"Junoon-e-Ishq" 🔥

Qist 10

Rayyan, Arshi ko le jaata ha wahan se, Pure safar k douran Arshi k aansoun k nh thamte.....
Rayyan... 💭 (Tumhare aansoun takleef de rahe h mujhe Arshi pr me majboor houn tumhari jaan khatre me hai, me tumhain akela nh chor sakta ho sake to maaf krdena mujhe)......
....
Arshiya zaaro kaataar rote howe, khirkhi se paar na manzar dekh rhi hoti hai, Jo use khud ki tarhan madhdham or udaas dikh raha hota, use apni zindagi be-mayine lagne lagti hai, usk Dil me jo Rayyan k liye mazeed ranjish paida ho rahi hoti hai.....
Arshi.... Me tumhain kabhi maaf nh kroungi Rayyan
Arshi k alfaaz Rayyan, ko buri tarhan tor dete hain, Arshi pehle bhi use yeh sab Keh chuki hoti hai, par is baar us k lehje me Rayyan nafrat or karwahat mehsoos kr raha hota hai khud k liye, Jo uski batdaast se bahar hota hai....
....
Kuch dair ka safar teh hota hai.... Rayyan or Arshi mention k qareeb hi pohche hote hain, k achanak unki car pr piche se aane wali car se koi firing krna shuru krdeta hai...
Rayyan, awaaz sunte hi car ki speed barha deta h, Arshi khoof se pehle Rayyan ko dekhti hai or phir apne kaanoun pr hath rakh kr aankhain meech leti hai. Rayyan Arshi ko dekhte howe mohtaat hone ko kehta hai...
Rayyan... Arshi niche hojao foran
Arshi niche hojaati hai...
...
Firing muslasal ho rhi hoti hai, Rayyan car ki speed barha raha hota hai mazeed....
...
Arshi or Rayyan mention k qareeb pohuchte hain. Rayyan foran car se utarta hai or Arshi ko bhi utaarta hai, Wo log, Arshi or Rayyan k qareeb hote ja rahe hote hain or firing abhi bhi jari rakhte hain. Rayyan Arshi ko puri tarhan cover kr k mention ki taraf jaane ki koshish krta hai...
...
Arshi ne khoof se Rayyan ka bazu mazbuti se thama howa hota hai...
Wo us k bohut qareeb hoti hai. Rayyan ne apne bazoun k daire me Arshi mehfooz kr rakha hota hai...
...
Rayyan... Arshi kuch nh hoga tumhain me, ghabrao nh kuch nh hone dounga tumhain me...
...
Rayyan ki nazrain un logoun par hoti hai par Arshi bheegi or anjaan aankhoun se Rayyan ko dekh rahi hoti hai...
...
Arshi... 💭 (Is shakhs se door jaate howe bhi is k qareeb hoti ja rhi houn me, khud se kaisi dushmani pr utar aayi houn, kia mera khud pr se kabu khatam ho raha hai, kia ho tum Rayyan ek taraf meri jan bacha rahe ho, or.... Or dosri taraf mujhe mere apnoun se door kr k meri jan le rahe ho)
...
Arshi, khayaal me dubi hoi musalsal Rayyan k chehre par khud k liye fikr ko dekh rhi hoti hai, tabhi Rayyan ki halki ki cheekh usko us khayaal se bahar nikaal deti hai...
...
Rayyan... Aaahhhhhhhhh
...
Arshi, Rayyan k chehre se nazrain dorhaati hoi Arshi uske hath ki taraf dekhti hai. Rayyan k bazu ko ek goli chu kr guzarti hai or khoon taizi se nikalne lagta hai, Arshi yakdam cheekh parhti hai...
...
Arshi... Rayyannnn...........
...
Rayyan ne Arshi ki aankhoun me khud k liye pehli baar fikr ya dard dekha hota h, Rayyan khud b anjan hota h k wo jo uski aankhain keh rhi hain wo sach h, ya jo uski zubaan kehti hai wo sach hai....
Arshi Rayyan ko sahara deti hai or yeh akhir kaar ghar me a jaate hai...
...
Arshi, Rayyan ko sofe par bithati hai, khud k wahen bethti hai...
Arshi... Khoon beh raha h Rayyan doctor..........
Rayyan... Nh hum bahar nh ja sakte....
Arshi... Pr......
Rayyan... Tum jao apne kamre me....
Me...me krlounga bandage khud hi...
Arshi... Tumhare kandhe pr lagi h Rayyan kaise karoge....
Rayyan... Nh mene kaha na me krlounga tum jao
Arshi... Meri bardaasht ko mat azmao tum or ek dam chup hojao, mujhe batao first-box kahan hai
....
Rayyan bilkul chup hojata, wo pehli baar apna itne haq se use kuch keh rahi hoti hai...
...
Arshi jaldi se Rayyan k room me jaati hai or us k batayi hoi jaga se first-aid box laati hai...
Rayyan apni chot lage bazu ki sleeve niche karte howe Arshi ki taraf apna hath barhata h or daant bheech leta hai....
Arshi usko dekhti hai, wo uski takleef ka andaza laga sakti hai, Arshi bendage krne lagti hai...
...
Rayyan... Arshi......
Arshi uski taraf dekhti hai, jaise han me jawab de rhi ho or wapas bandage krne lagti hai... Rayyan apni baat jaari rakhte howe.....
Rayyan.... Pata h yeh takleef kuch bhi nh jitni takleef mujhe tumhain khud se door jata dekh kr hoti hai...
...
Arshi k Kuch dair pehle thame aansoun wapas jaari hojaate hain...
Arshi chup chaph uski bendage kr rhi hoti hai, wo khud bhi nawakif hoti hai k usko Rayyan ki takleef dekh kr takleef ho rhi hoti hai us k aansoun se uski aankhain bheeg rhi hoti hai...
...
Rayyan... Jaanta houn tumhain takleef de raha houn me pr.... par me majboor houn apne dil k hathoun, meri deewangi, mera junnon, mera ishq, sab tumhare liye hai....
...
Arshi bendage kr chuki hoti hai, bina kuch kahe uth kr jaane lagti hai...
...
Rayaan hath thaam leta hai
Rayyan... Maaf krdo mujhe
Arshi... Umeed krti houn mujhe is imtehan me daalne ki bohut bari waja hogi tumhari pass....
Arshi apne kamre me chali jaati hai, Rayyan wahan betha use jaata dekhta hai...
Arshi kamre me ja kr bohut roti hai use Rayyan ki takleef se takleef ho rhi hoti hai. Par wo is ehsaas ko qubool nh kr pa rhi hoti...
...
To be continued....