"لا حول ولا قوة الا بالله العلي العظيـم "
______________________________
¥
¥
¥
¥
¥
------
نيمني بين عيونك
بلگي همي يروح .
- يُمنىٰ بنت سراج بن فضة
_________________________________
أشعة الشمس تنتشر علىٰ شبابيچ لبيوت صوت
العصافير تغرد ، بره هدوء داوي بين الشوارع ،
فتـحت عيـوني مگدرت أنام غير أربع ساعات
رفعـت عيني علىٰ الساعة القديمة مكـسور أطارها لگيتها بتسعة ونص .. زاحت عيوني
أباوع علىٰ فراش سليمة لگيته فارغ ،
مسحت المكان بعيوني ملگيتلها أثر عدلت گعدتي أنفش شعري بأنزعاج أخذت نفس عميق أفكر بألي صار من چابتني لهل غرفة ،
چانت عصبية وشبه منهارة عيونها تجدح نار
متعرف شلون أم مثلها تنرهب مِن أبنها ،
أبنها ألي ربته وگبرته شنو ألي خلاها تخاف
وتريدني أبتعد عنه بأي طريقة مگـاعد افهم
وين حوصل ويه هل عائلة كومة اسئلة
برأسي كُل ما أحاول أسأل غزل زوجة زوين ،
تتحجج الثانية ومتگولي أي شي تغير الموضوع وحتىٰ سليمة تبقىٰ ساكتة ، هل سكوت يخليني منزعجة وكل معالم راحتي
تختفي ...حسيت بثگل كُلش چبير بصدري ،
مسحت بيدي علىٰ مكان الوجع اقرأ سورة
الكرسي بصوت خافت وعيون مغمضه أحاول أقرأها بتدبر وأيمان وقبل لا أكملها ..
وگعت الساعة من مكانها وتكسرت چامتها
فزيت مِن مكاني أصيح بصوت عالي ،
غطيت وجهي أصيح گلبي يرچف مثل سعفة
حسيت شي لزمني بقوة وچذبني إله مفتحت عيوني...
من سمعت صوته رفعت رأسي أباوعله بخوف،
حچه خِنـجر بقلق يباوع داير مدوره :- شبيچ ؟
ميلت شفايفي أبچي بخوف أشر علىٰ الساعة
- ال ..ساعة ..!
لمحها :- شفتي شي ؟!
هزيت رأسي بلا ...من حسيته لازمني دفعته
بنفور أبتعد عنه باوعلي ببرود يعدل قميصه ،
مسحت دموعي أحاول ألملم خوفي بهل لحظة
هل أسبوع چان كليومية أحلم باشياء غريبة
تريد تأذيني وأفز مفزوعة ومرات أحس صوت
صغير أو شي يتحرك ومرات تلمح خيالات سود تمشي بسرعة بس أگول هذا خيال وما أهتم ما أخلي عقلي يفكر بهل أمور...
حسيت بعد ما أتحمل وأريد أطلع برا هذا
البيت ، گعدت علىٰ فراشي أسحب اللحاف
أغطي شعري متقوقعه علىٰ روحي مثل طفل
خايف ، قاطع شرودي صوت خِنجر...
گاعد بعيد عني متربع ساند ظهره علىٰ الحايط
:- قبل لاتچين هنا هم چنتي هيچ ؟
هزيت رأسي بلا بصوت تعبان :- لا چنت نادراً ما أحلم أو أجفل..
أنت تقرأ
كـربـلاء خـمسـة
Actionماذا سيحدث عندمـا يقـع أرهابي بارز فـي حُـب زوجـة أخوه الأكبر... منـظمة إرهـابـية سِـرية 5• رمـز الإشـارة هـو الرقـم | خمسـة | تتكـون مـن خمسـة أعضـاء إرهابييـن ، تتقسم الأوامـر مـن جهـة عُليـا سـياسية أعمالهم تتوزع مِـن تفجير مديريات أغتيال شخصيـا...
