بعنوان: 🔥مُــهْــجَــةُ الــقَــاسِــي🔥
🍷أسـيـرة سـفـاح تـيـخـوانـا🍷
بأنامل: 🔥رباب نجمة Rabab Najma🍷
الجزء الثالث و العشرون:
يوم جديد حامل في طياته أحداث غامضة بشخصيات معقدة...........🖤
تسللات أشعة الشمس لداخل ڤيلا بن شقرون باش يستيقظ الجميع مرحبين بيوم جديد..........الحركة في الڤيلا بدات والخدم خدامين على قدم وساق بما أنه يوم مهم بالنسبة لعائلة بن شقرون..........اليوم لي غاتسافر فيه العائلة باش تحضر لمراسيم زفاف الحفيدة الكبرى..........
اجتمع الجميع على مائدة الفطور......وبداو كايفطروا في صمت وهدوء........كل شخص فيهم كايفكر في أمور كاتخصوا هو بوحدو لكن الشيء المشترك بيناتهم هو السفر لي جاهم على غفلة..............
انتهى الفطور أو انسحب الجميع متوجهين باش يقضيو مشاغلهم ويوجدوا راسهم لهاد السفر...........
في الجردة الخاصة بالڤيلا كانت أنثى فاتنة ذات ملامح بريئة، كاتسقي في النباتات بهدوء........دلات شفتها بعبوس حاسة بالملل.......
فجأة حسات بالخطاوي موراها وماماها كتعيط ليها..........تكلمات الأم ديالها بغضب......
نجاة: واش أبنتي عاماين باش تسقي الجردة ؟ شغلك ديما ثقيل غير قولي كفاش غاديري في دارك......من النهار الأول يرجعوك ليا أ الخطية........
تكلمات الفتاة بعبوس ناطقة بنبرة خافتة.......
أروى: غير خليني فاش غانوصل لدار راجلي غانضبر لمحايني........
تكلمات لالة نجاة بأمر وتمشات بسرعة وأروى تابعاها من الوراء......
نجاة: تبعيني براكة من الهضور الخاوية ونتي لسانك كثر منك في الطول........سيري لبيت سي محمد ولالة آسية وجمعي ليهم حوايجهوم في الباليزة حيت غايسافروا اليوم ياويلك أبنتي يا أروى وديري شي زبلة عاوتاني وتشوهيني مع الناس تصدقي خارجالي على خدمتي والله حتى نوريك.......يلاه طيري من قدامي.........
حركات راسها بالإيجاب ناطقة......
أروى: وخا.........
تمشات على طول داك الممر كاتمشى بعيون متفحصة....من ديما كانت فضولية........كتحسب الخطوات إمتى تدخل لغرفته وتستنشق ريحتو......
وصلات لغرفة السيد محمد ودخلات متقدمة للداخل.....
وسعات عينيها بدهشة فاش لقاتو واقف عريان من الفوق والقليل من الوشوم مزينة ظهرو العريض... كان كيطل من النافذة الزجاجية لي كتعكس البحر الهائج لي مقابل مع الڤيلا..... منظرو ساحر وجذاب......هاز فيديه گارو كايكمي....
تصعقات بالمعقول أول مرة تشوفو عاري الصدر أمامها بعضلاتو المشدودة ولون بشرتو لي الإحمرار خدا حيز كبير منها...بشرة لامعة وملساء ... وسيم لأقصى درجة تقول ماشي هذا لي عندو أكثر من أربعين سنة... وقفتو الرجولية كلشي كيجذبها ليه.... ولي صدمها أكثر هو أنه كايكمي ماعمرها ظنات غايكون كيكمي ولا كيستعمل هاد الأشياء....شكلها غافلة على بزاف دالحوايج....متبعة قلبها وماعارفاش بلي ماشي ساهل تدخل لهاد العائلة تحت إسم زوجة السيد محمد بن شقرون... تمتمات بخفوت وهي حالة فوهة فمها بذهول...
أروى: شكون غايتيق بلي أنا طايحة فيك أ الشارف...
أنت تقرأ
مهجة القاسي Mohjah Al Qasi
Romanceبعنوان: 🔥مُــهْــجَــةُ الــقَــاسِــي🔥 🍷أسـيـرة سـفـاح تـيـخـوانـا🍷 بأنامل: 👑رباب نجمة Rabab Najma👑 ❌🔥أنتِ دُميتي وأنا جحيمُكِ🔥❌ قررت أن أعود إلى حيث الذات، فالكتابة هي المشروع الأقدس لإخبار الروح كي تبوح. ففي هذه اللحظة البوح يعلن ع...
