كـربـلاء خـمسـة

part 29 || 004069

"لا حول ولا قوة الا بالله العلي العظيـم "
______________________________
¥
¥
¥
¥
¥
------

أبو زينـب :- جميع عملياتنا جهادية ، نحن نفخر بكوننا أرهابيين .

__________________________________

-العـراق ، بغـداد ... السـاعة الثانيـة ظهراً-

أنـفـاس ثقيـلة حـرارة الجـو عبـرت الأربعيـن سليزي الارضيـة مِـثل الچمـر ، مسطرين بنص
السـاحة الكُـل گرعان ومصلخين أشعة الشمس
تضرب بأجسادهم تحرگ جلدهم التـرف ...

حبيـبات العرگ تنزل مِـن علـىٰ گصتـه مـنزل
رأسـه أثـار التعذيـب علـىٰ جسمـه والـجروح
هامليـها ممعالجيـها ، نصهـن يحرگنـه لسعة ألم
يحـس بيـها رفـع خِنجـر عيونـه بـدون مـينـتبه
عـلـيه واحـد مِـن الحـراس الـواگفـين عـليهــم ممنوع الكلام وممنوع واحد يرفـع رأسـه لحـد
هل لحـظة أربـعة تخربطوا متحملوا ضربتهــم
الشمس خاصة ويه التعذيب ألي گاعد يتعرض الأغلبــية ألـه ، محـد مقترب منهـم راد واحـد
يساعد ألي نهد حيلـه وفقـد وعيـه بـس واحد مـن الحراس زمـخ بي بغـضب مرجعـه لمكانـه

خله خِنجر عينه علـىٰ الزلم ألي فاقدين الوعي
يراقب تنفسهـم اكو واحد منهم چان مديتنفس
جسمـه أنخطف لونـه سمـعه من وگع شخط ...
عرف بي مات،غمض عيونه دافن رأسه بصدره
يعـرف هل شاب بريئ وچابوا لهنا بسبب تشابه
أسمـه ويه واحد أرهابي وخلوا غصبن ما عليه
يعتـرف أنـه هـو الإرهابي وهـسـه حتـىٰ جثتـه
أهلـه مراح يلگوهـا البعض منـهم يدفنونهم هنا
والبعض يطلعوهم لمقابر بعيدة يندفنون ..

حـس صـوت شبل يهمس بصـفه ركز ويا :

- شـبل :- تتواصلت وياهم ..

- خِنجر :- منو تقصـد ؟

- شبـل :- أبو زينـب ..

- خِنجر :- شلون ؟!! الحماية مشددة ..

- شبـل :- لگيـت مصعب وياهم هـذا الكـردي
الاشتغلنـه ويا ذيچ السنـة ..

- خِنجر :- وشمدريك مراح يغدر بينـه ؟

- شبـل :- ميغدر عنده مصلحـه يمي ..

- خِنجر :- شنـو هل مصلـحة دخلتني بيها مو!

- شـبل :- ما أكدر أنفذها وحدي

- خِنجر :- شگد ويوصل أبو زينـب !

- شبـل :- ما أعرف گال حيوصلـه خبر علـىٰ
المقر نهايـة هل أسبوع ..

- خِنجر :- ليـش ميخابره هسـه !

- شبـل :- ميگدر يريد يتواصل ويا من يدزوا
للشمـال علمـود محد يشك بي ..

- خِنجر :- ويـن چنـت هل أسبوع ! مشفتك
أخذوك ومرجعوك