جابر ضحك : معرف اسمها
خالد : متعرف حتى اسمها
( ملاحضه لقصة جابر كان يحب وحده كانت بنت جيرانهم سوا كل شي عشانها والبنت كانت مستواها الاجتماعي اعلى منه بالعاميه كانت من عايله فلوس اجتهد بدراسته علشان يصير ضابط واذا تقدم لها يوافقون اهالها بس لما قرب يخلص من كلية الضباط اخر سنه انخطبت وشافها قال لتوافقين انا بكرا اجي اخطبك قالت له ودراستك قال اخطبك وبعد ماخلص نسوي العرس رفضت وقالت الي تقدم لي منصب ومال واخلاق ماني رافضته لين تخلص دراستك واذا خلصتها يمكن اهلي ميوافقون ومن وقتها وهو مو بقادر ينساها )
جابر ابتسم بغباء
خالد : اذا عرفت اسمها اخطبها على طول ليصبر شي يخرب عليك شفت حالك قبل وانا الحين صر مثل سلوم اقدم بسرعه
جابر : هاذا الي بيصر بحاول اعرف اسمها على الاقل
خالد : الله يوفقك ويلا نم ورانا قعده
صباح اليوم الثاني
مثل الايام الي فاتت العيال راحو للرياض باقي سالم ونايف وسياف الي ببيتهم للحين
سالم : تبون شي
الكل : سلامتك
جا بيطلع وقفه صوت ابوه : وين
سالم : طالع
ابو خالد : سألتك وين
سالم : لرياض
ابو خالد : لخالد صح
سالم : اي صح
ابو خالد : لتروح مافي
سالم عقد حاجبه : ليه
ابو خالد : مابي احد ياصله وخلاص
سالم بتعجب : تبيني اقطع اخوي ؟!
ابو خالد : اخوك سود وجهي بين الناس
سالم : لا يبه وانت تدري انه مو هو بس مع الاسف انك اول من صدق به وانا مقطع اخوي لو على موتي .. وطلع قبل ليسمع رد ابوه ..
الجد بضيق : ي فيصل مايصير الي تسويه بعيالك تراك خذلت خالد بتصديق به
ابو خالد بغصه : يبه خالد اول فرحتي صدمني بالي سواه ييبه اخوي ولدي يبي يذبح اخوي انا مالي عين احط عيني بعين احد من الي كنت ارفع راسي به
الجد : لتسوي شي تندم عليه بعدين خالد تربيتي يفيصل والي سوا بخوك بسجن والثاني مالقوه للحين
ابو خالد : ومن يقنع الناس ؟
الجد بعصبيه : ىش عليك من الناس عليك بولدك وبس والسان الي يتهمه قصه اوقف معه لتخليه بوقت حاجتك له يترك مثل ماسويت مع ان خالد مايترك الي بحاجته
ابو خالد: مدري مدري انا بروح اريح لي شوي
راح ولحقه ابو جابر
ابو جابر : وش بك يخوي
ابو خالد : وش الي مابي مدري الي اسويه اخصر به ولدي ولا الي اسويه عادي والله اني تعبت
ابو جابر: فيصل انت تدري اني ماتدخل بشي واني من الناس الي عليهم من بيتهم وعيالهم وبس بس انت اخوي واقرب واحد لي وماحب اشوفك كذا خل عنك المكابر لتضلم ولدك وتضلم عيالك كلهم ادري انك مثل طبع جدي عصبي ومتمسك بلحياه قبل بس جيلنا مو مثل جيل عيالنا قرب من عيالك واحتويهم ولا تخلي ولدك وهو بحاجتك تنازل عن وحده من عاداتك لعيالك
ابو خالد ابتسم : هاذا الي بسويه
ابو جابر ربت على كتف اخوه : يلا ريح شوي قبل العصر ابوي يبي يعزم رجال بكرا وبنشرف على العمال وترتيبات اليوم
ابو خالد بستغراب: عمال ؟
ابو جابر : اي مو العيال كلهم برياض وحنا مو مثل قبل
ابو خالد : طيب اجل انا رايح لحجرتي ( غرفتي )
ببيت سياف وسُلاف
سُلاف : غريبه مارحت للعيال اليوم
سياف ابتسم : تعالي جنبي
سُلاف جلست جنبه : هلا
سياف : اخبارتس
سُلاف ضحكت بستغراب : تمام ليه
سياف : لا بس من زمان عن اختي وبشوف اخبارها محتاجه شي تبي شي
سُلاف ابتسمت : سلامتك ماني محتاجه شي ولا ابي شي وانت موجود
سياف : امم شرايتس نطلع
سُلاف عدلت جلستها بفرحه : والله
سياف ضحك : اي هاذي الي مو محتاجه شي
سُلاف : يعني تجيني طلعه مع اخوي حبيبي واقول لا
سياف : يبعدي والله ادري اني مقصر اليومين ووقتي كله برياض ابشري بالعوض يعين احوتس ويلا بسرعه قومي البسي عباتس
سُلاف راحت ركض تلبس وهي فرحانه
وسياف طلع برا وراح للبقاله يجيب شغله لخته
عند البنات
سلمى : بنات مافي بصل وشطه ابوي ماياكل بدونها
جود : يوه وشلون الحين مافي احد
رغد : مافي احد من العيال كلهم راحو ؟
حلا : اي مافي احد
وعد : وعمامي وجدي ؟
روابي : راحو يريحون قبل الغدا من شوي
ترف : وحده فينا تروح للبقاله تجيب
نوف دفتها : لا عشان يذبحونا العيال
سلمى : يعني شنسوي هم كلهم راحو ولازم نسوي الغداء
ترف : بروح معاتس
نوف سحبتها : خلف يعيي انثبري ( اجلسي )
ترف قعدت بعصبيه
سلمى لبست عباتها ونقابها وراحت وطول الطريق وهي شاده على يدها من الخوف ماتوقعت انها بتخاف ولما اخذت الاغراض بطريها للرجعه
كان في شباب جايين من بعيد : يحلوو
سلمى خافت وبدت تسرع خطواتها والعيال اسرعو معها وهم يقولون : شدعوه شدعوه لو رقم
ماحسو الا بشخص سحب واحد فيهم الي كان يتكلم وطاح به ضرب وتلباقي خافو وانحاشو
سلمى كانت تبكي بخوف ويدها ترجف قالت بصوت يرجف : سياف
سياف كان يضربه بقوا وعصبيه لما سمع صوتها المرتجف راح لها بخوف
سياف من خوفه عصب وقال : وش مطلعتس برااا ؟!!!
سلمى خافت اكثر وزاد بكاها
سياف : اسف سلمى بس من خوفي عليك عصبت خلاص اهدي راحو
سلمى ماردت وبكاها يزيد سياف حط يده على كتفها : سلمى خلاص راحو معاش الي نزل دموعك كسرته لك وامسحي دموعك يلا
سلمى توترت لما مسك كتفها وزادت رجفتها سياف انتبه على نفسه وابعد
سلمى بصوت خايف ومخنوق : العيال كلهم راحو وماكان في اغراض ورحت اجيب ووو
سياف : مصار شي يلا ارجعي للبيت ولعاد تروحين لمكان لحالك والعيال ذول مو من الديره اصلاً
سلمى : طيب وراحت للبيت وسياف وراها لين دخلت تطمن من شافها دخلت ونبضات قلبه تعلى وتنزل تنهد وناظر يده بلع ريقه وهو يحس كان المفروض يقتلهم بيدينه موب بس يضربهم وراح لسُلاف سلمى دخلت وهي للحين ترجف من لخوف تحاول تسمى بالله ودموع بعيونها
سلمى دخلت بسرعه وراحت لغرفتها
ساره : بسم الله شفيتس
سلمى بدموع تحاول متنزلهم قالت لها كل شي
ساره حضنتها : الحمدالله سياف كان موجود اسفه والله اني مارحت معك تركت تروحين
سلمى : انتي مالتس دخل انا كنت بجرب اروح لحالي وتوبه والله ماروح
ساره : غسلي وجهتس وانزل للغدا
سلمى : مالي نفس
ساره : تبين خالي يجي لك يعني تدرين ماياكل الا وانتي موجوده
سلمى قامت تغسل وجها وراحت معها يتغدون
ام خالد بالمطبخ تحط الكاسات بضيق
روابي دخلت : خالتي بتس شي
ام خالد: لا
روابي : طالعيني اشوف .. لفت لها ام خالد .. الا بتس شي وش بتس تراني بنتس
ام خالد : شتقت لولدي والله اني ولا شي بدون عيالي
روابي : معليه خاله فتره وتعدي وانتي عارفه الي هو يمر به وترا اليوم جابر قال لي انه امس يبي يتصل بتس بس العيال قالو له ان عمي كان تعبان وبلبيت لو شافتس تكلمينه قلب الدنيا
ام خالد : اتصلي لي عليه يبنيتي ماعرف انا لخرابيطكم ذي ( الجوال )'
روابي ضحكت : واتصلت على خالد ( عمدهم ارقام بعض عادي لانهم مثل الخوان )
عند العيال
خلف : ترا عبدالله وسلطان زعلانين يبونا نجي لهم كم لنا ماحيناهم وحنا بنفس الديره الي هم بها
خالد : يبشرون نروح لهم اليوم
نايف : تصدق اني حبيت عيال عمك احسهم فله
خلف : اي جيل فله سبحان الله عكس عيال عمامي الباقين
جابر : لا هذولاك تستس والله
خلف : ولا واحد بهم رجال اصلاً ينقلون كلام ومبزره وخوافين ( وكمل بعد صفاتهم )
خالد اتصل جواله ولما شاف روابي استغرب مو بالعاده تتصل عليه رد : الو
روابي : هلا خالد اخبارك
خالد : الحمدالله وانتي ؟
روابي : تمام خالتي ضايق صدرها تفكر بك ومشتاقه لك امسك كلمها
خالد : عطيني اياها
ام خالد: خالد
خالد: يعيون خالد انتي اخبارتس
ام خالد بكت : ليه ييمه ماتجي تعتذر من ابوك وترجع والله اني مشتاقه لك
خالد : يمه اذا كل مرا بكلمتس بتبكين بتضيقيني وبيصير بي شي ترا
ام خالد : بسم الله عليك لتقول كذا لزعل عليك
خالد ضحك : خلاص اسف
وضل يكلمها شوي وقفل
جابر : خالتي
خالد : اي يعيوني هي كلما كلمتها تبكي
جابر : ترا كل يوم قبل نطلع توصينا عليك
نايف : سلوم تعال ابيك
سالم قام معه : هلا
نايف : وش بك ضايق
سالم قال له عن ابوه : ابوي طول عمره قلبه قوي مىبس ماتوقعت يقوى علينا ينايف صدمني انا مو مصدق معقىلن قال كذا لخالد ؟؟
نايف : ترا كل ذا من ورا قلبه ومايبي احد ينتقد عياله
سالم : يبيني اقطع خالد وهو يدري خال وش بنسبه لي انا ابيع نفسي لخوي ينايف انا بعد ابوي وامي عندي خالد فوق كل شي مانسى وقفاته معاي وبعد خالد انت وخواتي مابي ابوي يمسكني مع اليد الي تعورني
نايف حضنه : مهما كان يضل ابو يقسى ويقسى بس قلبه عليكم اذكر مرا ( وكمل بغصه ) ابوي قال فيصل قلبه قوي بس لجا الصدق اهم ماعليه اهله هنا حتى قوة القلب تروح وتصير قلب رهيف يهزه الريح عشان كذا يوم صار الي صار كسره اخوه وولده يعني كان شخصين يسحبونه من يد كل وحده اقوا من الثانيه
سالم : يلا اجل امش معاي لعمي تركي لي يومين ماجيته بالمستشفى انت رحت له ؟
نايف : كل يوم الصبح نروح له انا وصقر وخواتي
سالم : صح وين صقر
نايف ضحك : مو قادر يبعد عن بنته اليوم شافها تبكي وهو عندها من الصبح حتى وعد ورغد يقولن له عطني انا اشوفها عيا
سالم ضحك : انا بعد كم شهر ماطلع من البيت اصلاً
نايف : انت تطلع ابو فله
سالم تنحنح بغرور وضحك
عند صقر يلعب بنته
وعد جت عنده وضحك : تراني بنتك بعد يحيوان
صقر ضحك : بدينا الغيره
وعد : يحق لي كنت الدلوعه
صقر رفع لها بنته : بالله عليك ماتهبل
وعد : طبعاً تهبل حبيبت عمتها تشبهني
صقر ضحك : خوذيها اجل انا طالع
وعد اخذتها وودتها للبنات وبدو يلعبونها وبعدين ودوها للجد الي تعلق بها وصار ياخذها منهم ومايرضى عليها
روابي : جدي اخذت مكاني كنها ؟
الجد بضحك : وغطت على مكانكم كلكم
البنات شهقو بوقت واحد
ترف : جدي انا كنت المدلعه عندك وين غطت علي هالنتفه
الجد : لا شوفو تروفه وغدو ( غاده ) هم الي فوق الكل
البنات شهقو مرا ثانيه : وحنااا
الجد : وجع انتي وياها وش بلاكن بس تشاهقن منتن بصاحيات
وعد : انا الصاحيه بينهم صح
الجد : انتي اول وحده مي صاحيه
الكل ضحك
وعد : معليه جدي تمون
الجد بضحك : من ورا خشمك بعد
وعد : اكيد
الجد : وين سُلاف ؟
المها : طلعت تتمشا مع سياف
الجد : اي زين
وكملو يومهم على كذا سوالف وضحك
ثاني يوم
العيال ببيت العم محمد
سلطان : صقر وين بنتك ليه ماجبتها
صقر : عند خواتي تعبانه شوي
سلطان : متشوف شر تغير الجو وهي صغيره
عبدالله: شهد عاد من اليوم تنتضرها
خلف : اهبد شهد على راسها مدري وش عندها مع الورعان
عبدالله: مقطوط سرها عندهم
جابر حس قلبه بدا تزيد نبضاته من سمع عنها مايدري ليه حس انها البنت الي خطفت قلبه
خالد حس على جابر وقال : كل الخوات اخر العنقود مع الورعان والكبيره مع الكبار
سلطان : يارجال وحده مبتلشين بها بس مناحا مع وراعان العايله
جابر ابتسم ابتسامه شقة وجهه لما عرف انها هي الي سمعها دام ماعندهم غير اخت وحده
بعد اسبوع خلف خطب جود وملك عليها وصقر بعد خطب المها وملكو بدون حفله عشاء بينهم وكان الكل رافض يصير الزواج لين يرجع خالد ويقعد تركي او يمر سنه على الاقل من حادث تركي
عند البنات
روابي : وعد يقلبي انتي كفايه ترا لك كم وانتي مو وعد الي قبل حتى خوانتس لاحضو وسألني نايف عنك قلت له علشان ابوك وكان يبي يجي لتس بس قلت له انك نايمه ترا الكل خايف عليك
وعد ببرود : عادي هاذي انا مافي شي تغير
روابي بنرفزه : الاا بتس شي واشياء بعد انتي مو مثل قبل تضحكين وتسوين جو كنتي روح البيت الحين حتى وجهتس صاير اصفر
سُلاف دخلت على كلامهم : اسفه سمعت كل شي بس ترا انا بعد ملاحضه يوعد حتى بملكة اخوتس منتي فرحانه بملكته على مهره كانت الارض مو شايلتس عشانه خطب المها يعني !
وعد : لا والله انا كان ودي يتزوج المها وكنت فرحانه بس روابي انتي عارفه وش بي ؟؟
رابي بعصبيه من خوفها على وعد : اي عارفه بس مو كذا اذا ماتبينه لتبينه انسيه وعيشي حياتتس ماراح افتح لتس السالفه ابد لاكن كذا غلط معذبه حالتس ومعذبته طلعت وقفلت الباب قوا
سُلاف : تراها خايفه عليتس مو مرضيها حالتس سوال الحين لو جاتس بكرا اخوانتس وقالو وش بتس وش بتقولين ؟ بتقولين احب خالد وصدمني انه هو الي كان بيقتل ابوي ؟ ولا بتقولين احاول اكرهه بس مو قادره ؟ وش بتقولين بضبط !
وعد بدموع : خلااص تعبت والله خلاص اشوف ابوي يموت واضل احبه وادري هو الي قتله ؟ مستحيل حطو نفسكم مكاني
سُلاف حضنتها : خلاص اسفه اني ضغطت عليتس بس انتي وانا عارفين انه مو هو وانتي مصره على رايتس
وعد : وش يثبت انه مو هو وش ها ؟
سُلاف : خالد مايكذب هاذا اولاً ثانياً اخلاق خالد الي كلنا نعرفها وغير ذا كله مسكو الي سوو كل ذا واعترفو بنفسهم
وعد : اعترفو ها كذب نفااااقق كل شي كذب حتى انه يحبني كذببب
سُلاف : تمام تمام اهدي قومي غسلي الحين يجون اخوانك ترا بيجون اول شي عندك لانهم قالو من يجون يبونك بموضوع
وعد : تمام .. وقامت تغسل وجها ..
ننهي البارت هنا
أنت تقرأ
بلاي ي جابر بعناد روس الرجال
Fantasyروايه تتحدث عن حب نما من الطفوله ولاكن هل الضروف تساعد ام لا ؟ 🤍 مكتمله 💜💜
