بلاي ي جابر بعناد روس الرجال

بارت 26

رجعو وعرف الكل ان سلطان واخته بيجون
الجد : شرايكم نخليهم يجون بالمزرعه ؟
ابو خالد : من زمان مارحنا لها ودامه اجازه ؟
نايف : ايي بالله ذي الاخبار السنعه نبي نروح للمزرعه موافقين كلكم ؟
الكل : اي تم
الجد : اجل دام كذا اصحو بكرا بدري عشان نروح
روابي حضنت يد جدها : جدي لتنسى تقول للحارس يرتبها قبل نجي
الجد : ابشري يبوي
ابو جابر : وانا بجيب لكم ذبيحه بكرا واشويها لكم
جابر : يووه عاد من زمان عن لمساتك بـ الاكل يبه
سالم : وش عندكم متحمسين المرا ذي بزياده
ابو جابر : من زمان ماتجمعنا والمرا ذي ماحنا راجعين لين يوم الجمعه نرجع باليل
سلمى : حلو عشان نروح للمدرسه السبت مروقين ( معلومه بسيطه قبل كانو يدرسون السبت ويعطلون الاربعاء)
الجد : اي يبنتي وعشان كذا خلصو كل شي اليوم عشان نمشي الفجر
سلمى : وعد اتصلي على جود وسلاف علميهن عشان يتجهزن هن ونوف وترف
الجد همس لـ ابو خالد : حتى جوال يـ فيصل ماجبت لهن توقعت تندم على معاملتك لبناتك وعيالك بعد كلامنا بس ماهز بك شي مع الاسف
خالد مد لها جواله : امسكي كلميهن انتي
سلمى اخذت الجوال وطلعت تكلمهن
الجد : يلا كل شخص غرفته يجهز اغراضه وينام
وبكذا قام الكل يتجهز وينام
بغرفة رغد و وعد
رغد : خلصتي ؟
وعد تنهدت : لا للحين باخذ فستان مدري بس اخذ اي واحد الابيض او الاحمر ؟
رغد بتفكير : اخذي الاحمر حلو عليتس
وعد : تمام وانتي ايش بتاخذي فستان ؟
رغد : احس ماله داعي فستان ولا ؟
وعد : الا اخذي لان راح نروح بلبس مريح بطريق ولما ناصل نلبس فساتين 
رغد : تمام اجل باخذ حقك الاسود
وعد : اخذيه
بغرفة حلا وسلمى
سلمى : خلصت
حلا : وانا بعد
سلمى : بتنامين او شوي ؟
حلا : مو جايني نوم وانتي !
سلمى : بخلص واجباتي عشان لو رجعنا من المزرعه بكون متكسره وانام
حلًا بهدوء: اجل بنزل اسوي لي عصير تبغين ؟
سلمى : لا
عند ساره كانت تجهز اغراضها واغراض سالم
سالم : خليهن بعدين اجلسي
ساره : باقي مكياج احطه بشنطه واخلص
سالم : يبنتي اجلسي بطنتس يمشي قبلتس ارتاحي وكلمي شوي
ساره حطت كرسي وجلست قدام التسريحه تحط مكياجها بشنطه صغيره
سالم : الحين انتي بـ اي شهر ؟
ساره : الثامن
سالم : دامها بنت سميها انتي بس الولد انا
ساره : وش تبي تسميه لو كان ولد
سالم : نايف
ساره ضحكت : وش معنى متفقين خالد بيسمي فيصل وبعده جابر وجابر بيسمي خالد وانت الحين نايف
سالم : الموضوع ذا متعلق بسالفه سولفناها قبل لما كان عمري 12
( فلاش باك )
كانو قاعدين بالمزرعه حول النار
سطام ( اخو سياف صديق صقر ) : يعيال بعيد عن الشعر لو كبرنا وش بتسمون عيالكم
صقر : عن نفسي سطام
سطام مد يده : كفك يالعشير
صقر ضحك ومد كفه لـ سطام
جابر : مو بس انتم حتى انا بسمي خالد على رفيق عمري وعلى ابوي اثنين بواحد
خالد : يبعد حيي
سالم : مانبقى لحالنا وانا بسمي نايف
خلف : وانا ولدي سياف
خالد : انا اسمي فيصل لاني قايل لـ ابوي بسمي عليه بالمستقبل والثاني جابر
سياف : وانا بسمي خلف
نايف : وانا ابو سالم
سطام : ابو صقر
وبكذا اتفقو وتعاهدو يسمون على بعض من حبهم لبعض وتعلقهم ببعض
( انتهى الفلاش باك )
سالم : وعشان كذا بسمي ولدي نايف على الوعد الي وعدنا بعض به و كذالك الباقي بيسوون الوعد الا سطام الله يرحمه صقر لجاه ولد بيسمي سطام
ساره : الله يرحمه
عند جود
بعد ماقفلت من سلمى : يبون يطلعون بكرا للمزرعه
خلف : اوهه من زمان عن المزرعه عاد اشتقت اركب خيل
جود : يمه يخوف مدري شلون تركبونه
خلف : انتي خوافه ولا تذكرين لما خليتك تركبينه مايخوف على قولتتس
جود : الا والله يخوف وش كبره
خلف بضحك : اذكري الله على حصاني ليصير به شي
جود : ماشاءالله بس وربي اني صادقه
خلف : خوااااففهه
جود قامت بنرفزه من انه يقول لها خوافه وراحت تقول لـ نوف وترف وام خلف
اما حلا الي قامت على اساس تسوي لها عصير بس هي بصدق كانت تحس بغصه من طاري الدراسه فا حبت تطلع وتبعد عن الموضوع
ابو خالد تأنيب الضمير ماخلاه ينام قام بيطلع للحوش وشاف بنت بالمطبخ ( يلبسن عبايه ويحطن الشيله على راسهن عشان لو طلع احد من العيال يتغطن بسرعه )
ابو خالد: وش تسوين ؟
حلا لفت عليه وهي تكبح غصتها : جيت اشرب مويا بغيت شي يبه ؟
ابو خالد ابتسم وقال بحنيه : تعالي يبنتي ابيتس بموضوع
حلا كانت ها ذي اول مرا تشوف ابوها يبتسم لها بدون سبب ومشت معه طلعو للحوش وجلسو على الكراسي الي موجوده
ابو خالد بهدوء : ادري مستغربه ومصدومه من اني ناديتتس بس . سكت شوي وكمل . تدرين يـ يبه اني احبكم وانتم عيالي واغلا ماعلي بهدنيا وانا غلطت اني وقفت قدامتس وماخليتتس تحققين حلمتس وقبل كذا وقفت قدام خواتتس وخذلت اخوتس خالد بس طبعي كذا كان صعب علي اغيره حاولت كثير يبوتس بس ماقدرت وهالمره اعترف بغلطي بحاول اغير من طبعي
حلا الدموع ملت عيونها كانت اول مرا تسولف مع ابوها كذا قالت : يبه انت ماغلطت حنا ندري ان ذا طبعك وانت ابونا مانشيل عليك لو وش ماكان
ابو خالد : الواحد مو عيب يعترف بغلطه وانا غلطان واعترف بغلطي وعشان تتأكدين اني تغيرت بسوي اوراقتس ودخلتس الجامعه وبتخصص الي تبين واكون اول داعم لتس وبحاول اخلص اوراقتس وتدخلين الجامعه الايام ذي دام العطله مالها شهر خالصه
حلا بكت من الفرحه وحضنت ابوها وهي تبكي ابو خالد كان يمسح على شعرها وزاد ندمه وهو يشوف فرحة بنته بشي بسيط مثل كذا وهو انها تكمل دراستها ندم انه ماخلا جود والمها يكملن الا بعد ماتزوجو قرر يتغير ويصير اول داعم لعياله
حلا ابعدت عن ابوها وباست راسه ويده
ابو خالد : وصلي كلامي لـ المها وجود وقولي لهن اني نادم اني وقفت بوجه مستقبلهن
حلا : ابشر
ابو خالد : قومي يبنتي نامي وريحي مابقى شي عن صلاة الفجر وتقعدون
حلا : تصبح على خير
وراحت
ابو خالد توجه للدوانيه وشافهم نايمين كلهم وطلع وسكر الباب وراح غرفته ينام
صباح ثاني يوم صلو الفجر وافطرو وحطو اغراضهم بسيارات وحركو السياره على الساعه 5 ووصلو المزرعه 5:43 نزلو اغراضهم من السيارات
الجد : حارس المزرعه قلت له ياخذ اجازه اليومين عشان تاخذن راحتكم يبنات والمزرعه كلها نضيفه مابها شي بس دخلو الاغراض داخل يعيال
اخذو العيال الشنط داخل وبعدها راحو يتمشون بالمزرعه
خالد راح لـ بحر قرب منه وهو يحضنه ويربت عليه وقال : اهه يـ بحر يكبر شوقي لك والله اني فاقدك
بحر بدا يصهل وكأنه يرد على خالد.
خالد : ماتدري وش الي صار بي من تركتك هنا ورجعنا لين الحين اشتقت افضفض لك حتى لو انك ماتفهمني . سكت شوي وكمل وهو يربت عليه . كان ودي اقول لا اقول ماني مسامحتس اقول انتس خذلتيني وقت ماني بحاجه انتس تتفهمين موقفي بس
" خذت روحي وابعدت حتى ماعاتبتني وخذت بهجة مبسمي معها وخلتني ويوم جات تعترف بغلطها ماقدرت اعاتبها "
ابو خالد كان يتمشى هو وابو صقر ويسولفون ابو صقر قال له ان وعد رفضت حمد
ابو خالد : الله يوفقها ان شاءالله
ابو صقر : امين
ابو خالد : وانا سمعت كلامكم وقلت لـ حلا اني بدخلها الجامعه والصدق اني اكثر ماني نادم عليه اني خذلت ولدي
ابو صقر : اجل اسمع كلامنا بعد واحتوي عيالك وخالد ملاحضين عليه انه متغير انا اصلاً ملاحض انه مايتكلم معك مثل قبل قبل يجي يسولف ويفتح مواضيع الحين غير الكلام العادي لا احتويه يـ فيصل صر لهم الصديق والاخ والابو
ابو خالد : هاذا الي بسويه بس مدري وينه اختفى بكلمه
ابو صقر : راح لـ بحر رح شفه
ابو خالد هز راسه بـ اي وراح متوجه لخالد دخل اول ماقال خالد( خذت بهجة مبسمي ) ضل واقف يسمعه لين خلص
ابو خالد بهدوء : خالد
خالد لف بصدمه اول ماشاف ابوه وتوقع انه سمعه : هلا
ابو خالد : تعال نتمشى ابيك بموضوع
خالد : ابشر   وراحو يمشون بالمزرعه
ابو خالد : اسمع يولدي ادري اني غلطت معك بالحيل وماصدتك ولا حتى سمعت منك وادري اني غلطان
خالد قاطعه : لا يبه منت بغلطان
ابو خالد : مو بعيب اني اعترف بغلطي انا غلطت معك ومع خواتك وحاولتو بي انت وسالم اذكر حتى انه اخر مرا فتحتو الموضوع معاي قبل سنتين وقلت لكم الي يفتح الموضوع معاي مرا ثانيه ماني براضي عليه وتوني ادري اني غلطان بعد ماراح الكثير والحين ييبه ابيك تعذرني على اني خذلتك لما عرفت بسالفة عمك كانت لحضه غضب وبطبعي ماعرف اتراجع عن خطاء سويته اعذرني يولدي
خالد : عاذرك ييبه وصدقني اني ماشيل عليك بس دام انفتح موضوع خواتي يبه انت ربيتنا نحب بعض وناقف مع بعض ومانترك شي بخاطر بعضنا بس انا ادري وعارف ان خواتي بخارطهن اشياء واجد يبنها ومن اهم الاشياء جوال ويكملن دراستهن
ابو خالد : ادري وانا امس قلت لـ حلا بدخلها الجامعه وبحاول تلحق السنه ذي وقلت لها تقول لـ جود والمها يسامحني اني وقفت بوجه مستقبلهن
خالد مسك يد ابوه وحبها : عيالك مايشيلون عليك
عند باقي العيال
راحو قدام غرفة الحارس
جابر بضحك : يعزتي له تحملنا قبل يما عجز
سياف : تذكرون لما جينا هنا الفجر وهو نايم وقعدنا نقط عليه رضم  ( حصى ) وخوفناه يحرام قعد مثل المجنون كلما نقط رضم يقعد منخرع ويطلع يشوف مايلقى حد ويرجع اذن الفحر وهو مانام المسكين
نايف : هههههههههههههههه عاد انا وسالم اذكر مرا كنا نشوف بالتلفزيون يحفرون حفره ويغطونها بفرشه وقررنا نسويها حفرنا حفره قدام غرفته وغطيناها ببساط واول ماطلع طاح بها
الكل ضحك
سالم : اي عاد الحفره قعدنا ساعه ونص نحفر بها واخر شي علم ابوي وجدي وخلونا ندفنها وعاقبونا ناقف برا ورافعين رجل وحده بعد يانا تنقعنا بشمس ساعتين وهم منقعينا برا
خلف : يعني ضليتو 3 ساعات ونص بدون راحه اخر شي بس حفره وطيحتوه بها
صقر : مالومه يوم انحاش لسودان يبي الفكه منا
خلف : اي ذا رحمناه لان من سافر الاول وعمي فيصل منقعنا هنا بايام العطله وايام المدرسه نرجع من المدرسه نجي هنا تكسفنا
جابر ضحك : نستاهل الصدق
لفو على صوت ترف تنادي خلف
خلف لف لها : هلا
ترف : تعالي ابيك
واحو بعيد شوي
خلف : امري يعيوني ؟
ترف : عادي تشحن جوالي رصيد ؟
خلف : ابشري انتي تامرين مو تطلبين الحين اشحن لتس
ترف : اذا مامعاك عادي مو لازم الحين
خلف : ترف حتى لو مامعي وبغيتي شي تجين تقولين لي مايقصركن شي وانا موجود
ترف : الله يخليك لنا
خلف : الجوال معتس ؟
ترف : اي هاذا هو
خلف اخذ الجوال وشحن جوالها رصيد
ترف : يعطيك العافيه
خلف : يعافيك تبين شي ثاني
ترف : سلامتك
نوف من بعيد : تررفف تعاللليي
ترف : يلا انا رايحه. 
راحت ورجع خلف للعيال
عند البنات حطو الشنط داخل ولبسن وتمكين وسوو حلا وقهوه وخلصو على الساعه 8 وحطو لهم قعده برا وحطو القهوه والحلا وقعود هن والحريم الكبار
ام خالد : ماشاءالله الجو اليوم حلو شوفو شلون الغيوم
ام جابر : توقعاتهم اليوم باليل امطار والله العالم
سعاد : ان شاءالله يكون امطار مع الاجواء الحلوه
ام خلف : ان شاءالله علشان نقعد ندعي مع المطر
ساره : بنات لتنامون بدري اليوم كنكم دجاج نبي بقعد دام احتمال امطار
البنات : تم
سُلاف : وين شهد مشو ولا للحين ؟
روابي : اتصلي عليها شوفي
سُلاف اتصلت وبعد ثواني وصلها صوت شهد
شهد : هلا
سُلاف : مشيتو
شهد : للحين عندي اخو يومه عن سنه
سُلاف : يلا تعالو لتفوتك الاجواء
شهد بصراخ : سلطاااااااننن وجعااا اخللللصصص
سُلاف ابعدت الجوال عن اذنها : فجرتي اذني يخبله
شهد : رفع ضغطي تخيلي للحين ماخلص يفر بالبيت يقول احس اني ناسي شي وهو من الساعه 5 قاعد وشنطته مجهزتها امس يعني يفر كذا ليه مدري
سُلاف : اهبديه واسحبيه معتس
شهد : قفلي قفلي خليني اتفاهم معه ليجنني
سُلاف قفلت منها وكملو سوالف هي والبنات
عند ابو خالد وخالد
ابو خالد : اول ماجيت سمعتك تقول قصيده ولتلف وتدور معي تراني اعرفك زين وش سر هالقصيده
خالد عرف انه مهما حاول يكذب ابوه بيعرف انه يكذب من ملامح وجهه وهو اصلاً يبي يقول لـ ابوه عشان يخطب له وعد قال لـ ابوه السالفه كلها
ابو خالد بصدمه : ........

ننهي البارت هنا 🤍