"Junoon-e-Ishq" 🔥

Qist 4

• Rayyan ghar aata hai, Wajdaan uska intezaar kr raha hota hai...
Rayyan seedha kitchen me chala jata hai or waapsi pr us k hath me baraf se bhara howa thande paani k bowl hota hai, bethte Howe Rayyan apne hath ki patti khoolta hai or hath us bowl me daaldeta hai, Wajdaan use ghoor raha hota hai...
...
Rayyan... Poch sakte hain jo pochna h har sawaal ka jawab h mere pas aapk
Wajdaan... Kia milta h tumhain yeh sab kr k Rayyan tum is sab se bahar nikal sakte ho phir bhi nh nikal rahe waja kia h
Rayyan... Sukoon milta h mujhe logoun ki jaan le kr unse badle le kr...
Wajdaan... Itni khudgarzi achi nh hai Rayyan...
Tabhi Wajdaan ko phone call apni taraf mutawajja krti hai...
Wajdaan... Kia wo admi zinda h k shukr hai ok call me later bye
...
Wajdaan ghussee se khara hojata hai, or Rayyan ko ghoorne lagta hai...
...
Wajdaan... Kr kia rahe ho Tum akhir kab tk me tumhain police se bajata rahounga akhir kab tm yeh sab krte rahoge
Rayyan... Mene nh kaha aapko k bachaye mujhe aap apni marzi se yeh krte hain
Rayyan apna hath nikal kr bowl se ab bandage kr raha hota hai...
Wajdaan... Yeh kon larka h jisko tumne ek larki k liye goli mardi akhir yeh kia naya mamla h kuch bataoge kis kis ki jaan lete rahoge tum akhir or yeh larki hai kon h
Rayyan... Me aapko batana zarori nh samajhta jo krna h kr sakte hain aap or mujhe na bachayen kisi bhi masle se
Or Rayyan jaane lagta hai...
Wajdaan... Nh bachata kabhi nh bachata but unfortunately, tum mere bhai ho jiski qadar h mujhe or me tumhain aaise apne aap ko barbaad krta nh dekh sakta h
Rayyan theherta hai...
Wajdaan... Tum khudgarz ho me nh or jaanta houn, tum khud ko hi saza de rahe ho par kab tk karoge aaisa bs krdo Rayyan rehem karo khud pr or rahi baat us larki ki usko me dekhlounga kon h jiski waja se tumne yeh sab kia
Rayyan wapas murhta hai or Wajdaan k qareeb ja kr uski aankhoun me aankhain daal kr dekhta hai...
Rayyan... Aap Arshiya or mere mamle se door rahain
Wajdaan.. Ho kia gaya h tumhain aaj tak kisi larki k liye yeh bartao nh dekha mene tumhara
Rayyan... Me kisi ko b us k sath bardaasht nh krounga wo koi aam larki nh h mere liye aap is mamle se door rahain bs
Wajdaan... Tumne us admi ko goli kyun mari us larki ka jo b mamla tha wo khud dekh leti, Tum kon ho us k
Rayyan... Me uska kuch nh bhai par wo meri sab kuch hai
Rayyan... Usne Arshiya ko hath lagaya tha isliye use maari h goli shukr karen abhi to goli maari hai agar kisi ne bhi aainda uski taraf aankh utha kr dekha to aankhain nikaal lounga uski or agr kisi ne tareef ki uski to zubaan kaat dounga or agar....
Rayyan ki aankhoun me behad ghussa hota hai...
Rayyan... Or agar use kisi ne chuwa to us k tukre tukre kardounga.. Wo sirf meri sirf meri sirf Rayaan Sikandar ki
Wajdaan... Rayyan yeh mohabbat nh junoon hai
Rayyan... Ishq mohabbat ya junoon mujhe is se koi garz nh mujhe bs Arshiya chahiye or wo mujhe milegi
Apni baat khatam krte hi Rayyan kamre ki taraf chala jata h, Wajdaan use jaata dekhta reh jaata hai...
...
• Agle din...
Rayyan kamre se nikalta h, Wajdaan ki nazrain khud pr jami paata h to jhat se pochta h...
Rayyan... Aaise Mt ghura karen mujhe aap bhai
Wajdaan... Jaise tum darte ho mujhse
Wajdaan tanz krte Howe kehta hai...
Wajdaan... Khair....!!!! Tumhain jana hai
Rayyan hairani se pochta hai...
Rayyan...Kahan
Wajdaan... Kal jo karnama tumne kiya uski waja se acha h do din k liye out of city hojao me yahan sab handle krlounga
Rayyan.... Nh me nh jaane wala kahen
Wajdaan Rayyan ki baat sun kr ghusse se bolta hai...
Wajdaan.... Rayyan mujhe ghussa nh dilao, meri ek baat to man hi sakte ho please go from here
Rayyan... Pr mene kaha na me manage krlounga bhai please
Wajdaan... Theek h tum apna kaam karo phir me bhi apna kaam krounga
Wajdaan jhat se phone uthata hai or call milata hai Kisi ko...
Wajdaan...  Arshiya ki saari details chahiye mujhe aaj hi or agle hi lamhe mere order dete hi wo or uski family is city me nh dikhni chahiye got it
Rayyan ko Wajdaan ki is harkat se dhajka lagta hai...
Rayyan... Bhaaaaaaiii yeh kr rahe hain, aap jante hain me us k bagair nh reh sakta, phir yeh sab kyun
Wajdaan... Tumhain abhi bhi apni manmaani krni h ya ja rahe ho
Rayyan... You are such a blackmailer bhai theek hai chala jata houn lekin aainda yeh blackmailing nh chalegi
Wajdaan... Tb ki tb dekhaingain
Rayyan... Theek h par me yeh aapki aakhri baat maan raha houn
Wajdaan... Tumne bhi yeh akhri shoot kiya h apni gun se
Rayyan... No way bhai aap jaante hain me boss ko inkaar nh kr sakta
Wajdaan... Unko me sambhaal lounga agar tum mujhe sambhaalne doge tb
Rayyan... Nh unka aakhri kaam mere zime hai or me yeh har hal me karounga
Wajdaan... Hum yeh baatain baad me karengen abhi tum foran jao flight nikal jayegi warna tumhari
Rayyan... Theek hai
Or moun banata howa Rayyan wahan se chala jaata hai...
Wajdaan... Me jaanta houn Rayyan jab tk contract hai tum ya me kuch nh kr sakte lekin me haar nh manounga tumhain jitna door rakhna para rakhounga is sab se
...
To be continued....