"لا حول ولا قوة الا بالله العلي العظيـم "
______________________________
¥
¥
¥
¥
¥
------
أبا عگـرب :- حين كان مراهق أخبرته عرافة
أن امرأة من القارة الجنوبيـة ، ستأخذ قلبـه .
__________________________________
- الـساعة بـ ٩ بليـل -
خليت أضـوية المطـبخ خافـتة وگـفت أسـوي زلاطة ودماغي مشـغول يم زوين گالي أنتظره هنا ، أمـه ومـرته سون أكل واكلن وكل وحـدة بغرفتـها ، قـبل ساعتـين شـفت رگبته زرگه ما أعـرف شـبي طـلع بـدون ميـگول لـمرته ويـن حيروح ، ألي عرفتـه بهـل فتـرة أنـو زويـن شـخص بخيـل جداً رغـم عِنـده فلـوس بس يستحيف يـصرف علـىٰ مـرته وجـهاله وكـل مسـواك ومـصاريف البـيت خِـنجر يدفعهـن ،
كُلهم يخلوني أخـاف مـن خِـنجر... بـس هـو الشخص الوحيد ألي أحتواني عكسهم كلهم ،
ما أعرف شنو شعوري تجاها مو حب بس ما
أريده يبتعد عنـي أحسـه هو الوحيد ألي يگدر
يحميني...
فجأة حسيت الباب تنفـتح دخـل يگح لازم رگبته وملامح الألم مرسـومة علىٰ وجهـا ،
عفت السچين علىٰ صـفحة باوعتله بحيرة
- شبيك ؟
رفع عيونه بغضب حچه :- مابيه شي
- يُمنىٰ :- أچيبلك مي ؟
- زوين «لا » عدل وگفته « شقررتي؟ »
نزلت عيوني بلگع خايفـة أعوفه ويكرهنـي
وأني ممتاكدة أنو كلامهم صح لو لا ، تكلمت بهدوء :- حبقىٰ...
صاح بيه ممصدك ألي اگوله :- تخبلتي أنتِ !
فزيت بمكاني بخوف ما أعرف شبي :- صاير حباب وياية وو... وممأذيني أبد..
أخذت نفس عميق بملامح تعبانة عبالهم أنو انهـزم شي سهل وخاصة ويه هل وضع وإني بنـية گضيت دل حيـاتي بين أربع حـيطان لا اندل ولا أعرف أحـد وحتى إذا طلعت حگعد
بلگع وأبچـي ، صح قوية بس أخاف :- وين أروح ماعندي أحد
رسم أبتسامة أستهانة أقترب :- أنتِ تعرفين اخوية شيشتغل ؟
هزيت رأسي بلا...
- زوين :- اخوية إرهابي يشتغل ويه ناس ذباحه..
رفعت عيوني مصدومة تكلمت :-منو گالگ ؟
- زوين :- حتىٰ التفجير ألي گتل خالي وعمج هو ألي سوا..
لزمت الكاونتر بيدي أحاول أسند نفسي عليه
:- لا مستحيل خِنجر ميسوي هيچ
مسح علىٰ وجها :- بعدچ متعرفي شتتوقعين مِن واحد گتل أبو !
حچيت بصوت مهزوز :- أبو ظلمة هواي !!
أنت تقرأ
كـربـلاء خـمسـة
Actionماذا سيحدث عندمـا يقـع أرهابي بارز فـي حُـب زوجـة أخوه الأكبر... منـظمة إرهـابـية سِـرية 5• رمـز الإشـارة هـو الرقـم | خمسـة | تتكـون مـن خمسـة أعضـاء إرهابييـن ، تتقسم الأوامـر مـن جهـة عُليـا سـياسية أعمالهم تتوزع مِـن تفجير مديريات أغتيال شخصيـا...
