كـربـلاء خـمسـة

part 5 || 16-5

﴿وَاسْتَغْفِرِ اللَّهَ إِنَّ اللَّهَ كَانَ غَفُورًا رَّحِيمًا﴾

ــــــــــــــــــــــــــــــــــــــــــــــــــــــــــــــــــــــــ

لُطفاً لا تنسون التصويت والتعليق بين الفقرات
لدعم الرواية 🌼
__________________________________

اليوم الثاني بدل ولبس ملابس رسمية أخذهن من الحارس طلع من ممر غرف الموظفين لممر الإجتماع ينتظر رئيسه طلب منه يجرد أسماء ألي يجون اليوم گعد علىٰ مكتب ويه حارس ثاني وبلشوا يشتغلون بكل دقة طلع التمساح يدرب بغرفة التدريبات ...

رفع خِنجر رأسه من المكتب بعد مـصارت الدنيا مغرب أكل هو والحارس وگعد يسولفله علىٰ زواجه الفاشل وشون حب وحده غير زوجته لأنه أنجبر بعمر صغير يزوج بنت عمه وبعدها أنهزم منهم ومن عشيرته وألتجئ هو وحبيبته للريس تمساح ساعدهم وهسه عندوا طفلين منها بقه خِنجر مندمج ويا وگلسـع يستفزة ويتقشمر عليه والثاني ساگت وگفوا من دخل التمساح شعره مبلل غير ملابسه بغرفته وطلع بسرعة أمر خِنجر يلحگه توجهوا لساحة السيارات بالممر الأخير أن فتحت البوابة وغادروا المنطقة ٦٦٦ توجهت السيارات للشارع العام ماخذين طريق مُغـاير للي أچـوي منه ضل يراقب الطريق موصلوا للـمكان لـحد مظلـمت الدنيا شـاف من بعـيد أسـوار عالـية تحـيط بيـت أنفتحت البوابات الـحديد هـل بوابات ذكرته بالسجن نفس تصميمهم ...

وصلوا لحديقة جبيرة بوسطها بيت مليان ورد
رگن السايق ونزل يفتح الباب للتمساح لحگه خِنجر وگفوا بالكراچ يحچي ويه المسؤولين عن هذا المكان رحبوا بي بكل حب وطاعة ...

بقه خِنجر يباوع على المكان بحيرة ويدقق بي
فجأة أنتبه علىٰ شي غريب فتح حلگه وهو عاقد حواجبه :- سيدي هاي البنية گاعد تنهزم لو أني دأتوهم!

رفع التمساح عيونه الصفر بغضب من شافها مشـه بأتـجاها بعـصبية وهـو يـذب جـگارته
أنتـبه خِـنجر علىٰ الحرس والخدم يتراچفون ونظراتهم مرعوبة لحگ رئيسه بسرعة يباوع علىٰ هاي البنية شعرها أسود بعيون سـود كبار بقه صافن علىٰ عيونها أول مره يشوف عيون هل گبر وسوادهن يجذب...

واگـفه عـلىٰ السـياچ لابـسه بنطـرون وقـميص حني خزرت التمساح بعيونها وهي تبعد شعرها لورا أذنها ... رفع التمساح عيونه ألها ...

- التمساح :- جواناااا ...Come here or I will kill you !!!

صاحـت بي گـدام الكل وهـي تـحرك أيـدها بأسـتهزاء أنـصدم خِنجر علىٰ تـصرفاته زلـم شگبرها شگدها ميتجرئون يخلون عينهم بعين التمساح وهاي لزمته خاوة...

- جوانا :- I will welcome the death that saves me from you ...

رفع أيده يريـد يزمها لأن الإرتفـاع عالي وكله حديد وسيام يخاف تتأذى :- Give me your hand !!!