الظابط واليتيمة

البارت 9

الفصل التاسع

كعدت على الجرباية اتحسست الفراش الله شكد ناعم الغرفة شكد هادئة وبسيطة صار عندي غرفة خاصة بية حتى ببيت ام امجد مجان عندي غرفة جانت مخزن وبيها دوشك ومو مريحة ابد

الحمدلله الف الحمدلله يارب يكون هذولة الناس طيبين وياية

نزعت عباتي ونمت

كعدت على صوت العصافير جانت قريبة من الشباك والضوة مال الشمس بعيني فتحت عيني واتذكرت كل الي صار الله لحد هسة ممصدكة

كعدت لبست عباتي وطلعت برة الغرفة وطبيت للحمام غسلت وجهي بمي بارد وشفت مشط مشطت شعري ولميتة وغسلت ايدي ورجلي وجهي بعدة بي زراك بس خفيف حسيت بروحي نظيفة وعبالك ردت روحي
طلعت من الحمام وبوجهي اجة وليد

-ضربت التحية وكلتلة صباح الخير سيدي

- هههه صباح النور يا عسكري شو متاخر
لعب بشعري

- لا عوفة بلكوة لميتة وبعدين ممتاخرة كاعدة من وكت

- العسكري يكعد بالخمسة بس الضباط يكعدون هيج وكت ام اللسان

- اني ام اللسان

طب وعافني ورحت للمطبخ محد كاعد سويت جاي وطلعت ريوك وحطيتة على الميز وهو طلع من الحمام والخاولي على ركبتة  غاسل يمة شنو هلجمال يربي

كعدت ب٧ مثل العادة كمت من الفراش رحت للحمام اريد اسبح سمعت صوت بالحمام

عرفت اكو احد شكيت اتكون مينا فمحبيت احرجها وانتظرتها الى ان خلصت اول  مطلعت وشافتني ضربتلي تحية فطستني ضحك هي ناعمة كلش وجانت كفشتها مكبرة حجمها انوبة شايلة الكفشة طالعة عبالك طفلة اتشاقيت وياها وطبيت اسبح طلعت شفتها بالمطبخ صحتلها متجاوب

-يا عسكري

-نعم نعم

-ههههه الة عسكري يلى اتردين

- مسمعتك تعال سويتلك ريوك

- ايباه بلكت منسمم

- لا متسمم تعال اتفضل
اخذت ماعوني ودا اروح

-وين شنو وجهي هلكد قبيح متكدرين تاكلين وياية

- لا عزة مو هيج بالعكس بس انت تقبل؟

- راح اعوف شغلة بالعكس وبلة على شنو اقبل

- انو اتريك وياك

- اي طبعا شنو بيج جرب وما اقبل يلى تعاي اكعدي وصبيلي جاي اريد اخلص لان اخرتيني اليوم

- اسفة

لزم ايدي
-باعي علية زين اني ما اريد منج سوالف امرك واسفة واعتذر منك وهلرسميات وما اكل وياكم تعتذرين بس من اتكونين غلطانة تاكلين ويانة وتشربين ويانة واذا طلبت شي عادي كول تدلل مو امرك اتحسسيني صدك عسكري ماشي ؟

-ماشي

- مسمعت العسكري صوتة عالي (بصيحة)

- ماشي (بصوت عالي)

- كعدتيهم هسة تجيج ريهام تركض
وبهل اثناء نزلوا كلهم ما عدة ايمن اجتي ريهام تركض وحظنتني

- صباح الخير يا قوم

-صباح النور

- هاي شنو يمة مينا انتي مسوية الريوك

- اي خالة

- ايباه شحلاتها جنت اتمنى مرت وليد تكعد واتسوي ريوك من ايدها بس الله عوضني ببنية

- يمة لتجيبيلي طاري الزواج من الصبح يلى كايم ابدل

- روح يمة روح هو منو يكدر عليك
ورة دقايق جنا كاعدين نتريك واني دا لشرب جاي

- ريهام (بصوت عالي )

- ولج ريهام البارحة ماضربة الزي لاخوج

- لا يمة نسيت هذا شسويلة هسة وصاير
عصبي انوبة

-اني اروحلة

- دكعدي متعرفي من هو عصبي

-ريهام ( بصيحة )

-راح اروح

رحت اركض طبيت على الغرفة وراسا لفت جان لابس بس بجامة وجسمة كلة امبين
-اسفة اسفة مقصدي معبالي ممبدل

-وين ريهام

- اني اسويلك خطية خلي تكمل اكلها

- يلى طبي

طبيت بدون ما اباوع علي ورحت على الزي والاوتي وبديت اضرب الملابس وهو يسوي شعرة جان لابس تيشيرت كملت وانطيتة الزي مالتة وطلعت

رحت كعدت على الميز وشكلة وهو ما لابس كلساع يطلع بعيني
اجة وهو لابس الزي

- ما شاء الله(  بصوت ناصي )

باوعلي وابتسم عزة هذا سمعني من الخجل احس صخنت حركت ايدي واستكان الجاي البصفي وكع على الكاع اجة يمي لتكومين لتنشك رجلج واثناء مديلم

- ما ادري اني هيج حلو تؤ تؤ تؤ
من الفشلة ما اعرف بعد شسوي

يتبع...

*****************
خلص البارت.