بلاي ي جابر بعناد روس الرجال

البارت التاسع

( لا اله الا الله )
( تعليك لايك يحمسني اكمل )

ابو صقر : نبيك تتزوجها ؟
خالد بصدمه : نعممم لا طبعاً تمزحون صحح ؟؟
ابو صقر : ليه نمزح هي بنت عمتك وش فيها !
خالد : لا لا مابي هي بنت عمتي بس اعتبرها مثل خواتي وشيلو الفكره
ابو خالد بحده : اسمع ي خالد والله لو ماتسوي الي قلنا اك لنت ولدي ولا اعرفك وهاذا الي عندي
خالد من الصدمه ماكان يدري وش يقول يحس بنار داخله بضيق بدوخه بصدمه اشاء كثير مايوصفها كلام طلع من عندهم وسكر الباب بقوه طلع وشافه جابر الي كان يحس بضيق غريب وقعد من نومه
جابر بخوف عليه : خالد وش فيك !
خالد مارد وماوقف له وكان يمشي بسرعه
لحقه جابر ووقف قدامه : خالد يخوي لتخوفني عليك فيك شيي ؟
خالد حضنه ونزلت دموعه من القهر : مخنوق ي جابر مخنوق
جابر اخذه لفوق سطح بعيد عن الكل : افا يخوي ليه
خالد قال له كل شي : جابر خنقوني بلي قالوه والي ذبحني ان ابوها هو الي قال ذبحنيي بكلمتين ذبحنييي
جابر بصدمه وخوف على خالد : لتقول كذا تكفى
خالد : حطوني بين نايرن كل نار تذبح اكثر من الثانيه
جابر ماكان عنده رد (وهو عارف عمه عصبي ومايرد اذا حط شي براسه ) غير انه حضنه : هونها وتهون ي ضلوع قلبي انت
نروح للشيبان
الجد : لييهه ليه تقول له كذا
ابو خالد : علشان يعرف ان رضاي مبني على الزواج ذا
الجد : اسمع ي فيصل خالد ماينجبر على شي خالد اقرب احفادي لي الي مايفارقني من صغره وعلشان كذا انا قلت له انه يتزوج ساره لاني ادري انه قد الامانه وهو عاقل بيعرف يفكر اما انت ضغطت عليه كذا !!!
ابو خالد : يبه خالد ولدي اعرفه باسه قوي ومن صدمته ماهو راضي ؟ قلت له رضاي ولا رفضه
ابو صقر تنهد : ي جماعه اهدوء وانت يفيصل خالد رجال ان رفض من حقه وان وافق زين
ابو جابر : حنا قلنا له انه اقوى شخصيه بين الكل وهيبته فارضها على اهل الديره كلهم وقد الامانه
ابو خالد : خلاص الي صار صار وماعليكم ولدي وانا ابخص به
الجد : روحو روحو كل واحد لغرفته مابي اشوف احد فيكم
طلعو كلهم
..................................
بعد يومين الساعه 6:00 المغرب
البنات بلمطبخ يسوون الفطور
الرجال قاعدين بصاله
ابو خالد : جابر وين خالد ؟
جابر بدون نفس من الي سووه : بلغرفه
ابو جابر : سولف زين يولد مع عمك
جابر وقف : بخلي لكم المكان وطلع
راح
ابو جابر : ماعليه يخوي امسحها بوجهي اكيد عرف وهو مايرضى على خالد و..
ابو خالد : ماصار شي يخوي
صقر بستغراب : شسالفه !
الجد : ماصار شي يلا شوفو الفطور
سالم : انا بروح اشوفه
عند البنات
ساره : بنات وش بتلبسن اليوم
وعد : انا بلبس فستاني الاحمر عرفتوه
البنات : اي
سلمى : انا وين عايشه ليه وين بتروحن
روابي : والله انا وانتي مو من العايله اتوقع
جود : دراما كوين انتي وياها امس خالتي ام خالد قايله عن العزيمه
حلا : فاهيات
روابي بزعل : وعود دافعي عني
وعد حضنتها : الا روابي عاد ازعلكم كلكم
سلمى : بنت البطه السودا انا
وعد : لا بس روابي غير
روابي صفقت
سلمى : حيوانه قولي شي يجبر الخاطر
سالم من ورا الباب : سلموه
سلمى وهي رايحه : ياررب انصرني ذي تقول اني مسوى شي عندها وذا يقول سلموه
سالم : وش عندك تتحلطمين
سلمى : عندي انك اخوي وش تبي
سالم ضربها بخفه : اعقلي المهم وش صار على الفطور
سلمى:  خلص الحين نجيبه
سالم : طيب بروح انادي خالد وجابر وانتم ودو الفطور بسرعه ابوي عصب
سلمى : طيب وراحو
بغرفة العيال
جابر دخل وشاف خالد قاعد يطالع السقف وضلو ساكتين مايقارب الربع ساعه: خلاص ي خالد لتسوي كذا محد يجبرك يخوي وانا موجود
خالد : جابر محد يجبرني وانا مستحيل ارضى بلي يبونه بس سكت    عمي مستحيل يزوجني وعد وابوي مو راضي
جابر : تهون تهون وان كلفني اني ..
قطع كلامه دخول سالم : الفطور يلا
خالد : مالي نفس
سالم : جابر عادي تخليني مع خالد شوي
جابر : طيب طلع
سالم جلس عند خالد : افا كل ذا يصير فيك ومتقول لي
خالد بصدمه :وش الي ماقلته لك
سالم : سمعتكم واشوفك لك يومين ماتطلع من الغرفه
خالد حضنه وقال بغصه :
"الضيقه الي داخل الصدر ذا اليوم
اشد من ضيقة قبور النصارى
من يومين كان الوضع ماهوب مشئوم
واضحك واغني في جمال العذارى
وكان الصدر شرح ولا وسطه هموم
اشبه بدار ماوسطها فقارى
وذي الساعه صرت من الفرح شبه محروم "
سالم بادله الحضن : لتقول كذا والله يخوي ماعاش الي يضايقك خلك قوي مثل خالد الي عرفناه خالد الي من كبير لصغير بديره يحسب له حساب
خالد : ماتنفع القوه وذا طلب ابوك
سالم : مالعليك يزعل يوم يومين ويرضى انت ولده قطعه منه
خالد : بس عمي ؟ عمي تركي ماراح يزوجني وعد وابوي مو راضي وعمتي سعاد عمتي قريبه مني من ونا صغير ومرضى عليها مابي اشوفها مكسوره بفراق بنتها مابي اسوي شي واحس اني ضالم احد
سالم ابتسم : انا بتزوج ساره
خالد: لا يخوي انت ماتحبها ؟
( ساره جت تبي تناديهم بطلب جدها وسمعت كل شي وراحت ركض لغرفتها وهي تبكي وماكملت تسمع الشي الي لازم تسمعه )
سالم بطيف ابتسامه : تبي الصدق احبها ومحد يدري غير نايف كنت خجلان اقول لك
خالد : احلف انك تقول الصدق
سالم : والله والله
خالد رجع حضنه : والله كبرت ي سالم
سالم ضحك : بينا 3 سنين بس حسستني انك شايب
خالد : بس كنت احسك صغير
سالم : قوم اجل افطر معاي ترا ميت جوع
خالد : مابي اشوف احد فيهم
سالم : ولا يهمك اروح انادي العيال ونروح نفطر سوا بدون الشياب
خالد:  اجل يلا رح بقوم انا اتروش على السريع
سالم نزل ركض لهم : يعيال
الكل : بسم الله شفيه
سالم ضحك : ولا شي قومو نبي نفطر برا
الجد : وين تروحون والفطور
سالم : جدي اليوم انا مروق وابي اعزمهم
ابو خالد : واخوك بيروح
سالم : اي
ابو خالد : وش عنده ماينزل يسلم على الاقل
سالم : اتوقع انتم اكثر الناس عارفه وش به ؟
ابو خالد بحده : سااالمم
سالم : يلا ي عيال
صقر : زين جا اليوم الي تعزم به
سالم : علشان كذا قومو بسرعه لبطل ( اغير رايي )
راحو العيال يبدلون
نايف : وعد
وعد : هلا
نايف : وينك اليومين هاديه
وعد : اح يعني انا لجه
نايف : اكبر مزعجه
وعد : تذكر تذكر هين
نايف : امزح معاك تبين شي وانا جاي
وعد : اممم اييي صحح نبي البقاله
نايف : بقاله الفجر صاحيه انتي  ؟
وعد : لا مو للحين اذا رجعنا من العزيمه بنسهر انا والبنات ونبغى مفرحات بس بليل محد فيكم فاضي
نايف : اجل البسي عباتك بسرعه علشان الحق العيال
وعد : ابشر. راحت تركض
نايف ضحك : هبله وراح للعيال برا
صقر : وينك ننتضرك
نايف : اسبقوني بودي وعد للبقاله
جابر : مصقوعه على راسها اختك بقاله الفجر
نايف ضحك : يبنها لسهره بليل
خالد فز قلبه من اسمها : اسبقوني انتم انا اوديها
نايف : لا انا عادي
خالد : انا ابي البقاله رايح رايح
نايف : اجل يلا
راحو العيال وبقى خالد
وعد جت : وين نايف
خالد بطيف ابتسامه : راح قالي اوديك
وعد : طيب
بطريقهم للبقاله
خالد : وش فيك ساكته
وعد : ولا شي
خالد وقف : وعدي اعرفك زين وش فيك
وعد دمعت عيونها وصدت
خالد بخوف: وعد تكلمي لتخوفيني
وعد : ليه تكذب علي ؟
خالد : كذبت بوش
وعد بغصه : كذبت بكل شي كذبت بكل كلمه كنت تقولها لي كذبت وماقلت لي انك تبي تتزوج ساره
خالد بصدمه : لا والله ماكذبت بشي ابوي وجدي وابوك وعمي خالد هم يبوني اتزوجها وانا مستحيل ارضى اقولك شي ويبقى بينا
وعد : قل
خالد :سالم يحب ساره وبيقول لبوي وبيتزوجها
وعد : مابترضى
خالد : ليه
وعد : توها داخله 18 صغيره
خالد : بس الضروف تحكم مرات وسالم مو انه اخوي بس بيكون مناسب لها وبيحميها من ابوها ومن كل شخص ممكن ياذيها
وعد : خالد
خالد : لبيه
وعد : يعني ماراح تتزوجها
خالد : لا بتزوج وحده اسمها وعد تعرفينها !
وعد سكتت بحرج ومشت للبقاله ولحقها خالد
بعد ماخذت الي تبي رجعها للبيت وراح للعيال
عند العيال
سياف : اوه زين طلعت من غرفتك لنا كم يوم رايحين جايين من بيوتنا لبيتك ( الجد شرا لهم البيت الي قدام بيته وسجله بسمهم هديه )
خلف : لك وحشه ي رجال
خالد : بختبر غلاتي
سالم : قصايده لها وحشه اكثر سمعنا
خالد : شرايكم نلعب لعبه بها قصايد ؟
الكل : تم وش العبه
خالد : كل شخص يسأل الكل مفس السوال ونجاوب بقصيده
صقر : انا ابدا بسأل اول واحد سياف
سياف : يلا اسأل
صقر : من اكثر شخص فاقده
سياف : اخوي وقال قصيدته
" ليت الموت اخذني وخلاه
ليت الدموع الي علشانه علشاني
على تراب القبر من يوم غطاك
قال الفرح للحزن خلك مكاني "
صقر وسياف لفو وجيهم ونزلت دموع ذكرى شخص عزيز عليهم
نايف : امسحو دموعكم وترحمو عليه
الكل الله يرحمه
خلف : يلا صقر اسألني
خالد : نفس السوأل يسألنا كلنا
صقر : يلا  من اكثر شخص فاقده
خلف بغصه : ابوي
" مريت قبر وسطه ابوي مدفون
وصديت ماودي عيوني تشوفه
ياليته عن حزني دوم يدري
حزني عليه طوفتين فوق طوفه
يالله عسى ابويه من الي يفوزون
في جنتك نطلبك لطف او مروفه
نطلبك يالي رحمتك تاسع الكون
عساه في جنتك ساعه مشوفه " 
خالد ربت على كتفه : ترحم عليه يخوي ونشاءالله انه من اهل الفردوس
خلف بغصه: انشاء الله ( خلف من النوع الي مايبكي لو الدنيا وش ماتسوي به وكان يقوي نفسه ويقول خواتك لو شافوك مكسور ينكسرن اكثر واذا ذكر ابوه يكتب قصايد فيه وذي وحده منهم )
كملو العبه وافطرو وراح كل واحد شغله
عند البنات
روابي : خساره الفطور الي سويناه اخر شي محد فيهم اكل
سُلاف : صدق
نوف : بنات خالتي ام جابر تقول خلصو بعد شوي بنروح للعزيمه
سلمى : خلونا نروح نختار لبعض
سُلاف : انا جبت معاي فساتيني واختارو لي ههههه
وعد : يلا قومو
راحو للغرفه ( البيت فيه غرف كثير بس البنات يحبون ينامن سوا فا صارت لهم غرفه وحده )
سلمى طلعت فستان لونه نيلي ناعم مرا : شوفو بنات شرايكم ؟
وعد : يهبل مرا ويضبط عليك نتفه ( قصيره شوي ونحيفه )
البنات : حلو
وعد طلعت فستان احمر ماسك مع الخصر واسع شوي من تحت : انا اخترت ذا حلو ؟
روابي : اي مرا يطلع حلو وسوي شعرك ويفي
البنات الباقي : حلو
المها طلعت فستان ابيض انيق وعليه كرستال : وهاذا ؟
البنات بصوت واحد : يهبلللل
المها ضحكت : طيب
جود طلعت فستان بيج بحزام اسود : شرايكم
رغد : يطلع يهبل عليك
ساره طلعت فستان بلو بنفسجي تحت الركبه بشوي : هاذا
وعد : حلو مرا
سلمى : ايي ساره يطلع عليك يجنن
سُلاف طلعت فساتينها : شوفو ايش اختار !
حلا : حلو الاسود انيق مراا
المها : والبسي ذهب ناعم يطلع يجنن
حلا : وانا بنات
رغد : البسي فستانك الاصفر وحزام اسود يطلع حلو باقي انا
وعد : البسي التيفاني وحطي روج احمر
جود : وانتم ترف ونوف وش تبون تلبسن
ترف : انا ذا "فستان اخضر " حلو !
البنات : اي مرا
نوف : وانا ذا " فستان وردي تحت الركبه بشوي "
سلمى : يهبل لونه
وبكذا اختارو لبسهم وكل وحده سوت شعرها ومكياجها وكان مكياجهم خفيف مرا عباره عن روج وايلاينر وبلشر خفيف وخلال ساعه وحده خلصو
ام خلف دخلت : خلصتن !
البنات : اي
ام خلف اجل يلا مشينا تأخرنا
لبسو عباياتهم وتغطو وراحو لعزيمة الشيخ ( شيخ القبيله )
.................................
عند الرجال بلحوش قاعدين الساعه 10:00
خالد جا وعطا ابوه وجده نضره بمعنى لحد يتكلم لقلب الدنيا اليوم
الجد : وينك ي سياف وخلف ماشفناكم اليوم حتى على الفطور
خلف : افطرنا حنا والعيال سوا وبعدين انا اخذت امي وخواتي لسوق
سياف : وانا بعد بعد مافطرت معهم وديت سُلاف لسىق الي برياض
الجد : اسمعو كلكم اجل اليوم سماح بس بعدين لا فطور رمضان محد يعتذر عنه
الكل : ابشر
سالم : احم يبه ابيك شوي
ابو خالد : تكلم
سالم : ابيك برا !
ابو خالد قام
سالم وقف : خالد حتى انت
وراحو
ابو جابر : وش عندهم
الجد : الله اعلم
،
ابو خالد : انطق
سالم : يبه ابي اتزوج
ابوه : لصار عقلك براسك قل وقتها ابي اتزوج
سالم  : يبه انا صح امزح معكم واسوي مقالب واضحك بس مو معناته عقلي مو براسي اقولها صادق يبه
ابوه : خلاص قل لمك وتدور لك وحده ونخطبها
سالم : يبه ابي اتزوج ساره
ابو خالد بصدمه : نعم !!!

ــــــــــــــــــــــــــــــــــــــــــــــــــــــــــــــــــــ
اعذروني البارت قصير هاذا الي قدرت عليه وان شاء الله احاول انزل بكرا نفس الوقت ذا 🤍
( عطوني رايكم بلبارت )