بعنوان: 🔥مُــهْــجَــةُ الــقَــاسِــي🔥
🍷أسـيـرة سـفـاح تـيـخـوانـا🍷
بأنامل: 🔥رباب نجمة Rabab Najma🍷
الجزء الخامس:
شافت فيه بأعين مشتعلة بمشاعر الغضب ناطقة بصوت مرتفع....
مُهجة: العاهرة هي لي جابتك لهاد الدنيا وخلاتني نقابل واحد مريض نفسي بحالك......
تظلمت عينيه وأصابعه ضغطو بقسوة على يديها مخليها تصدر أنين خافت حاسة بيديها غاتهرس في حين نطق بحدة وعروق وجهة باينين بان في نظرها بحال الوحش لي غاينقض على فريستو........
دانييل: ماتجبديهاش على فمك أحسن ماندفنك ونتي حية، عند بالك هكا غانخليك في حالك راكي غالطة عاد غادي نضاعف عذابك وغاندوقك من آلام عمرك عشتيها في حياتك غانخليك أسيرة عندي كاترجاي الموت ولكن غاتلقايني غير أنا سفاحك......
نطقات بشجاعة رغم الألم لي كاتحس بيه عقلها الباطيني رافض فكرة تخضع ليه.....
مُهجة: غانمشي من هنا بغيتي ولا كرهتي ماشي واحد بحالك لي غايقدر يتحكم فيا....
زير على فكها متكلم بغضب....
دانييل: كنقسم بفمي بالله مغاتعتبي هاد البلاصة وإلا قدرتي غاندمك أ مُهجة وغاتشوفي القساوة على أصولها.....
تكلمات بحدة مماثلة.....
مُهجة: غانشوفوا........
كينظر ليها بنظرات حادة راسم ملامح القسوة والصرامة........
كتنظر ليه بنظرات مماثلة مركزة في عينيه ونظراته القاسية.....
نطق بصوت هامس مقرب من وجها المضيئ لي اكتاسحو الإحمرار بسبب الألم وضغط الموقف لي هما فيه......
دانييل: مرحبا بك في جحيمي....
رمشات بسرعة وقلبها كينبض بقوة فحين هو ابتسم بخبث وبسخرية واضحة على وجهو وهو مقرب ليها أكثر من قبل.....
دانييل: جحيم القاسي أ شبيهة الدمى....
بلعات ريقها وبعدات عينيها من عينيه رافضة تخلي دموعها تنزل ورجعات بنظراتها ليه باش تتمركز في عينيه......ابتسمت إبتسامتها الساحرة لكن هاد المرة ماكانتش ديك الإبتسامة الدافئة لي متعودة عليها بل كانت إبتسامة مستفزة ناطقة بنبرة رقيقة وناعمة....
مُهجة: اتقي شر الدمى أدانييل حيت الدمى عندها سمعة سيئة......
بلع ريقو بصعوبة وعينيه مشتعلة بلهيب الغضب كيتوعد ليها بأشد الانتقام.....تكلم بصوت رجولي قوي....
دانييل: غاتندمي كنواعدك.......
#يتبع.....بأنامل: رباب نجمة 🔥 أراؤكن وتوقعاتكن ديروا منشورات فيها أراؤكن🍒🍷
أنت تقرأ
مهجة القاسي Mohjah Al Qasi
Romanceبعنوان: 🔥مُــهْــجَــةُ الــقَــاسِــي🔥 🍷أسـيـرة سـفـاح تـيـخـوانـا🍷 بأنامل: 👑رباب نجمة Rabab Najma👑 ❌🔥أنتِ دُميتي وأنا جحيمُكِ🔥❌ قررت أن أعود إلى حيث الذات، فالكتابة هي المشروع الأقدس لإخبار الروح كي تبوح. ففي هذه اللحظة البوح يعلن ع...
