقتها
سياف وقف مكانه بصدمه من كلام خالد
خالد كمل طريقه و ...............