❤️غلطه حب ❤️

اعطاء فرصه

طلعت من الغرفه اني واختي الصغيره بعد ما لفيت الها الشريط ولبست (ارتدت)حذائها وراحت هي وزهراء ليبره
الي جان منتضرهم أبويه حتى يوصلهن للمدرسه بطريقه
ودعتهن من باب المطبخ واتطيت كل وحده بوسه وحضنه
ورجعت لامي
وشفتها شلون ملتهيه بالشغل
كلت
يمه شنو اليوم غدانا ؟
.
راده وهي تكلي البتيته(تكلي/تقلي)..(البتيته/البطاطا)
دجاج مشوي وبتيته قلي وشويه مقبلات
وتمن ومرك وها مو اي مركه لا من الي تحبيها
مركه طرشانه
(تمن ومرك/رز ومرق)
.
أهنا نفسيتي اتعدلت لأن انذكر اسم الاكل اكبالي
واني من النوع الي كل ما اضوج اذب كل قهري بالاكل
واظل اكل واكل واكل واكل لحد ما اشبع ..
.
رديت
اي خوش
والله هسه النفسيه اتعدلت والمزاج صار رايئ على كوله اللبنانيين
رايئ/مرتاح أو مسترخي)
.
من يصير وكت الغداء صيحيني
لأن حيل جوعانه
راح اروح اتفرج على شي فيلم بلكت اكو فيلم بي حض يوخر عني الملل والاكتئاب الي ضاربني
وتركتها ورحت للصاله
وفتحت( الtv) وبديت اكلب بالقنوات لحد ما شفت فيلم
على أم بي سي 2
يحجي عن اثنين بنات وحده تحب اللخ...
ولمن عرفتها على أهلها
ابوها وامها رفضوا طلبهن بأن يصيرن سويه وان كل وحده تنفصل عن اللخ
بس البنيه رفضت أن تتركها لأن تحبها
فالاب خير بينهم وبينها
لبنته
وبنته اختارت حبيبتها وتركت أهلها
ولمن سألتها البنيه ليش تركتيهم ورحتي وياي ...
ردت
لأن هم ما وكفوا وياي مثل ما وكفتي وياي
وهمين ما قدروا ميولي ولا شخصيتي ورفضوني
فالذالك
اني هم ما اريدهم ومراح اتقبلهم مثل ما سووا وياي
ما راح اكون بنت الهم الا لمن يكونون أهل إليه حقيقيين
ويقدروني ويتقبلوني مثل ما اني
ويحترمون حريتي ورأيي وطريقه حياتي الي اني ناويه اعيشها
هيج هم الأهل الحقيقيين
اذا هم ما وكفوا وياي منو راح يوكف ويدعمني
واذا هم كرهوني فاني راح ارد الكره بالكره
أما بالنسبه للمجتمع فطز بي وبكل واحد يدخل بحريتي
وطريقه حياتي
وميولي والي هو أكثر شي شخصي بي
وبداخلي نابت ومخلوق
الناس رأيهم مايهمني ولا يهز شعره من راسي
ومراح يغيرني اني هي اني
احب البنات واميل الهن واني هيج انخلقت مثل ما انخلق الإنسان الي يحب من الجنس الآخر
والحب هو الحب سواء حبيت رجال أو امراه
المهم تحبون مو كل كلبكم وتعيشون بسعاده وتثقون ببعض
غير هيج ما راح اعيش
راح اعيش هل الحياه مثل ما اني اريد واميل
وبس ومراح اتغير من كلام الناس الي يوم وياج وباجر ضدج....

.
أهنا اني اصفنت على كلامها والي أثر بي كلش..
وحسيت لازم انطي فرصه لهل الحب وان ماائذي نفسي
واحرم نفسي من لذه الحب والحريه
يعني اني اذا انطيت فرصه لزينه
معقوله راح اعيش وياها بسعاده
معقوله راح الاحلام الي براسي تتحقق
معقوله احنا بهل الدنيا فرصه لحتى نحب ...
زين
واهلي
اكيد راح يرفضوني
بس ميهمني
اذا رفضوا او لا
المهم اني اكون مرتاحه بأن اطلع روحي الحقيقيه واعيش الحياه الي اني أريده من صدك
واني اريد اعيشها ويه زينه ...
بس رقيه شلون
؟.
لازم اكوللها على سالفه رقيه وان هي تدري ...بسر علاقتنا
يله كلشي راح ينحل..وطز بكلشي راح يصير
هسه
أو بعدين
أريد اغامر
واحب وانحب
حالي حال اخويه الي حب واتزوج
شنو الفرق بيني وبينه ولا شي
.
درت وجهي للباب ولكيت امي داخله وكاعده بصفي
كايله
اخ اخ اخ رجليه
بويه ...واخيرا خلصت
الغداء بس يجي ابوج من الطالبات اسويلكم غداء
خوش
خليني ارتاح ما بين يجي حيدر بسلامه ...
.
ضليت اباوع على امي وردت اسئلها سؤال
من زمان أريد اسئله الها
وأشوف شنو جوابها راح يكون
بس جوايه دوم واحد يكولي جوابها الرفض اكيد ...
.
يمه ...
عينها على التلفزيون وكالت ها ...
يمه اذا فد يوم اجيتج
وكتلج أن اني ميولي للبنات
شراح تسويلي ؟
راح تكرهيني لو تكتليني؟
.
ردت
وهي تنطيني نضره
استغراب
شنو هل السؤال الغريب هَنا
بعدين اكو ام تكتل ضناها (ابنها او ابنتها)
شابفتيني مخبله حتى المخبله ما تسويها
ياااا
.
رديت
زين شراح تسوين أو شنو تكولين
.
ردت
انتي شبيج اليوم وياي
شنو هل السؤال
التعبان
من عزه هل الضهريه متعوفيني بحالي اباوع على هل المسلسل
.
رديت
هسه دجاوبي
يمه ...
واني ادغها بجتافها (انقر على كتفها)
.
ردت بعد ما لحيت عليها بالاجابه
يوووووو
ياهَنا
والله تلحين
دوختيني عاد...
شسويلج يعني
غير اوديج دكتور نفسي ويعالجج
شسويلج يعني
قابل...
.
أهنا اسكتت وصفنت بوجها
على النتيجه الي جنت مو بس متوقعتها وانما متأكده منها
هي الي راح تجاوبني بيها ...
.
وصدفه واني ردت أشد وياها بالكلام
وردت احجي الي بداخلي
وليش همَ يضلون يفكرون بينا بأن احنا مرضى نفسيين
وليش لازم نتعالج من مرض الي اصلا هو مو مرض وانما ميول الله خلقَ بداخلنا
مثل ما خلق ميول لغيرنا
مثل ما خلق ميول لاخويه للبنيه.اني هم اميل الها
شنو الغلط اذا نحب وننحب
وما نأذي احد
ونعيش بحريتنا ونمارسها...شنو الغلط بس
زين اذا احنا مرضى
ليش
لحد الطب ما لكه النا علاج
واذا الله خلقنا واحنه هيج ليش يذبنا بالنار ...وليش حرم علينا هل الحب
وخلان نخاف ونتأذى ونسكت عن الي بداخلنا
ومنطلع الروح الحقيقيه الي بداخلنا المكبوته...ليش مااكدر.اكول اني بنيه ميولي للبنات
أو أريد احب واتزوج امراه او بنيه.
ليش .الخوف ليش هيج سوه رب العالمين بينا
شنو الغلط ومنين همين ...؟(احد يجاوبني ويقنعني)
.
.
اجا أبويه
وخلا هل الضهريه تمر على خير
بدون مشاكل
وكملت يومي بغرفتي
ويه الكتب الي أبويه جابهن إليه
وجانن قديمات ومستعملات ومو كاملات...بس يلا
على الاقل يضيعن وكت ويخلني ادرس
حتى احقق الحلم الي اني أريده
صبر
بس شويه صبر...
.
وبديت افتح كتاب كتاب
واقرا موضوع موضوع
والموضوع الصعب...افتح. النت واطلع على اليوتيوب
مدرسين وافتهم منهم المواضيع
والدروس...
صارت الساعه ب٣ الضهر
حبيت اخذ استراحه ...ودخلت على زينه وفتحت منها الحضر...وراسلتها
زينه
اني اليوم
لازم اشوفج...
ولازم نتفاهم
على موضوعنا
ياريت تجيني العصر للبيت وبحجه اني أريد اطلع وعندي حاله نفسيه
راح تاخذيني لبيت عمتي عساس
بس احنا راح انروح لمكان أو نظل بسياره
ونتفاهم واريد اكلج على قراري النهائي بعد ما فكرت وأدركت شنو الصح من الغلط
.
وراها قفلته وحبيت أخذ كسره (قيلوله)
وانام
واني بنص الحلم اسمع موبايلي يرن
كعدت ولكيت زينه تتصل
بي
فتحت الخط
بعد ما كلبي كام يدك بسرعه مو خوف لا حب💓
الو
ردت عليه
أهنا اني مدري شصار بي
مثل التايهه مثل الي ما تندللها طريق
حسيت اريدها كبالي واريد اشوفها تفتحلي أيديها وادخل بحضنها واظل هناك وما اتركها ولا ابجيها مره لخ ...
.
الو
زينه
شلونج...
.
ردت
تمام ومو تمام
تمام لأن انتي واخيرا اشفقتي عليه
ومو تمام لأن كل عاده راح اسمع منج الرفض
بس مع ذالك فرحانه لأن جاي اسولف وياج واسمع صوتج
.
اتقهرت داخليا وحسيت هواي قصرت بحقها
وهواي ظلمتها بكلامي وبطريقه تعاملي وياها
حسيت من صدك شكد جنت دافره نعمه الله
(دافره/ضاربه)
وهي الإنسانه الي فعلا الله مقدرها اليه
.
رديت
زينه
اني
أريد
اتنهدت وبده صوتي يتغير وانفاسي بالكوه اخذها
ودموعي تلقائيا بدت تنزل
زينه
اني .احبج (علكوا اغنيه اخيرا كالها 😭😂 امزح امزح خليكم ويه اللجو)
اني اريدج
وحيل همين
اني أسفه لأن جنت حيل ائذيج بكلامي
ومعاملتي القاسيه وياج...بس والله العظيم لمن تروحين
ولمن اقفل الجهاز بوجهج..اظل ابجي وكلبي ينفطر
عليج وما اتحمل اشوفج تترجيني وتحاولين
وياي
وكل مره اصدج بيها (شهكه)
ادمر بداخلي
وكلش
هم ...
بس اليوم قررت
وبعد ما بيها اي رفض أو صد الج
راح اليوم اسمع كلام كلبي واترك عقلي
بس وآلله زينه إذا ما عيشتيني بالطريقه الي اني احلم اعيشها وياج
انعل يومج زين
أو فكرتي يوم تتركيني أو حتى تخونيني
ساعتها راح اكتلج واكتل نفسي تره اني خبله أكثر منج
.
سمعت ضحكتها وضحكت وياها
واحنا نتبادل البجي والعتاب
راده
واخيرا
واخيرا سمعتها لهل الكلمه من حلكج
واخيرا هَنا كلبج رادني
قاطعتها
انجبي
اصلا هو جان رايدج من زمان
بس هو شويه عنيد
.
ردت
شويه عنيد
كولي هواي كومه كلش كثير
بس بالاخير
جبت رأسه وحننته عليه وخليته يحبني
وهمين افتحت القفل وأخذت المراد
مو
.
رديت بضحكه واني امسح دموعي ومخاطي🤣
اي ومنو المراد أن شاء الله
.
ردت
حبوبتي منو يعني انتي
بس تدرين شغله
اليوم مراح انسا
وهمين كل سنه راح أظل اذكره وراح أخلي كل سنه اني وياج نحتفل بي
لحد الموت
احلا واجمل خبر سمعته
من احلا وحده بكل هاي الدنيا
.
رديت
لا تبالغين .وبعدين انطمي خليني اكمل
كلامي
اكو فد شروط لازم تتبعيها ومو بس اني طبعا انتي هم اكيد عندج شروط
فراح ابدي اني
.
ردت
اكيد
ليديز فيرست
وشروطج كلهن موافقه علين قبل حتى لا اسمعهن
.
رديت
بس بسج يا الخفيفه
ماصدكتي
وبعدين شنو ليديز فيرست مو اني حابه رجال
مو انتي مراه واني مراه
بلا غباء
وخلينا الغي وامضرط
احمممم احممممم.
هن مو هواي
بس ٣
أو ٥
المهم اول شرط
أريدج تحبيني من كل كل صماصيم كلبج
وال٢
ما تكسريني ولا تأذيني باي شي
ال٣
أريد اعيش حياتي واني ما اتحسر على الساعه الي كتلج بيها اي
وال٤
أريدج تخليني اطير مثل الطير بالجو
أريدج وياي لآخر العمر
واريد احقق احلامي وانتي وياي وبضهري ساندتني
وال٥
أريد أظل احبج يوم عن يوم ويزداد حبي الج وهمين ثقتي بيج ابد مااريدها تنكسر
.
ردت بعد ما جانت تستمع إليه بكل هدوء
من باطن عيوني
هذني مو بس شروطج
هذني شروطي هم والي اني اريد احققهن وياج
صدكيني وثقي بي يا هنون مراح تشوفين وياي اي شي سلبي او يأذيج كلشي راح تشوفي أو تعيشي هي ايام ايجابيه وممليه حب 💓
وهسه منتضرتج باليل
اني راح اجيج باليل بالسياره واوكف الج بالباب
وانتي طلعيلي على كيفج وفتحيلي الباب واني اطبلج واخذج لبيتي
لو تريدين لمطعم لو نوكف على الشط لو وين تحبين؟
.
رديت
لحضه لبيتج ؟
وشلون علي والجهال
(علي زوجها)
.
ردت
لا
لاتخافين ما موجودين اليوم نكدر ناخذ راحتنا بالكلام
همه ببغداد عند بيت اخته هناك
معزوم ...
ها شتأمرين اوديج لوين؟
.
رديت
اهاااا
امممممم خليني افكر
الشط بارده مااكدر
أريد ادفى خلينا ببيتج اي
اوك ماشي الحال
.
ردت
اوك
اشوفج
باليل
يا حلوه ...حلوتي
.
رديت
يمكن اني نسيت شرط من الشروط
.
ردت
شنو هو
؟
رديت
شنو هو يا هنا شنو الي ردتي تشرطي اها
أن ممنوع تتغزلين بي
.
ردت
بعد ما ضحكت
ليش ولج
اكو احد يرفض أن يتغزل حبيبه بي
.
رديت
اي
اني
.
ردت
هههههه
وليش بله ممكن اعرف
.
رديت
لأن استحي 🤭😖
.
ردت
اوه فديت الخجلان والمكسوف اني
.
رديت
زينه ...صحت بيها بتهديد بس بشقه
.
كامت تضحك وتكولي
ماشي يابه ماشي سكتنا
المهم هسه محتاجه شي شاتي
مني هسه
.
رديت
لع
بس شي واحد وهو سلامتج وابتسامتج
.
ردت
والله من هل الناحيه اطمئني
سلامتي وابتسامتي هسه فول لأن مادامج وافقتي
حالتي النفسيه عال العال هي والصحيه
.
رديت
تمام لعد الله وياج
حبيبتي
كلتها وبالكوه طلعت من شفايفي بسبب الخجل
.
ردت
شنو
شنو اخر كلمه
كلتي ....
ما سمعتها الصراحه
.
رديت
اي واضح ماسمعتيها عاد ليش ركزتي عليها بالذات
هممممم ام دروب
عبالج اني راح استحي مثلا
واصير كيوت وما اكدر اكولها
تره اكدر
.
ردت
يلا لعد اتحداج
ومو على الموبايل كدامي وجها لوجه وانتي هيج كبالي واكفه
.
رديت
وشراح احصل اذا كلتها مثلا
شراح تنطيني
.
ردت
ملعونه
الضاهر راح اكل هوى من هل العلاقه واضل اصرف عليج وارجع ليوره
بس يله مادام الفلوس والحلويات والاكل وكلشي تطلبي
الج انطي
ف بالعافيه
عليج
واكون اني الممنونه لأن جاي انطيج
واذا تريدين حتى كلبي انطيج
.
رديت
عزه عزه
تره ماطلبت شي
منج غالي وبي فلوس
يا البخيله
اني اكول إذا كلتها لازم تنطيني شي لان هو هذا الحب
أخذ وعطاء
مو هيج
فلازم تنطيني شي مثلا بوسه
.
ردت
ههههاي
ها ولج ملعونه تريدين ابوسج
اي ليش لا من هل العين قبل هل العين
أو من هل الشفه قبل هل الشفه
.
رديت
اني ما كلت من الشفايف
تؤ
أريد من الخد أو الجبهه أو الايد
مو اله بالشفايف يعني 😒
.
ردت
من الايد ترهم لأن انتي ملكه كلبي وعقلي وكلشي

أما من الخد هم ترهم لأن من زمان وجناتج
أما الجبهه
صراحه ما ترهم
.
رديت
ليش بله؟
.
ردت
حبيبي انتي مو امي حتى ابوسج من جبهتج ولا أبويه
بضحكه.
.
رديت
ها
تره لمعلوماتج البوسه على الجبهه معناها زياده ثقه بين وامان بين الحبيبين مو بوسه عاديه
وانتي راح تبوسيني من جبهتي وهمين اني
وغصباً عليج
خوش
بعصبيه رديت عليها
.
ردت.
يمه يمه اللسان
بوتوم مو بيدجن أنتن البوتوم اصيرن لسان
وماينكدر الجن ...
ابد
.
رديت
اي صحيح احن البوتوم لسان
بس حنينات مو صحيح
.
ردت
حنينات
اي حنينات كلش بحيث التوب تاكل قنادر ياله تبادرن
وتكولن احنه هم نحبجن...مظبوط كلامج
.
رديت
بعد ما كلبت عيوني
زينه
اني راح اروح بديت انزعج الصراحه ...واني لمن انزعج اجوع فراح اروح اكل احسن الي اظل اتعارك وياج ..
ماشي باي
.
ضحكت بقهقه وردت
روحي روحي أم لسان
روحي عبي كرشج
.
.
وقفلت الجهاز
على وجها
وابتسمت بفرح وضليت ابتسم واضحك بدون شعور
حسيت اني امتلكت الدنيا كلها والقدر اخيرا ضحك بوجهي
.
.
.
بس ظلت سالفه
رقيه
شلون بيها
لازم افتح موضوع وياها باليل
اي
لازم ما اظم عليها هيج شي
.
.
.
.
.
.
يتبع
هلا وغلا
طبعا اليوم مو اخر بارت من هل الروايه
لا افتهمتوني غلط
جنت اشاقه
بس قصدي مراح يصير اكو حزن مره لخ بين زينه وهَنا
رأيكم بالاحداث
وهمين شنو تتوقعون
من الاحداث القادمه
ورقيه شنو نيتها لمن عرفت أن بين زينه وهنا
وهل راح تهدد هنا بأن تترك زينه
وزينه شنو رده فعلها لمن تعرف اختها درت بميولها الحقيقي
وهل العلاقه راح تبقى
لو
راح تنكسر
كلوبهن
اشوفكم بالبارت القادم ....
باي
❤️💚💙💛🤎🖤🤍