بعنوان: 🔥مُــهْــجَــةُ الــقَــاسِــي🔥
🍷أسـيـرة سـفـاح تـيـخـوانـا🍷
بأنامل: 👑رباب نجمة Rabab Najma👑
❌🔥أنتِ دُميتي وأنا جحيمُكِ🔥❌
قررت أن أعود إلى حيث الذات، فالكتابة هي المشروع الأقدس لإخبار الروح كي تبوح. ففي هذه اللحظة البوح يعلن ع...
تكلمات جيلان بعدم إستيعاب لكلام ولدها..... جيلان: ولكن لي عارفة أن مهجة ماداخلة في حتى علاقة مع شي شخص....منين خرج لينا هذا ؟
رد عليها السيد محمد بصوت منخفض وبنبرة منكسرة.... محمد: بنتي مزالة حاقدة عليا لدرجة ماكلفاتش راسها هي لي تخبرني بل مخلية راجلها هو لي يتكلف بأنه يعلمني........ماخداتش رأيي في هاد الزواج........
تكلمات جيلان بتبرير...... جيلان: مهجة أكيد كانت ناوية تعلمنا غير حيت كانت مشغولة الفترة الأخيرة بأمور الشركة و رحلتها المفاجأة......خصنا نعذروها أولالا أ سي المختار........
حرك الجد راسو بإماءة ناطق بنبرة خشنة...... المختار: معلوم, حفيدتي مهجة ولات كبيرة وعارفة أش كادير حنا خصنا نأيدوها في إختياراتها.....مهجة بنت ذكية ومعروف عليها الحكمة.....ما علينا غير نباركوليها زواجها ونمشيو عندها نساندوها........
حرك السيد محمد راسو بالإيجاب فحين تكلمات لالة جيلان....... جيلان: مهجة حسنات الإختيار وختارت شخص يليق بالمكانة ديال عائلتنا، أنا فخورة بيها بزاف...........
حركات لمياء فكها بعصبية أو وقفات ناطقة بشموخ....... لمياء: تصبحوا على خير عندي مايدار........
انسحبات من الصالة مخلية العائلة منغمسة في الحديث على مهجة و مراد كيلعب بالهاتف ديالو مامسوقش........
دخلات لمياء لغرفتها وزدحات الباب بالجهد ماعاجبهاش الحال من كلام جداتها ومن خبر زواج مهجة بداك الشخص ذو المكانة الراقية...........
تمشات في غرفتها بعصبية كتشتت في الديكورات الخاصة بغرفتها........وقفات كتنهج ناطقة بغضب........ لمياء: حتى قلت تهنيت من ديك اللفعة حسابلي بصح طايحة فشي مشكل ولكن طلعت غالطة.....ديما الحظ واقف بجنبها.........كانكرهها من كل أعماق قلبي إمتى غانتهنا منها......
خرجات من غرفتها متجهة للأسفل فين طلاقات بالأب ديالها "يعقوب" داخل مع الباب مازال ما عارف أشنو واقع حيت ماحضرش لحديثهم.........
سلمات عليه راسمة إبتسامة مزيفة وخرجات من تما معصبة.....ركبات في سيارتها ناوية تمشي طلاقا بصحابها فشي نادي ليلي ناطقة بغل....... لمياء: غاندمك أ لفعة ماغانخليكش تفرحي بهاد الزواج........
دخل يعقوب للداخل متجه نحو الصالة فين كانوا مزالين جالسين كايهضروا، كان رجل أربعيني وسيم ذو جسد رياضي بإمتياز.......لقا التحية وتكلم بهدوء..... يعقوب: مساء الخير........
الجميع رد التحية فحين هو وجه كلامو لطليقته "آسية"....... يعقوب: ممكن نهضر معك.........
وقفات آسية وخرجات معاه للجردة باش يهضروا........بادر هو الحديث ناطق بهدوء....... يعقوب: أنا غادي نسافر مع الخطيبة ديالي وبغيت نأمنك على ولادي بغيتك تحسسيهم ولو غير بشوية دالحنان.......
حرك راسو بالإيجاب ماباغيش يطول معها في الهضرة حيت عارف طبعها الصعيب.... انسحب مغادر المكان فحين هي شعلات هاتفها باش توصلها رسالة....."كنتسناك أحياتي ماتعطليش عليا".......
#يتبع....بقلم: رباب نجمة🖋️🍷 في نظركم آسية شنو مخبية وشنو المشكل لي بين مهجة وباباها ماتنساوش تخليولي أراؤكن وتوقعاتكن للأجزاء القادمة قراو التعليق لي مور هذا 🔥
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
