بعنوان: 🔥مُــهْــجَــةُ الــقَــاسِــي🔥
🍷أسـيـرة سـفـاح تـيـخـوانـا🍷
بأنامل: 🔥رباب نجمة Rabab Najma🍷
الجزء الثامن و العشرون:
واقفة بجانب والدتها في المطبخ الواسع والمجهز بإتقان......متكية على البوطاجي الرخامي كاتراقب الأم ديالها لي كاتقلي في الفريت وكاتنقب من الحبات لي وجدوا..........
كاتسمع لحديث الخادمات الأخريات لي جالسين أمامها على الطاولة كايمسحوا الأوانؤ وكايتكلموا بفضول.........
الخادمة ١: شفتي وجه ديك المشرارة دلمياء كيف رجع فاش سمعات بزواج بنت خالها...........
الخادمة ٢: خفتها غير تخرج فيا الأعصاب ديالها كاتعرفيها فاش كاتعصب كاديرنا تحت الصباط.....
الخادمة ٣: أنا البنات بقا فيا غير سيدي محمد مسكين مايستاهلش هاد الهموم كاملة ماحيلتو لبنتو لي مازالة هازة فقلبها من جيهتو ماحيلتو للفراغ لي خلاتو مرتو اللولة، باز ليها سمحات في الزين والقلدة وتبعات ليا داك ميخي ها العار البنات دعيو معيا غير بشوفة وحدة منو راني نموت ونحيا غير يشوف فيا.....
ضحكوا عليها البنات باش تنطق وحدة فيهم في نفس الوقت بسخرية.......
الخادمة ١: واباز واش هو غايديها في وحدة بحالك، هو ماغايشوفش في وحدة غير خدامة في الديور ماشي من مستواه تقيل ضرب فالكرفي باش تربح جوج دريال تصرف بيها على راسها هو يا لالة لا عول ياخد غايشوف ليه شي وحدة لاباس عليها وخدامة خدمة واعرة وكاتلبس غا الفريع ومهلية فراسها ماشي بحالها كانقيلو بنفس اللبسة حتى كاتطلب منا الشرع أو وجهنا صفر بحال إلا شادانا الموت..........
ضحكات لالة نجاة على حديثهم وتكلمات بصوتها الحاد.......
لالة نجاة: براكة البنات من اللغى الخاوي وطلقوا يديكم باقية تابعانا شلا شغالات...........
كانت مراقباهم أروى في صمت كاتسمع لكلامهم وكاتحاول تسيطر على أعصابها خاصة وأنها عارفة بلي وحدة فيهم مزعوطة في محمد سلطان وكاتزلل عليه كلما جاتها الفرصة ولكن هي حاطة عليه العين ومستحيل تخلي شي وحدة تحط عينها على حاجتها وإلا كانت شي وحدة غاتكون مع محمد سلطان فغاتكون أروى وماغاتكونش من غيرها............
قاطع تفكيرها دخول السيد محمد سلطان للمطبخ بإطلالته الأنيقة وهبته لي كاتخلي قلبها يضرب بجنون.......كلشي حدر عينيه وجمع الوقفة إلا هي بقات مركزة النظر في عينيه بإعجاب حتى قرصاتها مها عاد حدرات عينيها........
رد البال لنظراتها الجريئة وابتسم جنب برضى ناطق بهدوء.......
السيد محمد: أروى تبعيني..........
خرج مخليها في دهشة وقلبها متشوق لمقابلته على إنفراد في حين الخادمات كايتغامزوا عليها...........
تكلمات لالة نجاة بأمر.........
لالة نجاة: سربي راسك أش باقا واقفة كاتسناي تبعي السيد وردي بالك تزبليها.............
تحركات خارجة من المطبخ متجهة نحو غرفته......دقات الباب جوج دقات ودخلات بعدما خدات إذنه........
دخلات حادرة عينيها للأرض بخجل من ديما كانت كاتفتنو بخجلها لي مامتعودش يشوفوا دائما منها من ديما كاتغلب عليها جرأتها معاه وهادشي كايزيد يعجبو فيها..........
أروى: نعام أ سي محمد.....
#يتبع.......بأنامل: رباب نجمة 🔥 أراؤكم الحبيبات في أروى وسي محمد سلطان في نظركم أروى غاتقدر تحصل على قلبه🍷
أنت تقرأ
مهجة القاسي Mohjah Al Qasi
Romanceبعنوان: 🔥مُــهْــجَــةُ الــقَــاسِــي🔥 🍷أسـيـرة سـفـاح تـيـخـوانـا🍷 بأنامل: 👑رباب نجمة Rabab Najma👑 ❌🔥أنتِ دُميتي وأنا جحيمُكِ🔥❌ قررت أن أعود إلى حيث الذات، فالكتابة هي المشروع الأقدس لإخبار الروح كي تبوح. ففي هذه اللحظة البوح يعلن ع...
