بعنوان: 🔥مُــهْــجَــةُ الــقَــاسِــي🔥
🍷أسـيـرة سـفـاح تـيـخـوانـا🍷
بأنامل: 🔥رباب نجمة Rabab Najma🍷
الجزء الحادي والخمسون:
🔥شٓــبــيــهــةُ الــدُّمــــــى🍒🔥
"أنتِ دُميتي وأنا جحيمُكِ"
عمرو في حياتو بغا ولا فتح قلبو لشي بنت، بالفعل كانت عندو علاقات كثيرة، فتيات كثار دخلوا حياتو وقدر يلبي من خلالهم حاجياتو.........لكن كلها كانت مجرد علاقات عابرة عمرها رضاتو ولا لبات رغباتو ولا حتى خلات قلبو يتحرك شي نهار.........
كان كايظنها بحالهم مجرد فتاة رخيصة.....غايقدر يستدرجها ويدير فيها لي بغا ومن بعد يرميها بحال شي دمية رخيصة لكن طلعات أغلى من لي توقع........دمية ثمينة وماشي سهلة.........
تمنى لو طلاقاها في ظروف أحسن لكن عمرو عاش ظروف أحسن باش يطلاقاها فيها.......هو حط عليها العين وقرر يخليها تبقا معاه بالغصب وفعلا حقق مرادو لكن مازال ماعارف يتعامل معها...........
في الوقت لي كايعاملها بقسوة شي حاجة كادفعو ليها وكاترغمو يعاملها بحنان......هي أنثى دافئة وناعمة تستاهل الهدايا والقبل وماشي القسوة والحدة...........
زير على أسنانو بعصبية هو في حيرة من أمرو مامصدقش بلي هو معصب وفهاد الحالة بسبب بنت.........
🍷صباح جديد كايحمل في طياتو الحيرة والغموض♠️
كانت جالسة في الصالة طالقة شعرها الأسود بحرية على كتيفاتها لابسة فستان أخضر ملكي متناسق مع لون عينيها..........كاتشرب القهوة الصباحية لجانب عائلتها وعلى رأسهم زوجها "دانييل سيرانو"...........
كانوا كايناقشوا موضوع العرس ديال دانييل و مُهجة ورغبتهم فأنهم يقيموه في المغرب..........كانوا محتاجين فقط الموافقة ديال دانييل باش يغادروا مدينة تيخوانا وبلد المكسيك بإتجاه المغرب..........
تكلمات مدام جيلان بنبرة هادئة مخاطبة دانييل......
جيلان: العائلة كاملة غاتفرح إلا تقام العرس ديالكم على الأصول المغربية......
ابتسمت لمياء بسخرية مضورة وجها للجنب باش تبتاسم في الخفاء كتمنى ليهم الطلاق من كل أعماق قلبها........
في حين تكلم السيد محمد سلطان بنبرة كتحمل الفرح......
محمد سلطان: بنتي مُهجة تستاهل كل خير وهي ورغبتها إلا كانت باغا دير عرس مغربي ما علينا غير ندعيو ليها ربي يكمل عليها بالخير........
شارك الجميع رغبتو وفرحو في العرس المغربي في حين تكلم دانييل ناطق بحدة معبر على رفضو بطريقة غير مباشرة.....
دانييل: واش ضروري من هاد العرس !
تكلمات مدام أسية ناطقة ببشاشة.......
أسية: معلوم العرس داخل في ثقافتنا ولكن ماشي مهم داكشي كايبقى للعروسة........
تكلمات لمياء بنبرة ساخرة مخنزرة فالسيدة أسية.....
لمياء: داكشي غير تخربيق..........
شافت فيه مُهجة متناسية موقف البارحة هي غير مهتمة بفكرة العرس وعمرها بغات ديرو ولكن باغا تمشي للمغرب بأي طريقة...........دلات شفايفها بعبوس كتناظروا ببراءة....هو لي لاحظها كفاش كاتشوف فيه ومغاينكرش بلي عجباتو بزاف فديك اللحظة...........
وضعات يديها على فخدو مخلياه يحس بقشعريرة في سائر جسدو.......مقربة بجسدها ليه ملتصقة بجسدو ناطقة بهمس مخلياه يستنشق عبيرها عن قرب..........
راقباتهم لمياء بنظرات حقودة وغيورة..........
مُهجة: عفاك بغيت ندير هاد العرس غادي يعجبك الحال بزاف في المغرب.....
شاف حتى عيى هو مايقدرش يرفض طلبها وهي دايرة داك الوجه العبوس والمثير ناطق بنبرة باحة......
دانييل: وخا مغايكون غير خاطرك........
#يتبع.......بقلم: رباب نجمة🔥 آراؤكم وتوقعاتكم نتمنى يعجبوكم أجزاء الليلة حاولت نطولهم تسناوني غدا إن شاء الله تصبحوا على خير🍒♠️👑
أنت تقرأ
مهجة القاسي Mohjah Al Qasi
Roman d'amourبعنوان: 🔥مُــهْــجَــةُ الــقَــاسِــي🔥 🍷أسـيـرة سـفـاح تـيـخـوانـا🍷 بأنامل: 👑رباب نجمة Rabab Najma👑 ❌🔥أنتِ دُميتي وأنا جحيمُكِ🔥❌ قررت أن أعود إلى حيث الذات، فالكتابة هي المشروع الأقدس لإخبار الروح كي تبوح. ففي هذه اللحظة البوح يعلن ع...
