الظابط واليتيمة

البارت 10

الفصل العاشر

ضليت ساكتة معرفت شاكول وهو كام راح ذب الكزاز كمت من الجهة الثانية للكرسي وجبت مكناسة وكرفتة وذبيتة ودا اغسل ايدي سمعتة يكول

-مع السلامة يمة يلى ريهام زين.

طلع وليد واخذ اخوتة وبهل اثناء اجتني ام وليد وانطتني علاكة

- شنو هاي خالة

- هاي تراكسود جديد اجة هدية لريهام بس شوية جبير عليها

- ما اعرف شكلج

- كلشي لتكولين يلى يمة اني رايحة انام واكعد فد ١٢

- تصبحين على خير

راحت واني ضليت صافنة على العلاكة اخذتها ورحت للحمام سبحت وبدلت شفت التراك يجنن بجامة مارونية ومن جودة تجة والبدي ردن والاردان مارونية والجسم رصاصي

وهم تجة بالردن بس شوية ضيكة على جسمي فت كلش استحيت هاي من يجون الولد شكد عيب منهم بس نفس ملابسي الداخلية ما اعرف شسوي منين راح ادبر افلوس اشتري واستحي اطلب منهم كافي انهم ضفوني وديعاملوني مثل بتهم

طلعت من الحمام رحت للمطبخ غسلت المواعين ورتبتة وطلعت الاكل وبديت اطبخ ونظفت الغرف ما عدة غرفة وليد وايمن ذولة كبار خاف ميقبلون

والاستقبال بدون صوت عمود ليكعدون وطلعت برة غسلت الكراج ونظفت الحديقة وسقيتها وطبيت جوة صارت الساعة تقريبا ١٢:٣٠
- هاي شنو الريحة الطيبة

- صباح الخير خالة هذا الغدة

- ولا وانوبة تعرف تطبخ يمة فدوة شلون بنات

- تسلمين خالة ان شاء الله تعجبكم

- صباح الخير عمو شلونج مرتاحة بالبيت

- اي والله عمو الله يسعدكم ان شاء الله اسويلك عمو ريوك

- لا عمو ما اريد اني اروح للجامع اصلي وارجع اتغدة وية الولد

وليد طالع على ابو الطول الشوارب والثكل حتى الطلة مالتة وصوتة ابو وليد رغم جبير بالعمر يطلع ب٥٨ بس الي يشوفة يكول ب الاربعينات طويل وهيبة ومعدل دشداشتة وسبحتة والشحاطة والعطر يسبقة

راح ابو وليد وضليت اني وخالة انسولف على الاكل وعن خواتها وسوالف هواية الى ان

- هلااااااااااو
اجتي رهومة تركض طبعا صدك الملح مال البيت هي

- الله هاي شنو الريحة الطيبة
ومدت ايدها على الجدر

- ريهام (بصوت) اني كم مرة منبهج اتغسلين ايدج يلى اطخين الاكل ها

مجنت منتبهة انو وليد هم طب وصاح عليها اني بدون ما افكر

- عوفها شبيك عادي

- مينا (خنزر علية )

اني صدك خفت راسا التفت رحت للمغسلة يم ريهام جانت دا اتغسل

-ترى مضجت عادي هو هواية شغلات ميقبل عليها ومتعودة علي اني مو كتلج لتحجين ويا وهو عصبي

- يمعودة بقى شوية وابجي هاي ليش هيج

- دراغانبول

نتهامس ونضحك طبوا ايمن وزين وراحت ريهام اتبدل وكلمن طب الغرفتة صبيت الاكل وشغلت التلفزيون وحطيت اكلاص العصير على جهتي شكد حلو صار عدي مكان بالميز وناس كبالي تاكل واسولف وياهم صالي كلش هواية محاسة بهيج شي

خلصت شغلي من وكت اليوم رحت اجيب ريهام من المدرسة وزين هم اول موصلنا نزلت ريهام تركض هي عقلها صغير بس صارت جبيرة

وهواية تصرفات ميصير تصرفها ودا احاول اعلمها كلش ضجت من شفتها تركض واكو ولد بالشارع هدأت روحي وكلت اعبرها فرحانة ما اريد اضوجها طبيت شفت مينا وريهام

يحجون بس مينا شلابسة ليش هلكد ضيك ومنين جابتة الصراحة  انصدمت بيها متوقعت هاي الناعمة هيج جسمها

  شفت ريهام ركضت على الجدر وكم مرة منبها انو متتقرب للاكل بدون متغسل عيطت عليها بس مينا جاوبتني انوبة ضجت بالزايد  صحتها وخنزرت عليها شفت الخوف بعيونها وراحت تركض يم ريهام

رحت لغرفتي ابدل بدلت وطلعت شفت مينا وحدها يم الميز صافنة كلت خلي شوية افززها طبيت بصفها

- عسكر انتباه ( بعلو  صوتي )

- اااااا وليد

حطت ايدها على كلبها واني فطست ضحك عليها شكلها يضحك

-حتى بعد لتصفنين

- اوه

عافتني وراحت يمكن زعلت شكد فطيرة كعدت على الميز والتم الكل وهي كاعدة بصفي ساكتة

- ها بعدج زعلانة

- لتفززني بعد الله يخليك كلبي راح يوكف

- ماشي عيني ام كلب

اليوم تجين وياية العصر اريد اخذج لمكان

- وين

- عسكري اتنفذ الاوامر بدون مناقشة

- سيدي ما عدي زي شلون اطلع

- البسي من زين

- ها
ضحكت وعفتها كملنا غدة ورحت لغرفتي

خلصلوا الكل الغدة نظفت المطبخ ورحت لغرفتي
صايرة اتعب بالبارت اضوج اكتب

يتبع..

*******************
خلص البارت.