بعنوان: 🔥مُــهْــجَــةُ الــقَــاسِــي🔥
🍷أسـيـرة سـفـاح تـيـخـوانـا🍷
بأنامل: 🔥رباب نجمة Rabab Najma🍷
الجزء الثاني والثلاثون:
إبتسم أب مُهجة إبتسامة طفيفة ناطق بهدوء وعينيه على بنتو الوحيدة لي كاتفادى النظر ناحيته..........
محمد سلطان: بارك الله فيك سي دانييل.........
تكلمات لالة جيلان بإعجاب راسمة إبتسامة عريضة على وجها ذو التجاعيد الواضحة المزين بمساحيق التجميل.........
جيلان: تبارك الله عليك أولدي كتهضر مزيان بالدارجة..............
رد عليها دانييل بشبه إبتسامة ناطق بهدوء مخلي نظرات الجميع مركزة مع كلامو وتفاصيله، دانييل عندو هبة مميزة وكايعرف كفاش يفرض حضوره ويلفت إنتباه الكل.............
دانييل: شكرا بزاف أ مدام جيلان الفضل كامل راجع للأم ديالي لي كاتقن الدارجة رغم أنها ماشي مغربية الأصل بحيث أنها كبرات في المغرب وخلاتني نعيش بين المكسيك والمغرب يعني الأمر كان ساهل بزاف باش نهضر بالدارجة بإتقان.............
ابتسمت مُهجة إبتسامة عابسة موجهة نظراتها للأب ديالها السي محمد سلطان ناطقة بنبرة رقيقة قدرات تطرب مسامع دانييل لي شاف فيها بنظرات عاشقة...........
مُهجة: لو كانت ماما هنا كانت غاتبهرنا كاملين بإتقانها للدارجة ياك أبابا.........
بلع السيد محمد سلطان ريقو بصعوبة ماقادرش يتحمل هاد المشاحنة لي بينو وبين بنتو وهاد العقدة لي مازال ما قدر يحلها وينهي هاد الحاجز لي بيناتهم.............
تكلمات لمياء بنبرة رقيقة وأنثوية كاسرة داك الصمت لي حل بعد كلام مُهجة ناظرة بإعجاب لدانييل، واضعة ساق على ساق مخلياهم يبانوا بإثارة من خلال فستانها الأسود القصير............
لمياء: سمعت بزاف عليك أسي دانييل كاتميز بشعبية كبيرة.......أخيرا قدرت نقابلك مباشرة.........
وجهات مُهجة نظراتها للمياء نظرات لي أبدا ماخفاوش على لمياء لي هربات عينيها من عينين مهجة لدانييل لي كاتسناه يرد على كلامها هو لي اكتفى فقط بإبتسامة...........
سرطات لمياء ديك القمعة ونطقات أروى لي كانت جالسة بالقرب من مُهجة بحلتها الفاتنة بداك الفستان الأحمر الأنيق وشعرها المموج كايتحرك معها في كل حركة كاديرها...........
أروى: مبروك عليك أحبيبتي، كانتمنى ليكم السعادة في حياتكم...........
ابتسم دانييل في حين ابتسمت مُهجة حاطة يديها على يد أروى ناطقة بنبرة رقيقة........
مُهجة: شكرا حبيبتي..........
#يتبع.....بقلم: رباب نجمة 🔥 أراؤكم حبيبات قلبي ❤️ ديروا إشهارات للقصة باش ماتوقفش🖋️👑
أنت تقرأ
مهجة القاسي Mohjah Al Qasi
Romanceبعنوان: 🔥مُــهْــجَــةُ الــقَــاسِــي🔥 🍷أسـيـرة سـفـاح تـيـخـوانـا🍷 بأنامل: 👑رباب نجمة Rabab Najma👑 ❌🔥أنتِ دُميتي وأنا جحيمُكِ🔥❌ قررت أن أعود إلى حيث الذات، فالكتابة هي المشروع الأقدس لإخبار الروح كي تبوح. ففي هذه اللحظة البوح يعلن ع...
