الظابط واليتيمة

البارت 5

جانت كاعدة كبالي وايدها ترجف ما اعرف من الجوع او من الخوف يمكن

- مينا راح اسالج كم سوال واريدج اتجاوبين بصراحة اذا جنتي مو السارقة راح اساعدج واطلعين منا بس اذا اظلين ساكتة او تظلين تحلفين انج مبايكة مراح اطلعين وراح تثبت التهمة عليج بقى بس ٢٤ ساعة وتنتهي فترة التحقيق اذا ساعدتيني بمعلومة وحدة راح اكدر امدد المدة الى ان نلكة السارق تمام؟

- كلي شتريد واكلك والله بدون ما اجذب بس اهم شي اطلع لان اني ما بكت

- اول شي اريدج اتسولفيلي الي صار بذاك اليوم بالضبط من كعدتي الى ان نمتي

-------
كعدت ب٦ الصبح بدلت ملابس النوم ولميت شعري وطلعت من الغرفة بديت انظف البيت وارتب وغسلت الكراج وسقيت الزرع وطبيت ملابسي امبللة فرحت لغرفتي راسا بدلت وطلعت لكيت امجد بالمطبخ يشرب مي وسماعاتة باذنة
- شو ماكو ريوك
- صباح الخير هسة راح اسوي
- وين اكو خير وانتي بوجهي سوي يلى بسرعة
اجتي ام امجد
- ها يمة امجد شو كاعد من وكت
- اصلا منايم سهران
- يا مو تدري عدنا طلعة اليوم
- ما عندي واهس روحوا اريد انام اني
بهل الوكت اني جنت ارتب الريوك والجاي على النار
- كملي الريوك بسرعة انتي راح يكعد ابو امجد والبنية
- تدللين
كملت الاكل واخذت اكل الي وهم اجوي كعدوا وبدوا يتريكون اخذت اكلي ورحت للغرفة
وراه ساعة طلعت من الغرفة دا انظف المطبخ وسمعتهم يحجون
- يلى يمة كومي بدلي انتي اطولين وانت يمة امجد راح تبقى لو تجي
- لا راح انام ساعة او ثنين واطلع وية جماعتي
- ماشي يمة روح
- يلى مينا نظفي المطبخ ولتسوين غدة اليوم
- ماشي
-شنو مسمعت
- تامرين امر
وراحوا كلمن لغرفتة وبعدين طلعوا واني طبيت لغرفتي جنت نعسانة ونمت محسيت الة على صوت العياط
   
- وانت اعلم بالي صار ورة هذا
- امجد وين جان من صار العياط
- جان برة وطب
- زين مينا اريدج اتركزين زين وية الي اكولة هسة
- كول
-  قبل فترة اسبوع شهر اكثر صار جدال بالبيت على الفلوس بالبيت بين امجد وجماعتة او وية اهلة
- لا
- متاكدة
وبهل الاثناء انفتحت الباب وطب عسكري وجايب الاكل
اني من الجوع كلشش فرحت كام الضابط وليد واخذ الاكل واتشكر منة وحط الاكل على الميز ورتبة باوعتلة جنت منتظرة الاذن
- ليش اتباوعيلي
- تاذنلي
ابتسم
-  اكلي  واذا ردتي شي كليلي
- شكرررا
وبديت اكل بالكوة لان حلكي كلش ياذني وشفتي هم  فتاخرت بالاكل كلش خلص وهو وضل يقرة بالملفات
اني ظليت افكر بسوالة واحاول اذكر واذكرت شي
- سيدي اني اذكرت شي
وخر الاورق وباوعلي بتركيز
- مرة من المرات كعدت الفجر على الصلاة وسمعتة يحجي بالتلفون وية احد ويكلة اذا مشاركتني انت مراح اكدر اشتري البطحة وبعدين كالة امداك وامدة الي يعتمد عليك يا طايح الحظ وسدة بوجهة
- تعرفين الي كلتي هسة شكد يساعدج
باوع على الصينية ورجع باوعلي
- كملي اكلج وبلكت اجيبلج اخبار زينة
اخذ غراضة وطلع
46
ورة مسمعت الي كالتة اتاكدت شكوكي  وبديت اسوي كم شغلة ورة يوم بقى بس ٥ ساعات وتنتهي فترةالتحقيق وية مينا وتتحول للمحكمة  اجاني اتصال وفرحني كلش
اخذت دورية وانطلقت لبيت ابو امجد
- السلام عليكم سيدي ها ان شاء الله الاخبار الزينة ولكيتوا الذهب
- وعليكم السلام تقريبا هيج شي بس انريد انطب انكمل التحقيق جوة
-اي اي اتفضل سيدي ولو اني مستغرب
طبيت للييت ولكيتهم ملتمين بالاستقبال امرت العسكر يبدون التفتيش ومثل ذيج المرة غرفة غرفة الى ان
- سيدي هاي الغرفة مقفولة
- هم رجعوا لغرفتي
- انطيني المفتاح
- كم مرة كنالكم  هاي غرفة ابني وبيها خصوصيتة ميقبل احد يطب الها حتى احنا اهلة
- اني جايب وياية امر بالتفتيش اذا مفتحتوها راح نعتبر ابنكم مجرم وانتوا اتغطون علي وكذلك تعطلون شغل الحكومة
- لا يمة لا مجرم ولا شي انطيهم المفتاح يمة
- ما اريد
- ولك شنو متريد اتريد تنشمر بالسجون يلى انطيهم
انطاني المفتاح وانطيتة لعسكري ورة ما نبهت علي انو يفتشها كلش زين وميخلي مكان ميفتشة حتى الحيطان
ورة ربع ساعة
- سيدي هذا الذهب
-يمة شنو هذا الذهب عزااااااا وكامت ام امجد اتعيط
نزلوا علاكة سودة جبيرة

يتبع....

**************