كـربـلاء خـمسـة

part 15 || 880-8

"لا حول ولا قوة الا بالله العلي العظيـم "
______________________________
¥
¥
¥
¥
¥
------

راح أبقىٰ أحترگ هنا ،
لحد ما جرحچ يطيب .

- السفاح خِنجر

__________________________________

- يُمنـىٰ خليـلة الخِنجـر -

رفعت السچين مديتها أريد أضربه بـقه صـافن عليه متـحرك أنش ثابت بمكانه مدافـهم مـنيله كُـل هـل بـرود ، وگـفت طـارف السـچين نبتـته بصـدره أباوعـله بغـضب أضـغط شـوية شـوية أريد أخـوفه وهـو صافن راسم أبتسـامة هـادئة ردته بس يدافع عن نفسه أو يتـحرك ردت بس أشوف خوفه علمود أتشمت بـي أطاني مـوقف مُعاكس للـي رسـمته بدماغي عقـدت حواجـبي بصوت متنرفز :

- ليـش مدافع عن نفسك !

- خِنـجر  :- لأن هسه إذا أگـوم أخبزچ خليـني گاعد..

أبتسمت أبتسامة جانبية أتحدا دفعت السچين
شـوية بدون ما أجرحه حگ حاجبه :- شبيچ فاهيه أدفعي أقوىٰ..

صرخت شامره السچين :- أنتّ مو صاحي !!

مد أيده يـخلي ثلج بالگلاص :- أعرف

خليت أيدي علىٰ خصري :-  راح أروح...

قاطعني يفكر :- ليش تكتبين هواي أرقام البارحة أنتِ ونايمة سمعتچ تحچين وترددين أرقام معينة ؟

وگفت بمكاني ألتفتت عليه :- فهمت شي؟

هز رأسه بلا ...

أبتسمت بفرح :- أي زين الحمدللّٰه..

باوعلي صفح :- شضامه عليه ولچ ؟

رسمـت أبتسامة بريئة أحاول أسحب فضولـه وأنرفزة علـمود يـبرد گلبـي وأرتاح رفعـت حجابي لگحته ليورا أباوعله من طارف عينـي عقدت أديناتي لصدري بكل برود العالم
حچيت :- كومة شغلات متعرفها ومراح تفهمها حتىٰ لو حچيتلك..

عدل گعدته جامع أديناته :- مثل ؟

سحبت الكرسي الخشب الچان ملگوح بزاويـة
خليته گدامه بعيدة عنه متر گعدت عليه اباوع
بنظرات كُلها اسئلة فارغة من الإجابات أسئلة
مـراح ألگـي إجابة مُقنعة نزلـت عيـوني للگع نطقت بصوت مليان جدية وصراحة :-مِثل هم قتلت نفس بريئة ؟

جحظت عيونه يباوعلي بدون ردة فعل بقـه علىٰ سكـونه كأني گلت شـي عـادي وبسـيط مرات أفكر شـلون يگـدر لهـل درجـة يتـحكم بمشاعره ميبين لا حزن ولا يتفاجئ ولا رضىٰ أو قبول روحه خالية مِن كِل شعور ،

بـس شعـور واحد شـفته وهو الغـضب رغم أنه يگدر يتحكم بأعصابة بس نظراته تخلي بگلبي خوف...

شـرب مي موخر عـيونه من علىٰ عـيوني
حسيت لدقيقة يريد يقرأ أفكاري ويفهم من يا طينه آني رد :- مو گتلچ لاتحچين ويه زوين !