❤️غلطه حب ❤️

كشف الحقيقه 🥰

بعد ما تركتنا كل المعازيم الي جانوا عدنا بالبيت
وقفل أبويه الباب ودخل
وجان شكله عصبي حيل
واول ما دخل للصاله كال(بصوت عالي وعصبي)+
شفتوها لبنت اختي شسوت
شلون خلتني بنص هدومي
وفشلتني
وهي بكد زري (زري/فخذي)+
بس هي مو صوجها...لا صوج البعيره اختها الي ما كفختها على حلكها وكسرت فجوجها(فجوجها/سنونها)+
بس
شلون تكفخها
اذا هي الي كايله الها
والله اعلم المن كايله بعد وطاشه الخبر
لليسوه والي ما يسوه
اكيد ظالين حاجين عليه وعلى فقري ...وضيمي
من اهمداني
واهمده حضي الي خلاني بهيج حاله ...
وخلا زينه اتساعدني
.
أهنا امي ردت وكالت
اي والله
كلامك صحيح
صدك بنت اختك وحده ما مربايه ابد
وحتى احلام ما حجت ولا كسرت عينها كبالنا
ورزلتها
خاله لاتزعلين بس بنتج منطيَ مجال لبناتها كلش...
.
رديت اني
بويه
لا تضوج ولا تنقهر
من وحده زعطوطه
هسه اني قصرت وياها
متشوفني هجيتها خوش هجه وضليت ادكلها بسامير طول الكعده...(هجيتها/رزلتها وراويتها قيمتها)
(ادكلها بسامير/اغيضها بالكلام)
.

رد هو
هجيتيها ما هجيتيها
شو هي بعد جفصت بمصاريني وكدام اخوتي كلها
وخلتني بوجه اسود
ومحد من خواتها ولا حتى امها
رزلنها وصمن حلكها....
فمن هاي السالفه الي صارت اليوم
بعد ما كو
شغل ويه زينه
بويه
هَنا
سالفه الشغل ختولي ويه بنت خالج
لأن ختولي...
زين واذا على الشغل فربج ما يكطع ...والف باب تنفتحلج
والرزق ما طاير وربج هو وحده المُسهل
ويسهلج أمر...
..
أهنا
بيبيتي صاحت وكالت
اله:
ايييييييي
ليش
ياحيدر
مو رزق حلو وشغله حلوه وهمين مو غريبه
بنت عمتها
وبعدين
انتوا ليش تأخذون
ذنب المراه
هي اصلا مو الي حاجيه..
.
قاطعها أبويه بصياح
لعد منو الي حجه(حجه/تكلم)
.
ردت
اني
(أهنا بيبيتي لمن كالت (اني ) كلنا انصدمنا وضلينا مستغربين منها )+
رديت :
اني
من صدمتي 🤨
شلون
انتي
بيبي؟!
.
ردت
اي
ليش اجذب عليكم
وأخليكم تأخذون ذنبها
اني لمن خابرت زينب
چنتي(چنتي /زوجه ابني)
وكلتلها عليج
وكلت الله يخليها لزينه هي الي ساعدت حيدر بالفلوس
مال العمليه
فاكيد
زينب كالت
الحجي(الكلام)
لچناينها
(چناينها/زوجات اولادها)&
هاي السالفه كلها لا زينه المكروده الها دخل ولا هي الحاجيه (التي قالت)*
.
.
أهنا اني حسيت براحه
لمن سمعت براءه زينه من السالفه وان هي لمن حلفت بعافيتي ووداعتي
ما جانت اچذب (تكذب)
وجانت تكول الحقيقه ...
أهنا بديت اني بالدفاع عنها
لأن هي هواي ساعدتني فلازم اني هم ارد الدين
ولأن هي عدها معزه بكلبي جبيره
.
رديت
شفت بويه
يعني بيبيتي هي السبب الحقيقي وره كل هل البلبله
يعني بيبي
ما كدرتي تسكتين
وما تحجين لأحد عن المساعده مال زينه شفتي شلون خليتي أبويه ياخذ ذنبها ولا خلاني ابطل من عدها
هذا مو حجي منج تره خطيه المراه ما حاجيه
.
ردت
واني شمدريني
حجيت بعد
.
اهنا
امي كالت
هي انتي تجفصين واحنا نبتلي وسوت حركه بشفايفها دلاله على غضبها من بيبيتي(بيبيتي/ام ابي)
.
كام أبويه أهنا يصيح على بيبيتي ويلومها
على غلطها
.
رحت أهنا اني وتركتهم يتعاركون ودخلت الغرفه الثانيه
وبديت اراسل زينه
كاتبه الها
زينه طلعت بيبيتي هي الي حاجيه لعمتي زينب
وطبعا عمتي
حجت اكيد لاختج الحيه الصفره
واختج شسوت جفصت بمصارينا وهسه أبويه
صاير كلش عصبي وهمين
هو زعلان عليج
وبسبب اختج أبويه بعد ما يخليني اشتغل وياج
*
وقفلت الجهاز
وحسيت بنعاس وقررت انام
وراها حسيت الفجر لمن كعدت من حلم مزعج حيل راودني
وجان كله دم وقرف
وكثر ما جان مؤذي اترسخ بعقلي وماكدرت أنساه
بديت استغفر ربي وانعلت الشيطان اللعين
وراها سمعت صوت العصافير وهي تزقزق
بعد ما انتهى المؤذن من الاذان
حسيت بوكتها براحه نفسيه وطاقه ايجابيه استوحت كل جسمي ...وهمين صارت عندي نيه للصلاه
بس للاسف ما اكدرت اصلي لأن حسيت نفسي مو نضيفه ووصخه وما مستعده اواجه رب العالمين بهل الشكل
.
وراها افتحت جهازي
وشفت الساعه ٣:١٥دقيقه
الفجر بالتوقيت الشتوي
وراها اتذكرت زينه وان اني مراسلتها فأكيد راده عليه هسه
فتحت حسابها ودخلت عليه وشفت كميه الرسائل والمكالمات الوارده منها شكد
استغربت ليش ما حسيت على صوت الدكه
بعدين شفت أن اني مطفيه الواي فاي
(مطفيه/ غالقه)
.
شفت شكاتبه إليه وبديت أقره رسائلها
زينه
:
شلون ؟
يبطلج من الشغل
ليش
تره مو اني السبب ولا اني الي حاجيه
وبعدين خالي مكدرته بس عليه وعليج ميروح يلوم أمه
على الي سوته
ورقيه اصلا لو تشوفين شلون رزلتها بالسياره وطيحت حضها
كدام الكل
ولمت امي عليها
وهمين حذرتها أن مره ثانيه تعاملج هيج معامله
وحاجيتها أن ما الها اي دخل بيج ...هماتين
(هماتين/أيضاً)
وانتي هَنا
شنو كلتي لخالي لمن كلج بعد متروحين للشغل
اكيد رفضتي مو
؟
لاتخافين
اني راح اصلح الوضع ومراح اسمح لاي احد كان
أن يخليني ما اشوفج
تمام ياروحي
لاتهتمين ابد وخلي الموضوع عليه
بس الي أريده منج أن توكفين وياي خوش وترفضين قرار خالي وهمين تقنعي يرجعج للشغل وياي