"لا حول ولا قوة الا بالله العلي العظيـم "
______________________________
¥
¥
¥
¥
¥
------
.
.
الأزعـر :- حُبنـه ميصيـر ينكتـب رواية
حُبنـه لازم يندفـن ويانـه .
__________________________________
- العـراق ، بغـداد .. السـاعـة الرابعـة عصرًا -
رايـة -- چمـرة ملاذ -- دُرة الأغـا
نسيـت أحسـب وعفـت كُل الأرقام... كم جثـة
عبـرت مِـن گدام بابنـه اليـوم شفـت بعـيونـي
كيه ثانيـة شايلـة فوگـاها گبـر ملـفوف عليـه ،
يمكـن هـذا الشهيـد الـخامس ... أخـذت نفـس
ورجعـت أغسـل بسيـارة أبويـة فكـرة توديـني
وثانيـة تچيبني رجعتنـه لبغـداد چانـت اسـوأ
شي سوينا انجحزنـه هنـا منگدر نچازف ونطلع
رفعـت نظري لگيت أبن خالي گاعد بالسطح ،
ملـغم سلاحـه تأهب لأي شـي يصيـر وابويـة
گاعـد گـدام باب المـطـبخ شـايل البرنو مالتـه
مصـوبهـا ناحيـة البـاب وگلسُـع يصـيح عـليـه
أدخل چوا...
بعـد أختفاء مـلاذ أسلوبـه تحـسن ويايـه بـس
قسوتـه لساها ونظراتـه ألي تگسر گلبي كُل ما
ألمـح عيونـه ، طابت أيدي وكُل جروح جسمي
وحتـىٰ رچلي مِـن بـعـد الضـرب ألـي حصلتـه
منـه بـس شنـو يطيـب گلبـي ويداوي گَـسرتـه
گملـت غـسل الـسـيارة نـشفت الـطرمـة وإنـي ماعنـدي عيـن احطـها بعيـن أبـوية دخلت چوا
ساعدتهم بالتنظيـف بالختلـه يلـه اگـدر احچي
ويـه ملاذ ومرات تُمـر أسابيع ما أگـدر احچـي
ويا ، يظل بالي عليه ماعنـدي شي ألهي روحي
بي ... أبوية منعني مِـن القراءة بعـد معرف أنو
كُل الكتـب ملاذ چابلياهـن گمـت أخاف أشوف
ورقـة أقراها خاف أنگتـل ... ميهمــني الضـرب
تعودت عليـه بـس نظرات خوالي ونسوانهم...
تبقـىٰ تحـز بگلبـي مرات أكره ملاذ لأنه عافنـي
هيـچ معلگـه بـس أرجع وأفكـر أشـوف نفسـي
أني الغلطانة لأن مرحت وأنهزمت وخلصت من
هـل عيـشة ... كليومـية أكعـد الصبح أنظف و
أگعد بغـرفة بنـت خالي كُل الـبنات ينامن بيهـا
صعـدت الـدرچ بهـدوء وصلـت للبايـه الأخـيرة
سمعـت صـوت طلـق وصريخ ركضـت بـسـرعة
للغرفـة أشوف مِـن ورا البردة كُل ألي بالي بهل
لحظـة أنو راح نموت هجموا علينـه...
شفـت سيارات منصبين عليـها أسلحـة ملغمـة
نزلوا ملثمين شايلين أسلحـة گدام بيت أم فَي
كسروا البـاب ودخلوا شـفـت أبـنـها يطـلع مِـن
المطبـخ يركض مفزوع ... كُلشـي أگدر أشوف
بيتـهم گدام بيتنـه ،أيدي ترچف همست بخوف
أرجع... !! أرجع أنهززم !
طلقـة وحـدة بنـص رأسـه چانـت كافيـة ردتـه
شهـيد طلعـت أمـه بدشـداشـة مـعالم الـخوف مرسـومة علـىٰ وجـها حتـىٰ مـحلـگـت تخلـي الـحـجاب علـىٰ رأسهـا قبـل لا يصـوبوهـا ...
شمـرت روحـي ورا الحايـط أبچــي ما أريـد
أشـوف أكثـر مِـن هـيچ البــارحة دگـت بابـنه تچيبلنه خبز واليـوم گتلوها گدامـنه وماگـدر
زلمـة واحد يدخـل أو يوگف بوجهم لأن يعـرف
ميـة بالميـه حيـذبحوا هوه وكُـل أفـراد عائلتـه
أنت تقرأ
كـربـلاء خـمسـة
Actionماذا سيحدث عندمـا يقـع أرهابي بارز فـي حُـب زوجـة أخوه الأكبر... منـظمة إرهـابـية سِـرية 5• رمـز الإشـارة هـو الرقـم | خمسـة | تتكـون مـن خمسـة أعضـاء إرهابييـن ، تتقسم الأوامـر مـن جهـة عُليـا سـياسية أعمالهم تتوزع مِـن تفجير مديريات أغتيال شخصيـا...
