كـربـلاء خـمسـة

part 10 || 8

."لا حول ولا قوة الا بالله العلي العظيـم "
______________________________
¥
¥
¥
¥
¥
------

من لم يتعلم الحساب
لن يعرف حقيقتـه .

ستعلمكم هذه الرواية
كيف تكشفوا المستور ..

لن تستقيم حياة الإنسان
إذا لم يدخل فيها الحساب .

__________________________________

- يُمنى :- تفضلي خالة ؟

- سليمة :- شفتچ البارحة أنتِ ويا تسولفون بالسطح ؟

هزيت رأسي بخجل :- أي صح ..

- سليمة :- بنتي خليچ بعيدة عنه

- يُمنى :- ليش؟

- سليمة :- أحسن ألچ القرب منه حيتعبچ

- يُمنى :- لا خالة خطية خِنجر زين أعتبره مثل صديقي

- سليمة :- مو لأن أنتِ متعرفينه بعدچ

- يُمنى :- أعرف شنو؟

- سليمة :- لايغُرچ هل هدوء والرزانة هو شخص ثاني..

- يُمنى :- خالة خلي كلامچ واضح مدفهم شي؟

- سليمة :- أوف يبنيتي أنتِ بالمكان الغلط شجابچ هنا !

مسحت على رگبتي بقلق :- ليـش ؟

- سليمة :- وجودچ هنا أكبر غلط وأنصحچ ترجعين لأهلچ أو تشردين بثوبچ ..

رادت أحچي بس صوت خِنجر قاطعنـي :- تشرد وين؟

ساند ظهره على الباب يباوعلنه ببرود، عاگد حواجبـه بغضب ، انگلب وجه سليمة صـار أصفر فزت بمكانها أبستمت بصعوبة :- أگوللها ميصير بعدهي صغيرة تقبل تصير زوجة ثانية لزوين وحتىٰ غزل مراح تقبل هل شي فدگوللها ترجع لأهلها ..

بعد عيونه عنها وركزهن عليه :- وأنتِ شگلتي؟

حسيت گلبي يدگ على السريع فرگت أيدي:- حبقىٰ ما عندي مكان أهلي ميريدوني وأذا أرجع يذبحوني..

هز رأسه بهدوء :- دخوش

عافنه وطلع زفرت أمه الهوه براحة تباوع عليه بتعب :-حاولي لاتحتكين ويا وخليچ بعيدة .

عافتني وطلعت بدون جواب مقنع بقيت أباوع على الحايط مفهمتني شي بس تحذيرات ، فتحت التليفون شفتهن يتراسلن بمواضـيع أهواي طلعت من المحادثة .

ظليت أفكر عن شنو أبحث ماعندي واهـس حتىٰ اقرأ سدت التليفون ورحت أدور علىٰ خِنجر ، محتاجة ورقة وقلم ، سألت غزل ألي چانت واگفه تغسل أهدوم :- غزل وين خِنجر؟

- غزل :- شفته طلع بالحديقة..

أبتسمتلها توجهت للحديقة سديت باب المطبخ ورايه لگيته واگف شايل صونده يسگي الزرع ،