الظابط واليتيمة

البارت 3

دخل علية ضابط اول مرة اشوفة اول شي عرفني عن نفسة
- اسمي الضابط حسن
وبعدين بدة يسالني
- شنو اسمج
- مينا محمد
- محمد شنو
- ها
- محمد شنو ( بعياط)
- محمد محمود
- عمرج
- ١٩
سد اللاب توب
- باعي واسمعيني زين سوالف المسكنة عوفيها على جهة ترى كومة مار علية من امثالج لتعبيني واعترفي بسرعة
- مسويت شي والله ما بگت
- خوش انتي اختاريتي الطريقة الصعبة
گام وولزمني من شعري قوي حيل وبدة ايدور براسي
- مسويت شي والله
ضربني راشدي وهد شعري وكعت بالكاع
هذا بسيط بالنسبة للي راح اسوي بعد اخذ اللاب توب عافني وراح وسد الباب
ضليت لليل بدون اكل انفتحت الباب ونفسة الضابط الحقير حط الاكل على الميز
- كومي اكلي
كمت كعدت على الميز
- اكلي
اني جنت كلش جواعنة لزمت الخاشوكة ( الملعقة )
- رددي وراية اني اعترف بالجر
- قاطعتة شنوووو
- دا اكلج رددي وراية متسمعين لو حتى هذا الاسلوب ميمشي وياج
- بس هيج معناها اني بكت
- لعد عساس انتي ما بكتي
- ما بكت
كلب الصينية على الميز وبدة يضرب بية راشديات وهو يكول اعترفي اعترفي خلصيني
عافني وطلع مرة ثانية
كمت عدلت ملابسي وشعري ومسحت الدم عيني اليمنة ما اكدر اشوف بيها ما اعرف شبيها من الوجع كمت ما اعرف وين الجروح كل وجهي يوجعني
كعدت افكر مرة ثانية شنو ممكن اسوي حتى اطلع من هلمشكلة ذولة ناوين يورطوني اني
اذا ضليت معاندة ما اعرف شنو يكدر يسويلي هذا النذل ظليت كاعدة افكر محسيت الة على صوت الباب انفتح وطب منها

***********
خلص البارت

البارتات قصيرة حتى متملون من الرواية.