الظابط واليتيمة

البارت 6

اول ما طلعت منها طلعت التلفون
- حسام اريد خدمة منك
- تفضل سيدي
- اريدك اتراقبلي واحد بكل ثانية بس بدون ميحس عليك واذا شرب مي اتبلغني
- تدلل انطيني اسمة والعنوان
- امجد خالد  العنوان ****** وهو يصير ابن المشتكين بحادثة سرقة الذهب الي اني متولها
- تمام سيدي عرفتة
- مع السلامة
ورة فترة
- سيدي هذا يتردد على محلات الذهب ودخلت ويا لمحل عمود اشوف شيسوي
-اي؟
- طلع يسال على اسعار الذهب
- هاهية انتهت مهمتك
- تمام مع السلامة
- مع السلامة
وكعدت بيدية ومحد سمة عليك

نرجع للاحداث

اخذت العلاكة وفتشتها بيها ذهب والوصل ابتسمت
وبصوت عالي
- القو القبض علي
- امرك سيدي
وبدة الصياح اخذنا وطلعنا طبيت للمركز جان شعوري فرحان كلش عبالك اول مرة القي القبض على احد ردت اتاكد يلى افرح مينا بالموضوع

بديت احقق ويا وطلعت الة فديو اثناء ما هو يفتر على محلات الذهب وكذلك تسجيلات الاتصال هو وصديقة الي يثبت هو بضيقة مادية وضغطت على عمود يعترف واعترف وكذلك واخذت اقوال العائلة الي تثبت انو هو ما طلع وياهم بنفس المكان

طبيت على غرفة التحقيق الي بيها مينا شفتها نايمة ظليت كاعد يمها اگلب بالفون الغرفة هادئة وهي نايمة بدون صوت

ظليت ساعة اثنين  الى ان بدت تتحرك عرفت انو هية كعدت رفعت راسها وشافتني بدت اتعدل شعرها وتفرك وجهة
-صح النوم
ابتسمت
- جايبلج خبر يمكن يموتج فرح
- صدك شنو هو حباب كلي
- هههههه اول شي اتنفسي شهيق زفير
بدت تتنفس بصوت والله ضحكتني
- طلعتي براءة انتي
صفنت وظلت ساكتة كلشي متحجي
-اتنفسي
-ها
-تنفسي لتختنكين
فجاءة كامت اتكمز صدك
-شفت اني مو كتلك اني ما بكت حتى تعرف اني ما اجذب
تحجي وتضحك
-هسة شراح يصير ؟
- راح اطلعج وتاخذين حريتج
-عادي اتسويلي خدمة اخيرة
- كولي
- الضابط حسن عادي اشوفة
- قصدج الضابط الحقير
-هههههههه اي
-ماشي هسة يجي
فتحت تلفوني ودزيت رسالة لحسن ورة شوية انفتحت الباب
- ها وليد شو داز علية هنا
- اي مينا تريد تحجي وياك
-شنو
لاف على مينا واشوف دينا اتباوعلة بحقد
-اني مو كتلك ما بكت شوف طلعت الحقيقة اني مو حرامية واني ما اتمسكن وراح اطلع منا وانت تبقى هنا
وجان اتمد لسانها علي
- ههههههههههه
ضليت اضحك وحسن صافن عليها التفت علية
- براءة الحرامي ابنهم امجد
التفت عليها
- اني اسف اعرف مراح اتسامحيني بس اني اسف عبالي انتي الي بكتيهن واتجذبين
- ما اسامحك
-حقج اني اسف
التفت عمود يطلع
- ضابط حسن
- نعم
-سامحتك بس بعد لتضرب احد والله وجهي ياذيني وحتى اكل ما اكدر اكل
التفت وطلع
اخذتها وطلعت من الغرفة وبس طلعنا اتلكتنا ام امجد وكامت اتضرب بمينا واتصيح لو معترفة جان ابني بحضني الله يلعنج خربتي بيتنا وخرت ايديها وجريت مينا ورة ضهري
- كافي طلعوها برة

من طلعت برة شفت ام امجد عبالي راح تعتذر مني بس صار العكس حاولت تضربني بس الضابط وليد جرني وختلت وراه وهية ضلت اتعيط واتصيح هو طلعهم برة والتفت علية لزم وجهي بيدي الثنين واني صفنت علي
-هما اتاذيتي
ضليت ساكتة
- شبيج انضربتي بمكان
-لا لا ما بية شي
ضليت اهز براسي اخذ ايدي وجرني وراه وصعدني بالسيارة

********************
خلص البارت.