كـربـلاء خـمسـة

part 33 || 22

"لا حول ولا قوة الا بالله العلي العظيـم "
______________________________
¥
¥
¥
¥
¥

------

حبايبي متابعة الحساب+ التصويت+
التعليق 🤍

__________________________________

الأعرج :- ماكـو شي أهم مِـن العائلة ..

رد الذي ذاق مرارة الواقـع ،

الأزعـر :- عن أي عائلة گاعد تحچي ؟
أحنـه كُلنه أيتام .

_____________________________________________
___

الـعراق ، بغـداد ...قـضاء الطارمـية شمـالـي
العاصمـة ..الساعـة السادسـة صباحاً..

- برنـو أبنـة كسري بن هاشم - زوجـة شبـل -

خايـفة ... فكـرة أنـه طلـع مِـن الـسجـن وگاعـد
يدور عليَّ بهـل لحظـة تخلـي أطرافـي ترچـف
ويـن أروح ؟ .. يـم منـو أبقـىٰ ؟.. وأصـلاً منـو راح يقبـل يساعد زوجـة أرهابي معـروف مِـثل
شبـل ، غمـضت عيوني أغطـي رأسي بالبطانية
الجـو كُلش بارد خاصـة هنا،الشط گدام غرفتي
أسمـع صوت سيل المي مِـن تدفعـه الريح بقوة

سمعت صـوت الحچيـة حجـل وهي تگعـد رندا
علمـود تسوي ريوگ ، مگدرت أنام الليـل كُله ..
النـوم صـارلي حسـرة ، بهـل أيـام بُـكل لـحـظة أتخيله يدفُر الباب ويدخل يسحلني مِـن شعري

أخـر خبـر وصلنـي مِـن آلهيثـم أنـه طـلع بعدها
أخـتفىٰ مـخابـرني مِثـل كُـل مـرة خايفـة شـبل يـأذي أو يقـتله أعـرف طبعـه زيـن مستـحـيل يسامح لُغتـه سلاحـه ميرحم أحد ،

حسـيت البـاب أندفعـت وانعلگ الضـوه رفعـت
رأسـي مِـن جوه البطانية بأنزعاج حچت رندا ،

- يلـه گوومي تريگي لساچ نايمـة

- ما أريد ..

أقتـرب تسحب الغطـة بقوة مِـن فـوگ جسـمي
- ركض حجـل تريدچ تگول عدها سالفة وياچ..

- شتريد ؟

- مگالتلي .. شبيـچ وجهـچ أصفـر !

- طلـع

- الهيثم مو گالچ احميچ ؟

- مديرد علـىٰ أتصالاتي

- يمـكن شبـل وصلـه أو عافچ

- بـس هو وعدني !

- گتلـچ لاتخطيـن هل خطوة ويا مِـن كُل عقلچ
تتعاونين ويه خطيبج السابق ألي يحبج علمود
تسجنين شبـل عفتي الكُل ورحتي علىٰ الهيثـم

- موو گافي شگم مره عدتيـها !

- تصررفچ غلط ... وأنتِ تعرفين كُلش زين هو
مِـن يا نوع أدعي ميلگاچ لأن حنمـوت وياچ ..