بعنوان: 🔥مُــهْــجَــةُ الــقَــاسِــي🔥
🍷أسـيـرة سـفـاح تـيـخـوانـا🍷
بأنامل: 👑رباب نجمة Rabab Najma👑
❌🔥أنتِ دُميتي وأنا جحيمُكِ🔥❌
قررت أن أعود إلى حيث الذات، فالكتابة هي المشروع الأقدس لإخبار الروح كي تبوح. ففي هذه اللحظة البوح يعلن ع...
جالسة على حافة السرير يديها الناعمة مرخية جنبها بدون حركة........قلبها كيضرب بقوة ومع كل ضربة صدرها المثير كيتهز بارتجاف.........عينيها الواسعتين حادراهم للأرض ورموشها المبللة محنية معها مع اهتزاز خفيف من حين لأخر........ودمعة يتيمة واقفة في طرف عينيها ماساخياش تنزل من دفئ عيونها.........
هبطات ديك الدمعة الحبيسة راسمة طريق طويلة على خدها وقبل ماتزيد تتعمق في طريقها هزات يديها الرقيقة كتمسح فيها بعنف........ظلت قارمة وساكتة كتنهد بعمق..............
غاتجمع مرة أخرى مع عائلتها لي جات لهاد المدينة هاربة منها.........وفي مناسبة غير متوقعة......مضطرة تمثل دور الأنثى السعيدة بزواجها..........وترضي غرور وكبرياء داك الشخص القاسي والمتسلط.......
هزات عينيها بضيق منين سمعات الباب تفتح كتنتاظر تسمع كلام من عند مقتحم غرفتها........
نزلات عينيها للأرض ونزل معها شعرها الأسود بإنصياع مزيرة بيديها على بطنها العارية بحيث أنها لابسة قميص قصير مغطي فقط صدرها المغري وتنورة طويلة ذات فتحة جانبية مخلية طول ساقها يبان بإثارة........
حسات بيه كيشوف فيها وقطبت جبينها الصغير بضيق وقليل من النفور والخوف راودها من جديد....عضات على شفايفها بعفوية معارفاش اشنو دارت فيه بهاد الحركة.....
كان مزال واقف كيشوف فيها بعيون مظلمة رافض يتحرك من تما....
تقدم بخطواتو للأمام مقرب منها.....شهقات مخرجة عينيها وقلبها كيضرب فاش جرها لعندو ماسكها من بطنها.....نزلات راسها وشعرها تحنى معها بإنصياع وخدودها توردوا من الخجل غير حسات بنظراتو وأتفاسه الساخنة لي كاضرب فيها........
مد يديه لذقنها رافعو ليها باش تشوف فيه بعينيها الخضراوتين.......سها في عينيها وحرك يديه بإثارة وجنون على خصرها النحيف ناطق بهمس...... دانييل: كيف وليتي دبا ؟
أول مرة كاتحس بالإحراج والخجل من نظراتو وإحساس الإعجاب استيقظ داخلها.......نطقات بهمس..... مُهجة: أحسن من قبل.........
هي مستحيل تخليه يوقعها في شباكو، هو ذئب ماكر كايعرف يخليها تضعف بسهولة أمامو لكن هي ماغاتسمحش ليه بهادشي.....هي ماغاديش تضعف وغاتقتل داخلها أي شعور ناحيتو حيت هو قاسي ماكايستاهلش........
انتفضات من بين ذراعو متراجعة للوراء ناطقة بنبرة غاضبة....... مُهجة: نت شنو كاتحاول دير، شنو الفخ لي باغي توقعني فيه هاد المرة ؟
ابتسم جنب عاض على شفتو السفلى وقرب منها بطريقة مربكة لمشاعرها.......ناطق بهمس...... دانييل: فخ الحب............
#يتبع.........بقلم: رباب نجمة ❌🥀 خلي رأيك أزين وتوقعك وديري إشهار إلا مادرتيهش ماغانحطش أجزاء جديدة بغيت نعرف كيجاتك أجزاء الليلة واش في نظرك مهجة بدات كاتكن شي مشاعر لدانييل....🔥التتمة بعد 100 جيم و300 تعليق الا كثرتوا الإشهارات غاتكمل بسرعة🍷
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
