بلاي ي جابر بعناد روس الرجال

البارت 14

( يجماعه تلخبطت بلبارت 13 نهايته الدور لنوره مو مهره اعذروني )

ابو جواهر من الذله هز راسه ب ( اي )
خالد طلع ورموه العيال بنضرات استحقار
سالم بحده : بروح دقيقه وراجع القاك بلبيت يحصل شي مايسرك
البنات تجمدو مكانهم بصدمه
ساره دخلت داخل وهي ماتبي تشوف اختها ابد
ولحتها وعد
وعد : ساره ليه دخلتي
ساره : مابي اشوفها مالي خلق كلامها الجارح
وعد : ونتركينها عند امك ترمي عليها كلام وحنا كلما عارفين انها مو جايه مشتاقه لكم
ساره : بس ...
وعلى. لا بس ولا شي قومي واذا قطت كلمه وحده انتف شوشتها لك
ساره ضحك وقامت معها
دخلت وجت بتسلم ماشافت جواهر وقفت لها مشت وتركتها وجلست
وعد قامت تصب القهوه صبت لهم الا جواهر مثل ماتجاهلت ساره تجاهلتها وردت حق ساره
جواهر ضحكت بستهزاء طق الباب ودخلت مهره
جود : وذي من عازمها بقوة وجه جايه !
سلمى : احس ودي اذبحهن صدق الطيور على اشكالها تقع شوفي كلهن نفس الشي يغثننن انتفهن لكم ؟
رغد : اسكتي انتي وياها شوفن وراها انْ من جيتها
المها : ابصم بلعشر
حلا : بنات شوفن يعع تناضر وتتساسر من الحيه الي جنبها وععع
ام ساره : كيفك يبنتي
جواهر ماردت
ام ساره لفت بحزن
ساره : انتي هيه امي تتكلم معك ردي
جواهر بعباطه : اوه تتكلم معي ! عبالي معك لانها قالت بنتي .. ناضرت ام ساره .. وانا مو بنتها
سعاد : لتقولين كذا والله انك مثل ساره بنتي كلكن بناتي الي تعبت بتربيتهم
جواهر : جزاك خير على التربيه الي ماشفت منها شي
وعد : اي حتى حنا ماشفنا تربيت عمتي بك يعني مثلاً شوفي ساره ؟ وشوفي انتي ساره فاذ معها تربيت عمتي واخذت طيبتها وانتي لااا
جواهر ضحكت بستهزاء وقالت بتغيض وعد : صح شفت خالد وانا جايه يهبللل كل فتره يصير مزيون اكثر من الفتره الي قبلها
وعد وهي تبي ماتوضح غيرتها : يوه ي حرام ي خالد شاف قدامه ابليس بهيئه مصغره
البنات كاتمين ضحكهم
جود : الا فرعون مو بليس يعزتي لخوي بس
ام خالد : بنات شفيكم هاذا ستقبال بجواهر من زمان ماشفترها
جواهر : لا خالتي عاديي اصلاً عجبني الجو وبقعد هنا كم يوم .. طلعت جوالها واتصلت ببوها وقالت له ..( اتوقع اني ذكرت قبل كذا ان بالديره مافي حد عنده جوال الا قليل ومن ابطال روايتنا الاغلب عندهم علشان الدوامات او الدراسه الي عندهم خالد وجابر وصقر ونايف وسالم وخلف وسياف والبنات وعد رغد روابي سُلاف
وترف ونوف بجوال واحد وبنات ابو خالد ابوهم رافض الجوال للبنت وجواهر عندها وساره ابوها عيا عليها بس سامح لجواهر )
بنات شفتو جوالي ذا من يومين ابوي شراه لي شرايكم !
مهره كملت مع صديقتها بخبث : عاد عمي مايرفض لك طلب ابد بنتهه وحيييددتهه
ساره لفت وجهها بزعل على ابوها ( ستره وجود على طرف عند الباب ) جود همس : ابوك ماكان راضي على الجوال صح
ساره بضيق وغصه : لا واسمعي جايب لها وانا ماكان يكلف على خاطره يسأل عني حتى
جود : ماعليه هونيها وتهون
وكملو على كذا جواهر ومهره يقطن كلام والبنات يسكتنهن بكم كلمه
اما العيال
خالد: اخ لو ماهو شايب كان عرفت اتعامل معه
جابر : ي رجال خله عنك
نايف : ماضحكني غير ان شعره كله ابيض ويقط كلام هشايب
صقر : هههههههههههههههههههههههههههههههه
نايف لاحض سرحان سالم وسحبه معه بهدوء : الي ماخذ عقلك يتهنى به
سالم : ياخي مدري علجواهر ذي مادااانيهها وحاس انها بتضايق ساره بكلامها
نايف بمزح : سويلم طحت على وجهك ومحد سما عليك
سالم : من زماان
نايف : هههههه رح تطمن عليها وارجع لي بتمشى معك من زمان عم قعدتنا لحالنا
سالم : طيب الا طارق ماجاء
نايف : لا حازت له امريكا
سالم : انا بروح واذا جيت نكلمه ونشوف اخباره
سالم راح ولما وصل ومر من الغرفه الي بها البنات سمع جواهر وهي تقول ان ابوها شراء لها جوال وكلام جود وساره
طلع لنايف
نايف : مسرع اشتقت لي !
سالم : نيوف مو وقت مزح تروح معاي لسوق ؟
نايف : ليش
سالم : انا امنشفت انك غثيث تروح او لا
نايف : اكتشافك قديم ويلا معاك وين مارحت
سالم راح وشرا جوال لساره وباقة ورد
ورجع
بليل الساعه 1:30
بشقة سالم
سالم : سارونه
ساره : هلا
سالم : غمضي عيونك
ساره غمضت وسالم طلع الهديه وباقة الورد : فتحي
فتحت عيونها بهدوء وشهقت بخفه لما شافت الي معه: لي !
سالم بمزح: لا لجدي اي لك
ساره : انت حيوان بس يلا دام جبت هديه وورد بمشيها لك
سالم ضحك : افتحي الهديه
فتحتها وشافت الجوال وقامت تدور على حالها من الفرحه
وسالم مبتسم لفرحتها
ساره : مشكورر
سالم : ماسويت شي
وبعد دقايق هاديه
سالم : بسالتس وتحوبي صدق
ساره : اسأل
سالم : انا قلت لك السؤال قلل كذا وبعيده . انا مسوي شي مضايقك
ساره : لا
سالم : قلنا بصدق
ساره لقت وجهها
سالم : خلاص اسف وماني عايد السؤال
ساره بتردد : بقول لك وقل الصدق انت بعد .. قالت له الي سمعته يقوله لخالد ..
سالم ضحك : طيب ليه ماقلتي لي ! لا مو مجبور ولو ظليتي تسمعين سمعتيني اقول له ( احبهاا )
ساره فرحت انها عرفت الصدق وماكانت مكذبته لن سالم من النوع مايكذب ابد
عند خالد بلحوش مضبط له قعده وشاهي بعد ماطفش من العيال وهو يبي احد بهم يقوم معه وكلهم نامو
جواهر لما شافته جت عنده بدلع يغثث( طبعاً كانت متغطيه لانها تعرف خالد بيعصب وهي تبي تكسبه لها يس عبايه ملونه مفتوحه ونقاب واسع مرا )
جواهر : خالد شتسوي لحالك هنا بقعد معك
خالد : هلا مشكور مابي احد يقعد معي انا جاي هنا بقعد لحالي
جواهر : عادي بقعد ؟
خالد وقف : اقعدي لحالك وراح
جواهر ضلت بمكانها مصدومه وزاد حقدها على وعد
.....................................
ثاني يوم
ام خالد : جود يمه تعالي بكلمك
جود : هلا
ام خالد : بلمزرعه كلمتني ام عبدالله تبي تخطبك وانا ما قلت ل ابوك قلت اسألك اول يمه استخيري وردي لي اذا موافقه او لا
جود : بس يمه عبدالله حتى خواته يقولن عنه شكاك وبس يمد يده عليهن !!
ام خالد : مو شرط معك مثل ماهو معهن
جود : لا يمه تكفين ماابيي
ام خالد بحنيه : محد يجبرتس يبنتي على شي انتي استخيري وقولي اذا موافقه او لا
جود بهدوء : تمام
وعد جت : جود تعالي بسرعهه شوفيي
راحت مع وعد الي ساحبتها ركض
وعد وقفت عند البنات بتعب : مهبل انتم مجتمعين حولها كذا الحين تقول وين الله قردني وجيت عند عايله متوحشه
سلمى ضحكت : قالتها وخلصت المسكينه
جود : ابعدو بشوف
ابعدن البنات وشافت بسه ( قطه) : تهبللل من وين جايبينها ؟
روابي : طارق صديقهم جاء ومعه واحد يقال ان اسمه زياد وذي له مايبيها وخلف قال يبيها لترف وشراها منه
رغد بضحك : عطتك تقرير بدقيقه هههههه
روابي ضربتها بخفه : سامجه
وعد اخذت البسه وقعدت تلعب معها : تجنن بس وين صاحبتها ماجت تلعب معها
نوف : خلف الحين يجي يبي يعطيها هو
البنات دخلو وبقت نوف وام خلف وجا خلف ونادو ترف
ترف : وش عندكم نزل الوحي وتذكرتو ان عندكم اخت وتنادونها لما تجتمعون ترا انا من العايله
خلف ضحك : اعوذ بالله هههههههه
ترف : اضحك اضحك
ام خلف : وش فيك اليوم بالعه راديو
نوف : لفي للباب ثواني
ترف لقت وهي تتأفف : ها
خلف طلع البسه من وراه وحطها قدام ترف : لفي
لفت ولما شافت البسه صارخت بفرحه : الله تججننننننن .. من حقته !
نوف بضحك : الجيران يعني جابها خلف لك يفاهيه
ترف حضنت خلف وهي الفرحه مو سايعتها : مشكورررر خللف
خلف : ماسويت شي ويلا امسكي واغراضها بسياره
ترف اخذتها وهي تدور فيها وتلعب معها : شسمها
خلف : لوسي
ترف : حتى اسمهت يهبللل
خلف ابتسم لفرحتها : وديت البيت جقها ببيتنا وهاذا الكل والتراب جبته علشان لو جاعت او شي دخلوهم داخل
راحت ترف تدخلها وام خلف دخلت
نوف : خلف
خلف : عيوني
نوف ابتسمت : رسمت رسمه بوريك اياها ثواني اجيبها
خلف : تمام انتضرك
راحت نوف وبعد شوي جت جود تدور ترف والبسه
جود : ترف ا...... وجت بترجع
خلف : جود
جود بتوتر : هلا
خلف : صدق الي سمعته ؟
جود : ايش
خلف بضيق : خطبك عبدالله
جود : اي
خلف بغيره : موافقه !!
جود : لا ( قررت ترفض )
خلف زفر براحه
جود : ليه ؟
خلف بتردد : جود اذا خطبتك توافقين ؟
جود حست بحراج وماردت نوف دخلت : جيت. اسغربت لما شافت جود واقفه
جود : جيت ادور ترف البنات يبون البسه
نوف : بلحوش الي ورا
جود راحت : تمام
نوف ورت خلف رسمتها وقعدو يسولفون شوي وقال خلف انهم بيروحون لعمه محمد العصر وراح للعيال
وعد : صقورررييييي
صقر : عيون صقورك
نايف : وععع
وعد ناضرت نايف بطرف عين : مالك دخل المهم صقر عادي تودينا انا والبنات تمشينا والله طفش ا
صقر : ابشرو بس مو الحين انا بروح وشوي اجي اذا جيت
وعد : كفوو
صقر ابتسم لخته ولف لرغد : رغد
رغد : هلا ؟
صقر : تعالي ابي اقول لك شي
راح صقر ورغد وبقا نايف ووعد يتناحون
صقر قال لرغد عن مهره : مابي ارجعها ومابي ولدي او بنتي يتربون عندها
رغد : انت رح عندها وتفاهم معها اذا تقدر تفتح صفحه جديده معها او تقول لها انادا جابت بعيش عندك ويجي لمه بلاسبوع مره او مرتين وانت تتزوج وولدك يتربى عندك
صقر : بروح واشووف
رغد حست انه ضايق: اذا مالك خلق تودي البنات مو لازم ترا
صقر ابتسم يحب لخته : لا عادي تعرفين اني مرفض لكم طلب
رغد ابتسمت : ادري بس ابيك ترتاح اذا تعبان
صقر : تعبكم راحه ... وراح
ببيت اهل مهره
صقر : طيب نادها نتفاهم على كل شي من البدايه
سلمان ( اخو مهره ) : طيب
راح ناداها ورجع ومعه مهره
صقر : اسمعي ي بنت الناس ......
مهره قاطعته : انا جايه اقول كلمتين انا بشوف حياتي فا من اجيب بنتك تاخذها معك ولا ابي اشوفكم ابد
صقر حس براحه بس اخاء ابتسامته وقال : خلاص اجل بس مو تغيرين رايك بعدين لان لو تحفرين الارض ماخذتي البنت
سلمان : استهدو بالله يجماعه
مهره قامت ولا ردت عليهم ودخلت داخل
سلمان : اعذرني على الي صار مهره اختي الوحيده وماعندها غيري دلعتها لين صار الي صار
صقر : حصل خير سلم عليه وراح
العصر ببيت العم محمد
محمد بعتب : افا ي خلف لك اسبوع ولا فكرت تجي تزورني وانا مشتاق لكم ؟
خلف : حقك علي والله كنا بلمزرعه والجد حلف علي احضر قبل العيد بيومين لحد رابع ايام العيد وبعدها انشغلت بدوام وتو فضيت والله
محمد : معليه يولدي ماقلت كذا الا لني احبكم
ترف جلست جنب عمها : وحنا نحبك ومالنا غنى عنك
سلطان ( ولد محمد ) دخل : حيي الله من جانا
خلف وقف يسلم عليه : يحييك
سلطان : واخبارك
خلف : الحمدالله وانت
سلطان: تمام .. يبه وين عبدالله ؟
محمد : نايم
سلطان: غريبه
محمد : تعبان من شوي جاي من المستشفى
سلطان: طيب
وكملو كلامهم
عند صقر اخذ البنات يمشيهم ووداهم للكوفي يغيرون حو
روابي : صقر مع احترامي لك بس احسن شي سويته طلقت العله
صقر ضحك : ليه وش سوت لتس
روابي : تغث كلما سولفنا معك قعدت تقط كلام حلات من مسح وجها بلارض
الكل : هههههههههههههههههههههههههه
جود : هي انتم عندها اشوا من المها مدري ليه تغار منها
سلمى : اكيدد تغار هي شايفه المها وشايفه وجها كنه الي ماني قايله
المها انحرجت منهم : احم بنات. وناضرت صقر لان البنات اخذو راحتهم بلكلام عن المها ناسين وجود صقر
وعد ماتت ضحك : هههههههههههه انحرجت من وجودك صقر ههههه
صقر ابتسم لما شاف عيون المها الي مزلتهم من الاحراج وقال يغير الموضوع علشان يخف احراجها : يلا خلصتو ؟
البنات : اي يعطيك العافية
صقر يعافيكم
ورجعو
الساعه 1:00
كانو قاعدين بنات وعيال معادا جواهر
مجتمعين وشبة النار بنص القعده والجو غيوم وقمر
جابر : شرايكم نغني ؟
روابي : ايييييييييييي
جابر :راح صوتك من كلمة اي ماتركتي شي تغنين به
روابي بطرف عين : مالك دخل
رغد : تهاوشو داخل حنا هنا بنتونس لو سمحتو
جابر وروابي : طيب
سياف : يلا ونبدا باغنيه لعبدالمجيد عبدالله
وبدو يغنون
"سحرني خلي الي قد ملكنيـ
سحرني بالوداد الي سكنييـ
وخلاني مثل خاتم بـيـدهـ
وانا الطماع ودي لو يزيدهـ
حبيبي هو حبيبي هو نصيبيـ "
وكانت اجوائهم حلوه اغاني وبعدها قصايد وسوالف وبعدين قام الكل ينام

ــــــــــــــــــــــــــــــــــــــــــــــــــــــ
( حاىلت اطول البارت كثر مقدر بس حسي الكتابي والفكاهي موقف 😥)
اتمنى عجبكم ماكان به احداث كبيره لان البارت الي بعده بتبكون ويكون بداية الاحداث صدب تجهزوممكن يتأخرشوي

( حسابي تيك r05ii2  اذا بشوفون تخيلي لاشكالهم )